Kurdî  ■  كوردی  ■  عربي
MON, 23 NOV 2020 20:05 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Cîgirê Serokê Parlamentoya Kurdistanê êriş û destdirêjiya PKK şermezar kir
| KDP.info


Hewlêr-KDP.info- Cîgirê Serokê Parlamentoya Kurdistanê Hêmin Hewramî di daxuyaniyekê de êrişa PKKê li ser Hêzên Pêşmerge şermezar kir.

Hêmin Hewramî di daxuyaniya xwe de ragihand: “Em êriş û destdirêjiya îro ya çekdarên PKKê li ser Hêza Pêşmergeyên Kurdistanê şermezar dikin û daxwaz dikin ku PKK dest ji binpêkirin û êriş û destdirêjiyên xwe yên berdewam li dijî ax û xelkê Herêma Kurdistanê berde û êdî nebin kêşe û pirsgirêk ji bo vê statyoya destûrî û ji bo xelkê Kurdistanê.

Hêza Pêşmergeyên Kurdistanê tekane hêza rewa û destûrî ya Herêma Kurdistanê ye, û êriş û destdirêjiya PKKê li ser Pêşmerge belgeya wê yekê ye PKK qet guh nade birayetî û wekhevî û yekrêziyê li Kurdistanê û bi lojîka êriş û destdirêjiyê kar dike.

Xelkê Herêma Kurdistanê û dezgehên şeriî yên Kurdistanê herdem tekez dikin ku divê PKK nebe sedem ji bo hatina pirsgirêkan bo nava axa Herêma Kurdistanê û hicetê nedin dewletên cîran, lê PKK guh nade dezgehên Kurdistanê û hêzên wê û êriş û destdirêjiyê dikin ser Hêzên Pêşmergeyên Kurdistanê.

Herêma Kurdistanê niha berdewam hewl dide ji bo rûbirûbûna kirîza abûrî û tendirûstî û parastina yekrêzî û wekheviyê di nava aliyên siyasî yên Kurdistanî, herwiha erkê hemû aliyên siyasî ye ku bergîriyê li statyoya destûrî ya Herêma Kurdistanê bikin û ax û xelkê Herêma Kurdistanê biparêzin.”

 

 




Nûçeyên din

Berdevkê PDKê: Ti peywendiya me bi çawaniya diyarkirina Babe Şêxê Êzdiyan nîne

SATURDAY, 21 NOVEMBER 2020 10:11:33

Hewlêr-KDP.info- Berdevkê Partiya Demokrata Kurdistanê (PDK) Mehmûd Mihemed di daxuyaniyekê de li ser diyarkirina Babe Şêxê Kurdên Êzidî ragihand, partiya wan dûr û nêzîk ti peywendî bi çawaniya diyarkirina pile û payeyên civakî û ola Kurdên Êzdî nîne û ew rêz li şêwazê hilbijartina Babe Şêx digirin.

Nêçîrvan Barzanî: Ji bo aramiya Iraqê divê pirsgirêk bên çareser kirin

WEDNESDAY, 18 NOVEMBER 2020 18:11:54

Hewlêr-KDP.info- Serokê Herêma Kurdistanê Nêçîrvan Barzanî tekezî li ser girîngiya rola Neteweyên Yekgirtî û civaka navdewletiya li hevkarîkirina Hikûmeta Herêma Kurdistanê û Hikûmeta Federaliya Iraqê, yên ji bo çareserkirina kêşeyan kir û li gel Nûnera Taybet a Sekreterê Giştî yê Neteweyên Yekgirtî li Iraqê Jeanine Plasschaert hevnêrîn bûn ku ji bo aramiya Iraqê, divê kêşeyên Hewlêr – Bexdayê bêne çareserkirin.

 
Mesrûr Barzanî: Dr. Firset kesekî niştimanperwer û dilsoz û jêhatî bû

WEDNESDAY, 18 NOVEMBER 2020 18:11:04

Hewlêr-KDP.info- Serokwezîrê Herêma Kurdistanê Mesrûr Barzanî ji ber koça dawî ya parêzgarê Hewlêrê, Firset Sofî peyameka sersaxiyê belav kir.

 
Nêçîrvan Barzanî: Dr. Firset kesekî karzan û dilsoz bû

WEDNESDAY, 18 NOVEMBER 2020 14:11:46

Hewlêr-KDP.info- Serokê Herêma Kurdistanê peyameke sersaxiyê arasteyî malbata Dr. Firset Sofî, parêzgarê koçkirî yê Hewlêrê kir û ragihand, “Dr. Firset kesekî karzan û dilsoz bû.”

 

Generalê Brîtanya: Emê li ser alîkariya Herêma Kurdistanê berdewam bin

WEDNESDAY, 18 NOVEMBER 2020 14:11:47

Hewlêr-KDP.info- Şêwirmendê Bilindê Serbaziyê Brîtanya yê Rojhilata Navîn û Bakûrê Efrîka General John Lorimer tekez kir ku Brîtanya li çarçêweya Hevpeymaniya Navdewletiya Dijî DAIŞê de dê berdewam be li ser alîlarî û piştgîrkirina Herêma Kurdistan û Iraqê.

 



 
© 2020 Kurdistan Democratic Party, KDP

Contact