Kurdî  ■  كوردی  ■  عربي
THU, 21 OCT 2021 15:30 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî spasiya parlamentoya Brîtanya kir ku tawanên DAIŞê li beramber Êzdiyan wek cînosayd nas kir
| KDP.info


Hewlêr-KDP.info- Serokê Herêma Kurdistanê Nêçîrvan Barzanî li gel Serokê Encûmena Lordan a Brîtanyayê John McFall civiya. Serokê Encûmena Lordan a Brîtanyayê spasiya Herêma Kurdistanê kir û dûpat kir ku ew dê li ser piştgiriya bo Herêma Kurdistanê berdewam bin. Nêçîrvan Barzanî jî daxwaz ji Parlamentoya Brîtanyayê kir ku alîkar bin ji bo qayîmkirina demokrasî û dezgehên Herêma Kurdistanê.

Serokê Herêma Kurdistanê Nêçîrvan Barzanî îro Pêncşema 16.9.2021 di duyem roja serdana xwe ya fermî de bo Brîtanyayê, li gel Serokê Encûmena Lordan a Brîtanyayê ya li Parlamentoya Brîtanyayê Lord John McFall civiya.

Di civînê de dawîn pêşhatên rewşa Iraq û navçeyê, prose û jiyana siyasî li Iraq û Herêma Kurdistanê û hilbijartinên dahatûyê, peywendiyên Iraq û Herêma Kurdistanê li gel Brîtanyayê, şerê dijî terorê, Covid-19, rewşa koçbner û penaberan li Herêma Kurdistan ê, karîgeriyên guherîna keşûhewa li ser Iraq û Herêma Kurdistanê û çend pirsên din ên cihê girîngiya hevbeş, hatin gotûbêjkirin.

Lord John McFall pesnê proseya demokrasiyê li Herêma Kurdistanê û danîna kota bo misogerkirina beşdariya jinan û nûnerên pêkhateyan li proseya siyasî û jiyana parlamenî û dezgehên hikûmetê kir û dûpat kir, “Parlamentoya Brîtanyayê berdewam dibe li ser piştgiriya bo Herêma Kurdistanê, ji bo vê mebestê jî pêşniyaz û rasparde dide hikûmeta welat (Brîtanya). Herwiha spasiya rola Herêma Kurdistanê kir di rûbirûbûna teror û têkbirina DAIŞê de.”

Serokê Herêma Kurdistanê Nêçîrvan Barzanî jî spasî û pêzanînên Herêma Kurdistanê bo berdewamiya piştgiriya parlamento û Encûmena Lordan û hikûmeta Brîtanyayê yên li Iraq û Herêma Kurdistanê dûpat kir û spasiya parlamentoya Brîtanyayê kir ku tawanên DAIŞê yên li beramber Kurdên Êzdî û pêkhateyên din ên Iraq û Herêma Kurdistanê wek cînosayd nas kir.

Herwiha li gor daxuyaniyê, Nêçîrvan Barzanî daxwaz kir, “Parlamentoya Brîtanyayê di qayîmkirina demokrasî û dezgehên welat de, alîkariya Herêma Kurdistanê bike.”

 




Nûçeyên din

Mesrûr Barzanî: Divê armanca xwendinê ji bo avedankirin û bihêzkirina welat be

WEDNESDAY, 20 OCTOBER 2021 18:10:13

Hewlêr-KDP.info- Serokwezîrê Herêma Kurdistanê Mesrûr Barzanî îro di merasîma xelatkirina hejmarek xwendekarên serkeftî yên qonaxa 12 a amadehî yên sala 2020 – 2021ê de amade bû û tê de gotarek pêşkêş kir.

 
Fazil Mîranî: Em dixwazin partiyên Kurdistanê wek tîmekê li Bexdayê kar bikin

TUESDAY, 19 OCTOBER 2021 18:10:16

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Partiya Komînîst (Şûî) ya Kurdistanê, sekreterê polîtburoya PDKê Fazil Mîranî û sekreterê giştî yê Partiya Komînîst a Kurdistanê Kawe Mehmûd civîneke çapemeniyê ve balkêşan ser naveroka hevdîtinê.

 
PDK: Li hemberî hizra inkara mafên Kurdistanê pêwîstiya me bi yekrêziyê heye

TUESDAY, 19 OCTOBER 2021 17:10:02

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Tevgera Îslamî ya Kurdistanê berdevkên herdu aliyan kongreyeke rojnamevanê lidar xistin û derbarê naveroka civînê de daxuyanî dan.

 
Fazil Mîranî: Em dixwazin ku Kurd li Bexdayê yekrêz bin

MONDAY, 18 OCTOBER 2021 19:10:22

Silêmanî-KDP.info- Sekreterê Polîtbîroya PDKê Fazil Mîranî ragihand, “Armanca me ji serdana aliyên siyasî yên Kurdistanê li Silêmanî ji bo yekrêziya Kurdan e, ku em dixwazin piştî hilbijartinan qonaxeke nû destpê bike û ew tundiya ku beriya hilbijartinan çê bû, nemîne.”

 
PDK: Ji bo ku em mafên xwe yên destûrî biparizin divê li Bexdayê em yek bin

MONDAY, 18 OCTOBER 2021 18:10:28

Silêmanî-KDP.info- Îro 18.10.2021ê piştî hevdîtinên şandeya bilind a PDKê û YNKê berdevkên herdu aliyan li ser naveroka hevdîtinê kongreyeke rojnamevanî lidar xistin.



 
© 2021 Kurdistan Democratic Party, KDP

Contact