Kurdî  ■  كوردی  ■  عربي
SAT, 18 SEP 2021 02:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Şoreşa mezin a Îlonê maka şoreşên Kurdistanê ye
| KDP.info


Hewlêr-KDP.info- Serokê Herêma Kurdistanê Nêçîrvan Barzanî bi boneya 60emîn salvegera Şoreşê Îlonê peyamek belav kir û Şoreşa Îlonê wek dayika şoreşên Kurdistanê binav kir û got, di “yek ji serdemên herî dijwar ên dîrokê de hemû çîn û pêkhatên Kurdistanî di bin serkirdayetiyeke cihê baweriyê û îradeyeke yekgîrtî de kom kir.”

Ev jî tekesta wê peyamê ye:

“Di bîranîna şêst saliya hilpêkirina şoreşa mezin a Îlonê de, birêz û rûmetê ve bîranîna rêberê şoreşê Barzaniyê Nemir û hevalên wî û tevahiya şehîdên şoreşê û Kurdistanê dikin, silav û rêz ji bo giyanê wan yê pak dişînin û serê rêz û rûmetê li ber wan da ditewînîn.

Şoreşa mezin a Îlonê, maka şoreşên Kurdistanê ye ku yek ji serdemên herî dijwarên dîrokê de hemû çîn û pêkhatên Kurdistanî li bin serkirdayetiyeke cihê baweriyê û li îradeyeke yekgîrtî da komkir bo ku pêkve û bi navê yek armancê da berengariya sîtem û zordariyê bibin û daxwaza azadî û mafên xwe bikin.

Şoreşa mezin a Îlonê îradeyeke polayîn û bingeheke li gelê Kurdistanê da dirust kir ku êdî tu demekê nedibû bişkê, ji bo wê yekê piştî alîkariyên navdewletiya li şoreşê, demeke kêm de gelê Kurdistanê rêzên rêkxist û dûbare hate nav kora xebat û têkoşîn û rûbirûyê hemû hêz û çek û zebir û zengeke desthilatiya wê demê ya Iraqê bû.

Şoreşa mezina Îlonê û bandor û pêgeh û dengvedana wê ya li ser asta navçeyê û cîhanê, bûne bingehek ku rêkeftina 11ê Adarê û hemû destkeft û pêşketinên piştî wê gelê Kurdistanê li ser avakirin, destkeftê herî mezin jî dirustkirina şanazî û nasnameya niştimanî û neteweyî û îrade û giyanê berengarî û berdewamiyê bû ku gelê Kurdistanê bi îro gihand.

Bila bîranîna şoreşa mezina Îlonê ku şoreşa tevahiya gelê Kurdistanê bû, bikin hewên û bingeha yekrêzî û tebayî û pêkvejiyana hemû pêkhatên Kurdistanê û bi heman giyana şoreşê, ji bo pêşerojeke baştir û çespandina federalî û parastina statyo û qewareya Herêma Kurdistanê û destkeftên wê de, pêkve pêngavan bavêjîn û kar bikin.

Herdem bilind û bi rûmet bê bîranîna şoreşa mezin a Îlonê û silav û rêz ji bo giyanê pak ê şehîdan.

 

Nêçîrvan Barzanî

Serokê Herêma Kurdistanê

11.09.2021”

Attachments area




Nûçeyên din

Serokê Herêma Kurdistanê li gel Wezîrê Perwerdeyê Brîtanya civiya

FRIDAY, 17 SEPTEMBER 2021 18:09:14

London-KDP.info- Piştî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê li gel birêz Nedîm Zehawî Wezîrê Perwerdeyê Brîtanya civiya.

Nêçîrvan Barzanî li gel Boris Johnson civiya

FRIDAY, 17 SEPTEMBER 2021 18:09:20

London-KDP.info- Berî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê bi germî ji aliyê birêz Boris Johnson Serok Wezîrê Brîtanya ve li Nivîsîngeha xwe ya li 10 Downing Street hate pêşwazî kirin.

Wezîra Derve ya Brîtanya: Emê berdewam bin li ser piştgiriya Herêma Kurdistanê

THURSDAY, 16 SEPTEMBER 2021 23:09:25

Hewlêr-KDP.info- Serokê Herêma Kurdistanê Nêçîrvan Barzanî ku bi serdaneke fermî li Londonê ye, li gel Wezîra Derve ya Brîtanyayê Liz Truss civiya. Truss dûpat kir ku Brîtanya dê berdewam be li ser piştgiriya Herêma Kurdistanê û Iraqê.

Êmînkî: Ji bo rizgarkirina Şingalê em amade ne ji her qurbaniyekê re

THURSDAY, 16 SEPTEMBER 2021 22:09:08

Şingal-KDP.info- Îro li sînorê Şingalê merasîma PDKê ya ji bo naskirina berbijêrên PDKê birêve çû. Endamekî Polîtbîroya PDKê jî dibêje, em amade ne ji bo her qurbaniyekê ji bo azadiya Şingalê.

Nêçîrvan Barzanî spasiya parlamentoya Brîtanya kir ku tawanên DAIŞê li beramber Êzdiyan wek cînosayd nas kir

THURSDAY, 16 SEPTEMBER 2021 22:09:46

Hewlêr-KDP.info- Serokê Herêma Kurdistanê Nêçîrvan Barzanî li gel Serokê Encûmena Lordan a Brîtanyayê John McFall civiya. Serokê Encûmena Lordan a Brîtanyayê spasiya Herêma Kurdistanê kir û dûpat kir ku ew dê li ser piştgiriya bo Herêma Kurdistanê berdewam bin. Nêçîrvan Barzanî jî daxwaz ji Parlamentoya Brîtanyayê kir ku alîkar bin ji bo qayîmkirina demokrasî û dezgehên Herêma Kurdistanê.



 
© 2021 Kurdistan Democratic Party, KDP

Contact