Kurdî  ■  كوردی  ■  عربي
SAT, 18 SEP 2021 00:40 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serdana Macron nîşana bihêziya Herêma Kurdistanê ye
| KDP.info


Hewlêr-KDP.info- Şêwirmendê Serokê Herêma Kurdistanê Zîrek Kemal ragihand, hatina Serokê Fransa Emmanuel Macron bo Herêma Kurdistanê xwedî giringiyeke mezin e û ev serdan dîrokî ye û nîşan dide ku statyoya Herêma Kurdistanê çiqasî bihêz e li ser asta cîhanê û xwedî bandoreke mezin e.

Zîrek Kemal ji malpera KDP.info re ragihand: “Hatina Serokê Fransa bo Herêma Kurdistanê xwedî giringiyeke mezin e, ji ber ku Fransa jibilî ku welatekî girîng e û pêgeha wê pir mezin e, bandora wê li ser hemû cîhanê heye. Macron bi xwe jî di çarçoveya siyaseta welatê xwe de, pêwendiya wî ligel serokê Herêmê û serkirdatiya Kurdî heye. Ev yek jî ji bo me pir girîng e, ku Macron li Bexdayê jî gotibû ezê serdana hevalên xwe li Kurdistanê bikim. Dê encamên baş ên vê serdanê li ser asta navdewletî jî hebe.”

Kemal wiha got: “Herêma Kurdistanê rast e li gorî destûr di çarçoveya Iraqê de ye, lê serdana Macron bo Kurdistanê ji hemû aliyan ve girîng e û serdaneke dîrokî ye. Ev serdana han nîşan dide ku ka çiqasî Herêma Kurdistanê bihêz e. Ev serdan bersivek e ji bo wan kesên ku propagenda dikirin û digotin çawa Amerîka ji Afxanistan derket dê Amerîka û hevpeymanên wê ji Iraq û Kurdistanê jî derkevin û dê metirsî li ser Kurdistanê çêbibe, ku ev yek qet nerast e.”

 




Nûçeyên din

Serokê Herêma Kurdistanê li gel Wezîrê Perwerdeyê Brîtanya civiya

FRIDAY, 17 SEPTEMBER 2021 18:09:14

London-KDP.info- Piştî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê li gel birêz Nedîm Zehawî Wezîrê Perwerdeyê Brîtanya civiya.

Nêçîrvan Barzanî li gel Boris Johnson civiya

FRIDAY, 17 SEPTEMBER 2021 18:09:20

London-KDP.info- Berî nîvroya îro în 17.09.2021 birêz Nêçîrvan Barzanî Serokê Herêma Kurdistanê li Londonê bi germî ji aliyê birêz Boris Johnson Serok Wezîrê Brîtanya ve li Nivîsîngeha xwe ya li 10 Downing Street hate pêşwazî kirin.

Wezîra Derve ya Brîtanya: Emê berdewam bin li ser piştgiriya Herêma Kurdistanê

THURSDAY, 16 SEPTEMBER 2021 23:09:25

Hewlêr-KDP.info- Serokê Herêma Kurdistanê Nêçîrvan Barzanî ku bi serdaneke fermî li Londonê ye, li gel Wezîra Derve ya Brîtanyayê Liz Truss civiya. Truss dûpat kir ku Brîtanya dê berdewam be li ser piştgiriya Herêma Kurdistanê û Iraqê.

Êmînkî: Ji bo rizgarkirina Şingalê em amade ne ji her qurbaniyekê re

THURSDAY, 16 SEPTEMBER 2021 22:09:08

Şingal-KDP.info- Îro li sînorê Şingalê merasîma PDKê ya ji bo naskirina berbijêrên PDKê birêve çû. Endamekî Polîtbîroya PDKê jî dibêje, em amade ne ji bo her qurbaniyekê ji bo azadiya Şingalê.

Nêçîrvan Barzanî spasiya parlamentoya Brîtanya kir ku tawanên DAIŞê li beramber Êzdiyan wek cînosayd nas kir

THURSDAY, 16 SEPTEMBER 2021 22:09:46

Hewlêr-KDP.info- Serokê Herêma Kurdistanê Nêçîrvan Barzanî li gel Serokê Encûmena Lordan a Brîtanyayê John McFall civiya. Serokê Encûmena Lordan a Brîtanyayê spasiya Herêma Kurdistanê kir û dûpat kir ku ew dê li ser piştgiriya bo Herêma Kurdistanê berdewam bin. Nêçîrvan Barzanî jî daxwaz ji Parlamentoya Brîtanyayê kir ku alîkar bin ji bo qayîmkirina demokrasî û dezgehên Herêma Kurdistanê.



 
© 2021 Kurdistan Democratic Party, KDP

Contact