Kurdî  ■  كوردی  ■  عربي
THU, 24 JUN 2021 12:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mehmûd Mihemed: PKK dixwaze bi zorê Herêma Kurdistanê û Pêşmerge bikşîne nava şer
| KDP.info


Hewlêr-KDP.info- Di gotarekê de, Berdevkê Polîtburoya PDKê Mehmûd Mihemed got, PKK dixwaze bi zorê Herêma Kurdistanê û Hêzên Pêşmerge bikşîne nava şer.

Mehmûd Mihemed di serî de behsa dîroka Kurdan kir û wiha got: “Hemû şoreş û hewlên Kurdan ji bo avakirina dewleta xwe, li hindurê Kurdistanê kêşe û arîşe ji bo wan hewlan hatine derxistin, ew kêşe û arîşe jî bi piştgirtin û têkelî bûne ligel welatên derdorê.”

Berdevkê PDKê wiha got: “Dewletên navçeyê hevahengî û karê berdewam kirine ku Kurdistan nebe xwedî yek lêveger, ji ber ku dizanin eger yek lêveger ji Kurdan re çêbibe dê pêgeh û pêşeroja Kurdistanê bihêztir bike.”

Mehmûd Mihemed wiha domand: “PDK gelek caran qurbanî ji bo mafên xwe daye ji bo ku yekrêziya Kurdan hebe. Lê hinek dewletên derdorê berdewam hewl didin ku PDK bi pirsgirêkên biçûk mijûl bikin, ji bo ku PDK xwe bi karên mezin mijûlî neke û bi dûv armancên xwe yên mezin nekeve.”

Derbarê pirsa PKKê, Mehmûd Mihemed wiha got: “Her ji piştî raperîna sala 1991ê û avakirina yekemîn hikûmet û parlamento li Herêma Kurdistanê ve û heya niha, PKK dijminatiya Herêma Kurdistanê dike û itîrafê bi deselata Kurdistanê nake. Ji ber çekdarên PKKê bi sedan gundên ser sînor mane bêxizmet û avedanî û niha bi sedan gundên din jî li Herêma Kurdistanê vala dibin. PKK bi zorê dixwaze Herêma Kurdistanê û Hêzên Pêşmerge bikşîne nava şer. Li aliyekî din jî, li her navçeyeke dinî Kurdistanê ku Heşda Şeibî ew navçe xistibe destê xwe de, PKK jî li wê navçeyê heye û pişta wan digrin. Li Şingalê jî PKK nahêle rêkeftina Şingalê were cîbicîkirin. Rêkeftina Şingalê hatiba cîbicîkirin, dê rê veba ji bo çêbûna rêkeftinan li navçeyên din ên Kurdistanî.”

Di dawiyê de, Mehmûd Mihemed wiha got: “Baweriya gelê Kurdistanê bi PDK û bi Serok Barzanî tê ji ber ku dizanin doza gelê Kurd di destekî emîn de ye û hemû hewlên xwe dide ji bo ku Kurdistan pêşkeftinên zêdetir di hemû waran de bidestve bîne.”

 




Nûçeyên din

Mesrûr Barzanî pêşwazî li nûnerê Amerîka di şerê DAIŞê de kir

WEDNESDAY, 23 JUNE 2021 20:06:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li nûnerê taybet yê Amerîka di hevpeymaniya navdewletî ya dijî DAIŞê de kir.

 
Mesrûr Barzanî û Balyozê Brîtanya pêwendiyên Brîtanya û Kurdistanê gotûbêj kirin

WEDNESDAY, 23 JUNE 2021 20:06:46

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 23ê Hezîrana 2021ê pêşwazî li Balyozê Brîtanya yê li Iraqê Stephen Hickey kir.

 
Encumena Wezîran bûdceya Herêma Kurdistanê nirxand

WEDNESDAY, 23 JUNE 2021 19:06:12

Hewlêr-KDP.info- Bi serokatiya Serokwezîrê Herêma Kurdistanê Mesrûr Barzanî û bi amadebûna Cîgirê Serokwezîr Qubad Talebanî, Encumena Wezîran civîna heftane encam da.

 
Nêçîrvan Barzanî û Şah Urdinê li ser rewşa navçeyê axivîn

WEDNESDAY, 23 JUNE 2021 19:06:51

Hewlêr-KDP.info- Îro Çarşema 23.06.2021 Şah Abdullahê duyem, Şahê Şahnişîna Urdina Haşimî, li Koşka Huseyniye li Emman, pêşwaziya Nêçîrvan Barzanî Serokê Herêma Kurdistanê kir.

Balyozê Brîtanya: Em rijd in li ser parastina Herêma Kurdistanê

WEDNESDAY, 23 JUNE 2021 19:06:09

Hewlêr-KDP.info- Serok Mesûd Barzanî pêşwaziya Balyozê Brîtanya li Iraqê kir û di wê hevdîtinê de şanda mêvan ragihand Brîtanya û welatên Hevpeyman rijd in li ser parastina Herêma Kurdistanê ji êrîşan û aramiya Herêmê bi fakterêke serekî ya aramiya Iraq û navçeyê dizanin.



 
© 2021 Kurdistan Democratic Party, KDP

Contact