Kurdî  ■  كوردی  ■  عربي
TUE, 15 JUL 2025 22:38 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serok Barzanî Sersal pîroz kir
| KDP.info


Hewlêr-KDP.info- Serok Mesûd Barzanî peyameke pîrozbahiyê bi boneya hatina sala nû belav kir û tê de got, nabe êdî hewla piştguhkirina pêkhatên Iraqê di hukimraniyê de were dayîn.

Ev jî tekesta wê peyamê ye:

“Bi navê Xwedayê mezin û dilovan

Bi boneya serê sala nû ya zayînî pîrozbahiyê li xelkê Kurdistanê û malbatên şehîdan ên serbilind û Pêşmergeyên qehreman dikim.

Hêvîdar im sala nû ji bo gelê me destpêka qonaxeke nû be, ji bo baştirbûna rewşa xelkê û pêkanîna aramî û pêşketinên zêdetir.

Bi pêwîst dizanim ku spasiyên xwe pêşkêşî Hêzên Pêşmerge û dezgehên emnî û hemû xelkê Kurdistanê bikim ku herdem bi qurbanîdan û xweragiriya xwe, li hemberî gef û teror û dorpêçan de rawestiyan û parêzgeriyê li Kurdistanê kirine. Erkê ser milê hemû dam û dezgeh û aliyên siyasî ye ku di asta qurbanîdana gelê me de bin û pêkve û bi himmeta hemû aliyekî em parêzgeriyê li destkeftan û mafên xelkê Kurdistanê bikin.

Hilbijartina Cotmeha derbasbûyî ya Encûmena Nûnerên Iraqê, hilbijartineke baş bû û encamên wê jî nîşana xwest û îradeya welatiyan bû.

Piştî pejirandina encaman ji aliyê Dadgeha Federalî ve pêwîst e pêngav û nerîtên destûrî yên ji bo pêkanîna kabîneya nû ya hikûmetê û dezgehên din bileztir bêne bicîhkirin û geşbûn û xizmetguzarî û maf û xwesta welatiyan û hemû pêkhatên Iraqê bibe ewlewiyeta bernameyên hikûmeta nû. Ew jî di çarçoveya bicîhkirina hersê prensîpên hevbeşî, lihevkirin û hevsengiyê di hukimraniyê de.

Di heman demê de jî nabe êdî hewla piştguhkirina pêkhatên Iraqê di hukimraniyê de were dayîn.

Bi boneya serê sala 2022 ya zayînî, em careke din tekeziyê li ser peyama aştiyane û çanda pêkvejiyana gelê Kurdistanê dikin û pêwîst e hemû aliyek bi başî wê yekê nas bike ku Iraq û navçeya me êdî xwe li ber kêşe û tundutîjî û teror û tundrewî û nearamiyê nagrê.

Erkê civaka navdewletî ye jî ku ji bo parastina aştî û dadperwerî û asayîşê sebebeke alîkar be, bo ku êdî zêdetir gelên navçeyê û xelkê bêguneh rastî êş û wêrankariyê nebin.

Di sala nû de bi hêviya wê yekê me ku aştî û pêkvejiyan li ser navçeya me bicîh were û hêviya xêr û xweşiyê ji bo gelê Kurdistanê dixwazim. Ji xwedayê mezin hêvîdar im gelê me ji hemû nexweşî û êş û karesatan dûr be.

Mesûd Barzanî
31.12.2021




Nûçeyên din

Daxuyaniyek ji Serokayetiya Herêma Kurdistanê

TUESDAY, 15 JULY 2025 14:07:26

Hewlêr-KDP.info: Serokatiya Herêma Kurdistanê li ser êrişên bi dronan daxuyanî da.

 
PDK û YNK tekezî li ser yekhelwestiya aliyên siyasî kir

MONDAY, 14 JULY 2025 19:07:43

Hewlêr-KDP.info: Îro 14.07.2025, Serok Mesûd Barzanî, pêşwaziya Bafil Talebanî Serokê Yekitiya Niştimanî ya Kurdistanê û şanda pêre kir

Nêçîrvan Barzanî pesnê hevpeymaniya navdewletî dide

MONDAY, 14 JULY 2025 17:07:23

Hewlêr-KDP.info: îro dûşem 14.07.2025, Nêçîrvan Barzanî Serokê Herêma Kurdistanê, bi General Kevin Leahy Fermandeyê Hêzên Hevpeymaniya Navdewletiya li Iraq û Sûriyê û şandeke pê re civiya.

 
Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.



 
© 2023 Kurdistan Democratic Party, KDP

Contact