Kurdî  ■  كوردی  ■  عربي
TUE, 18 MAY 2021 04:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK êrîşa ser Hewlêrê şermezar kir: Em ji bo parastina Kurdistanê amade ne
| KDP.info


Hewlêr-KDP.info- Berdevkê Partiya Demorkata Kurdistanê (PDK) Mehmûd Mihemed têkildarî êrişa mûşekî ya li ser Hewlêrê peyamek belav kir û têde ragihand grûpekê li derveyî yasayê bi cilûber û di bin siya Heşda Şeibî de êrîşî ser Hewlêrê kiriye.

Berdevkê PDKê Mehmûd Mihemed derbarê êrişa şeva Duşemê 15ê Sibata 2021an ya li ser bajarê Hewlêrê daxuyaniyek da û wiha got: “Girûpeke li derveyî yasayê ku li rex Heşda Şeibî û bi berg û îmtiyazatên wan bûye, şevê din (15.2.2021) saet 9:30 bi mebesta xerakirina aramî û asayişa paytexta Herêma Kurdistanê bi awayekî tirsonek çend rokêt avêtin nav bajarê Hewlêrê, ku bûn sebeba ziyanên mirovî û madî û çêbûna dilgiranê li cem xelkê sivîl ê Hewlêrê.”

Berdevkê PDKê wiha domand: “Em jibilî şermezarkirina wî karê terorîstî kirêt, daxwaz ji Hikûmeta Iraqê û Hevpeymaniya Navdewletî û serî de jî Amerîka dikin ku tevê şermezarkirina wî karê dijminkarî, bilez lêkolîn û dîvdeçûnê bikin û kes û aliyên berpirs di ber wê êrîşê de li gorî yasayê bighên sizaya xwe.”

Mehmûd Mihemed da xuyakirin ku cihê mixabinê ye ku bûyerên bi vî rengî çendin car e dubare bûne û ji ber cezanekirina wan taqiman cureta wan zêde bûye ku li ser wan karên xwe yên terorîstî berdewam bin.

Berdevkê PDKê ragihand: “Ne tiştekî veşartî ye û em bi zelalî dizanin ku eqliyeta vê grûpa faşîst û dûr ji hizrê pêşketî, çavê wê bi pêşkeftin û aramî û jiyana xweş a xelkê Herêma Kurdistanê bar nabe û qebûl nakin ku pêkvejiyana netewî û olî li Kurdistanê hebe û tişta ku ji wan tê xwestin bicîh tînin.”

Bi gotina Mehmûd Mihemed ew awayê kar li gel Hewlêr û Herêma Kurdistanê encamên baş nabin û çend Iraq ne aram e di hemû waran de tûşî alozî û pirsgirêkan dike û dê ne aramiyan zêdetir bike.

Berdevkê PDKê herwiha got: “Tevî piştevaniya me ya tamam bo Hikûmeta Herêma Kurdsitanê em radigihînin ku tevahiya serkirdayetî, kadir û endamên me bo parastina statûya Herêma Kurdsitanê û paytexta Herêma Kurdsitanê weke hercar amade ne û dê berdewam bin li ser vê rêbaz û baweriyê û dê bergîriyê li statûya Herêma Kurdistanê û Hikûmet û xelkê wê bikin.”

 




Nûçeyên din

Serok Barzanî: Leyla Qasim sembola azadîxwazî û fedakariya keça Kurd e

WEDNESDAY, 12 MAY 2021 23:05:46

Hewlêr-KDP.info- Serok Mesûd Barzanî di bîranîna 47 saliya sêdaredana Leyla Qasim peyamek belav kir û tê de got, Leyla Qasim sembola azadîxwazî û fedakariya keça Kurd e.

Nêçîrvan Barzanî banga çareseriyeke aştiyane ji bo aloziyên Îsraîl û Filêstinê dike

WEDNESDAY, 12 MAY 2021 23:05:58

Hewlêr-KDP.info- Serokê Herêma Kurdistanê Nêçîrvan Barzanî derbarê aloziya di navbera Îsraîl û Filêstinê de got: “Em ji ber aloziyên çend rojin di navbera Îsraîl û Filêstinê de berdewam in, ku bûne sedema kuştina kesên sivîl dilgiran in.” Nêçîrvan Barzanî herwiha banga çareseriyê aştiyanê bo aloziyên Îsraîl û Filêstinê kir.

 
Serok Barzanî: Cejna Remezanê li Pêşmerge û malbatên serbilindan pîroz be

WEDNESDAY, 12 MAY 2021 23:05:14

Hewlêr-KDP.info- Serok Barzanî ji ber hatina Cejna Remezanê peyameke pîrozbahiyê belav kir. Ev jî tekesta wê peyamê ye:

 
Mesrûr Barzanî Cejna Remezanê Misilmanên Kurdistanê pîroz kir

WEDNESDAY, 12 MAY 2021 23:05:56

Hewlêr-KDP.info- Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir û ji welatiyan daxwaz kir ku metirsiyên Koronayê bi cidî werbigrin û pêbendî rêkarên xweparêzî û rênimayên tendirustiyê bibin.

 
Peyama Serokê Herêma Kurdistanê ya bi helkefta cejna Remezanê

WEDNESDAY, 12 MAY 2021 20:05:29

Cejna Remezanê bi germî li tevahiya misilmanên Kurdistan, Iraq û cîhanê, bi taybetî li malbat û kesukarên serbilindên şehîdan pîroz dikim. Hêvîdarim xêr û xweşî û bextewerî ji bo hemuyan li gel xwe da bîne, cejn û bîhnvedaneke aram bi ser bibin û helkeftên xwe yên li paşerojê de li rewşeke baştir û dûrî pejik û nexweşî û qeyran û aloziyan bigêrin.



 
© 2021 Kurdistan Democratic Party, KDP

Contact