Kurdî  ■  كوردی  ■  عربي
TUE, 20 OCT 2020 23:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Sê serokatiyên Kurdistanê û Serokmar şehîdkirina Efserê asayîşê Xazî Elîxan li ser sînorê Duhokê şermezar kirin
| KDP.info


Hewlêr-KDP.info- Her sê serokatiyên Herêma Kurdistanê îro ligel Serokomarê Iraqê civiya û piştî civînê di daxuyaniyekê de ragihand, “Ji bo derbaskirina vê rewşa dijwar û parastina berjewendiyên xelkê Kurdistanê, pêwîst e tevahiya aliyan û pêkhateyên Kurdistanê karînên xwe bikin yek û bi yekrêzî û yekhelwestî rûbirûyî vê rewşa hestiyar û egerên dahatûyê bibin.

Her sê serokatiyên Herêma Kurdistanê: Serokê Herêma Kurdistanê Nêçîrvan Barzanî, Serokê Hikûmeta Herêma Kurdistanê Mesrûr Barzanî, Seroka Parlemana Kurdistanê Rêwaz Fayiq îro Dûşema 12.10.2020 li Hewlêrê ligel Serokomarê Iraqê Berhem Salih derbarê rewşa Iraqê bi giştî û ya Herêma Kurdistanê bi taybetî, civiya.

Deqa daxuiyaniyê:

“Civîn taybet bû bi rewşa Iraqê bi giştî û Herêma Kurdistanê bi taybetî. Derbarê rewşa Iraqê de, civînê bi girîngî ew barê giran ê darayî, ewlehî û tendirustî yê li Iraqê peyda bûye şopand. Piştevaniya Herêma Kurdistanê ji bo pêngavên hikûmetê û dezgehên destûrî yên federalî ji bo parastina ewlehî û aramiya welat tekez kir. Bi taybet peydakirina keşeke aram û libar ji bo kar û erkên nûnertiyên welatên dost û şandên navdewletî li Iraqê.

Civînê encamdana hilbijartinên pêşwext ên Iraqê guftûgo kir û piştevaniya xwe ji bo amadekirina zemîneyê ji bo hilbijartineke serkeftiyane li Iraqê derbirî. Navçeyên pirsgirêk li ser in û cibicîkirina madeya (140) ya destûra Iraqê, beşeke din a civînê bûn. Amadebûyan hevhelwest bûn ku guftûgoyên ji bo çareserkirina tevahiya pirsgirêkên wan navçeyan, parastina mafên tevahiya pêkhateyan û gerentîkirina keşeke libar a pêkvejiyanê li navçeyê berdewam bikin.

Civînê piştgîriya xwe ji bo dawî rêkeftina Hikûmeta Federalî ya Iraqê û Hikûmeta Herêma Kurdistanê ji bo asayîkirina rewşa Şingalê û vegera koçberan tekez kir. Herwiha hemû hewleke guhartina demografî li navçeyên pirsgirêk li ser in red kir û daxwaz kir, Hikûmeta Iraqê mîkanîzma aramî û ewlehiya navçeyên pirsgirêk li ser in deyne.

Di beşeka din a civînê de, li ser hewlên diyalogê yên di navbera Hikûmeta Herêma Kurdistanê û Iraqê de axaftin. Beşdarên civînê ji ber van hewlan, piştevaniya xwe bo her du aliyan diyar kirin. Da ku pirsgirek bi temamî bêne çareserkirin û mafên destûrî yên welatiyên Herêma Kurdistanê û Iraqî bi giştî bên parastin.

Rewşa Herêma Kurdistanê ya navxweyî mijareke din a civînê bû. Taybet li ser pirsgireka vîrûsa Koronayê axaftin. Belavbûna Koronayê û rewşa pêketiyan û bandora wê ya li ser aboriyê hat gûftûgokirin. Di civînê de tekezî li ser vê yekê hate kirin ku ji bo derbaskirina vê rewşa neasayî, hemû alî û pêkhateyên Kurdistanê dê bi yekhelwestî û yekrêzî pêkve bixebitin. Civînê şehîdkirina Efserê asayîşê Xazî Salih Elîxan li ser sînorê Duhokê şermezar kir.”

 




Nûçeyên din

Mesrûr Barzanî: Projeyên me bi destên Kurdistaniyan tên cibicîkirin

TUESDAY, 20 OCTOBER 2020 14:10:23

Hewlêr-KDP.info- Serokê Hikûmeta Herêma Kurdistanê Mesrûr Barzanî bi amadebûna Cîgirê Serokê Hikûmetê Qubad Talebanî di merasîmekê de, riya stratejî ya Rûviya – Gopal vekir. Ev proje, yek ji projeyên stratejî ya di warê rê û pireyan e û asankariyeke mezin ji bo çûnûhatina di navbera Hewlêr û Duhokê de dike.

 
Serok Barzanî: Îro ne wekî doh e, sibe jî wekî îro nabe

TUESDAY, 20 OCTOBER 2020 14:10:15

Hewlêr-KDP.info- Serok Mesûd Barzanî di sêyemîn salvegera dastana Pirdê de dibêje: “Îro wekî doh nîne, sibe jî wekî îro nabe.”

 
Mesrûr Barzanî: Rewşa li Kerkûkê û navçeyên din ên Kurdistanî nayê qebûlkirin

SATURDAY, 17 OCTOBER 2020 10:10:29

Hewlêr-KDP.info- Serokwezîrê Herêma Kurdistanê, Mesrûr Barzanî dibêje, rewşa niha ya li Kerkûkê û navçeyên din ên Kurdistanî yên li derveyî îdareya Herêma Kurdistanê, rewşeke ne asayî ye û tekez dike, rewşa niha li wan navçeyan nayê qebûlkirin.

 
Nêçîrvan Barzanî vexwendina Parêzgarê Kerbela bo parêzgeha wî qebûl kir

THURSDAY, 15 OCTOBER 2020 18:10:09

Hewlêr-KDP.info- Serokê Herêma Kurdistanê Nêçîrvan Barzanî pêşwaziya Parêzgerê Kerbelayê kir û di wê hevdîtinê Nêçîrvan Barzanî vexwendina parêzgarê Kerbelayê qebûl kir.

 
Serok Barzanî pêşwaziya Balyozê Brîtanya li Iraqê kir

WEDNESDAY, 14 OCTOBER 2020 21:10:23

Hewlêr-KDP.info- Îro Çarşema 14.10.2020 li Selaheddîn Serok Mesûd Barzanî pêşwaziya Stephen Hickey Balyozê Brîtanya li Iraqê kir.



 
© 2020 Kurdistan Democratic Party, KDP

Contact