Kurdî  ■  كوردی  ■  عربي
MON, 18 JAN 2021 23:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Bêşikçî rûmeta mirovatiyê ye…
| KDP.info


Elî Ewnî

Civaka cîhanî û mirovayetî li hemberî gelê Kurdistanê gelekî dilreq û bêdilvanî bûne. Di qirkirin û Enfal û kîmyabarana ser gelê Kurd de ti kes û alî û dezgeheke mirovatiyê bi hewara xelkê Kurdistanê ve nehatin. Dilê kesî ji bo birîna vekirî ya Kurdistanê neêşiya û kes li ser me negiriya. Kesî ji mirovbûna xwe şerim nekir. Bi çavê xwe didîtin çawa dagîrkerên Kurdistanê yên hov demografiya Kurdistanê diguhertin û dixwestin zimanê Kurdî nehêlin. Jibilî Kurdan (Kurd jî bi bêtifaqî) ti kesî xema Kurdistanê nedixwar. Rêxistinên mafên mirovan û yasayên Neteweyên Yekgirtî û pirensîpên Woodrow Wilson hemû derketin ne bi filsekî ne.

Di tarîstana bêpiştî û bêkesiya gelê Kurdistanê de tenê wijdanê mêrserekî (nekurd) liviya û mirovatiya wî anî bîra wî û li dijî hovtirîn dagîrkerê Kurdistanê raperî û di rûyê wan de sekinî û hemû nirxek bo sinc û hizra xwe da. Wî derewên Atatork û dewleta wî eşkere kirin. Çiqasî bi bandor û bedew û di cihê xwe de bû rabûna Bêşikçî.

Bû demek ku medyayên PKKê û Tirkan bi hevre bi dijwarî bêrêziyê bi Diktor Îsmaîl Bêşikçî yê mirov û xwedî wijdanê zindî dikin. Her kesek piçekî hestê mirovbûn û kurdbûnê di mêjiyê wî de hebe dê li Bêşikçî xwedî derkeve. Em dizanin ku pêwîst e yê li dijî Bêşikçî be gerek Tirk bin, lê divê PKK û deste û heval û hevhizirên wan êrîşên qirêjên xwe li ser Bêşikçî rawestînin.

Bêşikçî milkê mirovatiyê û hemû gelê Kurdistanê ye. Ev pilana Tirkan û dagîrkerên dî yên Kurdistanê ye ku beşekî xelkê Kurdistanê di bin navê PKKê de bikin dijminê wî. Bila me tiştek bimîne ku me kom dike.

 




Nûçeyên din

Peyama pîrozbahiya Serok Barzanî ya ji bo helkefta salvegera damezrandina Kurdistan TV

SUNDAY, 17 JANUARY 2021 10:01:16

Bi navê xwedayê mezin û dilovan

Nadir Nadirov: Divê Kurd di her kar û xebatekê de alîkariya Serok Barzanî bikin

THURSDAY, 14 JANUARY 2021 09:01:32

Kazaxistan-KDP.info- Nadir Nadirov ku wek kesayetiyekî xuya di nava Kurdên Sovyeta berê û Kurdên Kazaxistanê de ji aliyê siyasî û civakî ve tê naskirin, dibêje, Herêma Kurdistanê destkeftek e bo her kurdekî û divê Kurd di her kar û xebatekê de alîkariya Serok Barzanî bikin.

Serokatiya Kurdistanê: Qehremanên Pêşmergeyên Roj di çeperên pêşî yên parastina Kurdistanê de bûn

WEDNESDAY, 13 JANUARY 2021 21:01:49

Hewlêr-KDP.info- Serokatiya Herêma Kurdistanê daxuyaniyek belav kir û tekez kir, “Qehremanên Pêşmergeyên Roj ji destpêka avakirina hêza xwe ve û heya roja îro di çeperên pêşî yên parastina xaka Kurdistanê de bûne.”

Serokê Herêma Kurdistanê pêşwaziya Fermandarê Hêzên Asmanî yên Iraqê kir

WEDNESDAY, 13 JANUARY 2021 21:01:48

Hewlêr-KDP.info- Serokê Herêma Kurdistanê Nêçîrvan Barzanî pêşwaziya Fermandarê Hêzên Asmanî yên Iraqê kir.

Rexneyên “Ofra Bengio” li serkirdeyên Kurdan

TUESDAY, 12 JANUARY 2021 22:01:15

Îsmaîl Bêşikçî



 
© 2020 Kurdistan Democratic Party, KDP

Contact