Kurdî  ■  كوردی  ■  عربي
SUN, 16 MAY 2021 21:33 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Herêma Kurdistanê pêbendî pêkvejiyana aştiyane ye
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 28ê Nîsana 2021ê pêşwazî li Balyozê Vatîkanê yê li Iraqê Mitja Leskovar kir.

Balyozê Vatîkanê Mitja Leskovar spasî û pêzanînên Papayê Vatîkanê ji Serokwezîrê Herêma Kurdistanê Mesrûr Barzanî re gihand ji bo serxistina serdana wî bo Herêma Kurdistanê û parastin û mêvandarîkirina Krîstiyan û aware û penaber û hemû wan kesên ji tirsa zilm û zordariyê berê xwe didin Herêma Kurdistanê.

Serokwezîr Mesrûr Barzanî pabendbûna Hikûmeta Herêma Kurdistanê bi pêşvebirin û bihêzkirina kultura pêkvejiyana aştiyane ya olî û netewî ya li Herêma Kurdistanê car din anî ziman û serdana cenabê Papa bo Iraq û Herêma Kurdistanê bi dîrokî bi nav kir û hêviya xwe anî ziman ku bibe sedema zêdekirina kultura lêborîn û pêkvejiyana aştiyane di navbera pêkhateyên cuda yên Iraqê de.

Di beşeke din a civînê de li ser pêwendiya navbera Herêma Kurdistanê û Hikûmeta Federal û girîngiya cîbicîkirina yasaya budceyê û şandina mafên darayî yên Herêma Kurdistanê di demeke herî nêz de, gotûbêj hat kirin.

Herwiha rewşa Deşta Neynewa û deverên Kurdistanî yên li derveyî îdareya Herêmê, hatin gotûbêjkirin û tekezî li ser asayîkirina rewşa wan deveran û cîbicîkirina madeya 140 a destûrê hat kirin.

 




Nûçeyên din

Serok Barzanî: Leyla Qasim sembola azadîxwazî û fedakariya keça Kurd e

WEDNESDAY, 12 MAY 2021 23:05:46

Hewlêr-KDP.info- Serok Mesûd Barzanî di bîranîna 47 saliya sêdaredana Leyla Qasim peyamek belav kir û tê de got, Leyla Qasim sembola azadîxwazî û fedakariya keça Kurd e.

Nêçîrvan Barzanî banga çareseriyeke aştiyane ji bo aloziyên Îsraîl û Filêstinê dike

WEDNESDAY, 12 MAY 2021 23:05:58

Hewlêr-KDP.info- Serokê Herêma Kurdistanê Nêçîrvan Barzanî derbarê aloziya di navbera Îsraîl û Filêstinê de got: “Em ji ber aloziyên çend rojin di navbera Îsraîl û Filêstinê de berdewam in, ku bûne sedema kuştina kesên sivîl dilgiran in.” Nêçîrvan Barzanî herwiha banga çareseriyê aştiyanê bo aloziyên Îsraîl û Filêstinê kir.

 
Serok Barzanî: Cejna Remezanê li Pêşmerge û malbatên serbilindan pîroz be

WEDNESDAY, 12 MAY 2021 23:05:14

Hewlêr-KDP.info- Serok Barzanî ji ber hatina Cejna Remezanê peyameke pîrozbahiyê belav kir. Ev jî tekesta wê peyamê ye:

 
Mesrûr Barzanî Cejna Remezanê Misilmanên Kurdistanê pîroz kir

WEDNESDAY, 12 MAY 2021 23:05:56

Hewlêr-KDP.info- Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir û ji welatiyan daxwaz kir ku metirsiyên Koronayê bi cidî werbigrin û pêbendî rêkarên xweparêzî û rênimayên tendirustiyê bibin.

 
Peyama Serokê Herêma Kurdistanê ya bi helkefta cejna Remezanê

WEDNESDAY, 12 MAY 2021 20:05:29

Cejna Remezanê bi germî li tevahiya misilmanên Kurdistan, Iraq û cîhanê, bi taybetî li malbat û kesukarên serbilindên şehîdan pîroz dikim. Hêvîdarim xêr û xweşî û bextewerî ji bo hemuyan li gel xwe da bîne, cejn û bîhnvedaneke aram bi ser bibin û helkeftên xwe yên li paşerojê de li rewşeke baştir û dûrî pejik û nexweşî û qeyran û aloziyan bigêrin.



 
© 2021 Kurdistan Democratic Party, KDP

Contact