Kurdî  ■  كوردی  ■  عربي
MON, 25 JAN 2021 06:40 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Emê kar bikin ji bo nehiştina tundiya li hember jinan
| KDP.info


Hewlêr-KDP.info- Serokê Herêma Kurdistanê di roja cîhanî ya nehiştina tundiya li dijî jinan de peyamek belav kir û tekezî li ser berdewamiya piştgiriya li mafên wan û hewl û karê berdewam a ji bo nehiştina tundiya dijî jinan kir. Nêçîrvan Barzanî ragihand, “tundî, pirsa mafê mirov û tevahiya civakê ye, pêwîst e mêr roleke aktîvtir bibînin, beşeke mezin çareser bikin û rola wan di nehiştina tundiyê de hebe.”

Nêçîrvan Barzanî di peyama xwe de destxweşî li perestar, pizîşk, karker û karmendên saziyên tendirustî û perwerdeyê yên Kurdistanê dike û dibêje, “jin di eniya pêş a xebatê de bûn ji bo perwerdeya zarokan û parastina hemwelatiyan û rêgirtin li belavbûna bahorê û çareserkirina nexweşan.”

Serokê Herêma Kurdistanê jinên Herêma Kurdistanê piştrast dike, ku ew dê li gel Hikûmeta Herêma Kurdistanê di nava hemahengî û hevkariyên berdewam de bin û dibêje, “qeyrana aborî û darayî ku bandora pandemiya Covid-19 ne, li gel aloziyên siyasî, destkeftên jinan dixin metirsiyê, lê belê em jinên Kurdistanê piştrast dikin ku li gel aliyên peywendîdar ên Hikûmeta Herêma Kurdistanê dikin ji bo parastina deskeftên wan û nehiştina tundiyê û misogerkirina dadmendiya civakî. Li her cih û astekê de be, em dê li hember êşandin û destdirêjiya bo ser jinan derkevin.”

Nêçîrvan Barzanî di beşeke din a peyama xwe de wiha dibêje: “Tundutîjî, pirsa mafê mirov û hemû civakêye. Pêwîste zilam roleke çalaktir bibînin, beşeke mezin a çareseriyê bin û rola wan li nehiştina tundiyê da hebê. Dema karantîne û vîrusa Korona, ji bo zilaman bûye cihê hişyarî û bi xwedaçûnê ku navmalê tenê cihê mayinê nîne, belkû cihê kar û hevkarî û bicîhanîna erkên me ye jî beramber dayik û xwîşk û hevjîn û perwerdeya zarokên me.”

Di beşeke din a peyamê de tê gotin, ew li Serokayetiya Herêma Kurdistanê hana civaka navdewletî didin ku ji bo nehiştina tundiya li hember jinê bi gur û tîneke zêdetir piştgîriyê li saziyên Herêma Kurdistanê bikin.

Serokê Herêma Kurdistanê herwiha destnîşan dike, “Hêvîdar im çalakî û karên we tenê di nava van şanzdeh rojan de nemênin, belku em hemû pêkve bi jin û zilaman ve rojane kar ji bo nehiştina tundiyê û pêkanîna armancên xwe yên ji bo aştî û wekhevî û dadweriyê bikin.”

 




Nûçeyên din

Mezlûm Ebdî spasî ji Mesrûr Barzanî re şand

SATURDAY, 23 JANUARY 2021 18:01:44

Hewlêr-KDP.info- Serokê Hikûmeta Herêma Kurdistanê Mesrûr Barzanî ji ber wefata dayika Mezlûm Ebdî peyameke sersaxiyê jê re şandibû. Mezlûm Ebdî jî spasnameyek ji Mesrûr Barzanî re şand.

 
Nêçîrvan Barzanî pîrozbayî li Joe Biden kir

THURSDAY, 21 JANUARY 2021 18:01:46

Hewlêr-KDP.info- Serokê Herêma Kurdistanê Nêçîrvan Barzanî di peyamekê de hêviya serkeftinê ji Joe Biden û cîgira wî re xwest

 
Serok Barzanî teqînên terorîstî yên Bexdayê şermezar kir

THURSDAY, 21 JANUARY 2021 18:01:27

Hewlêr-KDP.info- Serok Mesûd Barzanî di peyamekê de êrîş û karên terorîstî yên ku bajarê Bexdayê îro çêbûne, şermezar kir.

 
Serok Barzanî nameyek ji Serok Barzanî re şand

THURSDAY, 21 JANUARY 2021 18:01:18

Hewlêr-KDP.info- Serok Mesûd Barzanî di nameyekê de bo Serok Joe Biden Serokê Amerîka, dûbare pîrozbahî lê kir, ji ber ku bû serokê Amerîka û hêviya serkeftinê jê re xwest.

 
Serokatiya Kurdistanê êrîş û teqînên li Bexdayê şermezar kir

THURSDAY, 21 JANUARY 2021 18:01:56

Hewlêr-KDP.info- Serokatiya Herêma Kurdistanê teqînên îro yên li Bexdayê bi tundî şermezar kir û ew teqîn weke teqînên terorîstî bi nav kir.

 


 
© 2020 Kurdistan Democratic Party, KDP

Contact