Kurdî  ■  كوردی  ■  عربي
MON, 14 JUL 2025 21:53 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serok Barzanî: Şoreşa Îlonê ji bo neyaran piştrast kir ku ew nikarin bi zordariyê bihêlin em dest ji mafên xwe berdin
| KDP.info


Hewlêr-KDP.info- Serok Mesûd Barzanî bi boneya 59yemîn salvegera destpêkirina Şoreşa Îlonê peyamek belav kir û tê de got, Şoreşa Îlonê îrade û bawerî bixwebûnê ji bo gelê Kurdistanê vegerand û ji bo neyarên gelê Kurdistanê jî piştrast kir ku ew nikarin bi rêya piştguhxistin û zordarî û sitemkariyê wiha li xelkê Kurdistanê bikin ku dest ji mafên xwe berdin.

Ev jî tekesta wê peyamê ye:

“Bi navê xwedayê mezin û dilovan

59 sal berî niha di rojekê wekî îro de mezintirîn şoreşa siyasî û çekdarî û civakî ya gelê Kurdistanê li Iraqê bi navê berevanîkirina li mafên rewa yên gelê Kurdistanê vêket. Şoreşa mezin a Îlonê şoreşeke seranseriya hemû navçeyên cûda cûda yên Kurdistanê û hemû çîn û tiwêj û hemû pêkhatên olî û netewî yên Kurdistanê bû. Tevî ku destkeft û xebat û têkoşîna gelê Kurdistanê ji wê demê heya niha hene, hemû ji encam û berdewamiya hêz û berfirehiya şoreşa mezin a Îlonê ye.

Şoreşa Îlonê xwendingehek jî bû, ji bo pêgihandina xebatkar û têkoşerên seranserê Kurdistanê. Ew şoreş îrade û bawerî bixwebûnê ji bo gelê Kurdistanê vegerand û ji bo neyarên gelê Kurdistanê jî piştrast kir ku ew nikarin bi rêya piştguhkirin û zordarî û sitemkariyê wiha li xelkê Kurdistanê bikin ku dest ji mafên xwe berdin. Şoreşa Îlonê ji bo wê yekê di dîroka xebata gelê me da pir girîng e ji ber ku li yek navçeyê nebû û rêkxistin û bîr û bawerî û Pêşmergebûnê û hêviya kûrahiya dilê xebatkar û têkoşerên Kurdistanê nêzîkî hevdû kir.

Di vê bîranîna pîroz da tekez li wê yekê dikîn ku biha û hêz û tîhniya şoreşa Îlonê tu demekê ji bîr nakin û çiraya rêya xebata gelê me dimîne. Pêzanînên min ji bo xebat û keda hemû şoreşger û Pêşmerge û kadîrên şoreşa Îlonê heye çi jin û çi zilam ku qehremanane rola wan li vê şoreşa mezin da hebû. Hezaran silav li giyanê pakê şehîdên şoreşa Îlonê û hemû şehîdên rêya azadiyê.

 

Mesûd Barzanî

11 Îlona 2020”

 

 

 




Nûçeyên din

PDK û YNK tekezî li ser yekhelwestiya aliyên siyasî kir

MONDAY, 14 JULY 2025 19:07:43

Hewlêr-KDP.info: Îro 14.07.2025, Serok Mesûd Barzanî, pêşwaziya Bafil Talebanî Serokê Yekitiya Niştimanî ya Kurdistanê û şanda pêre kir

Nêçîrvan Barzanî pesnê hevpeymaniya navdewletî dide

MONDAY, 14 JULY 2025 17:07:23

Hewlêr-KDP.info: îro dûşem 14.07.2025, Nêçîrvan Barzanî Serokê Herêma Kurdistanê, bi General Kevin Leahy Fermandeyê Hêzên Hevpeymaniya Navdewletiya li Iraq û Sûriyê û şandeke pê re civiya.

 
Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.

Serok Barzanî pêşwaziya hejmarek kesayetiyên siyasî û şanda bilinda DEM Partî kir

FRIDAY, 11 JULY 2025 19:07:22

Hewlêr-KDP.info: Roja înê 11 ê temmûza 2025 li Selaheddînê, Serok Mesûd Barzanî pêşwaziya hejmarek kesayetiyên siyasî û şanda bilinda DEM Partiyê kir ku ji: Birêz Ehmed Turk û birêz Leyla Zana û birêz Sirri Sakik û birêz Tuncer Bakirhan Hevserokê DEM Partî û birêz Çigdem Kılıçgun Uçar Hevseroka Herêmên Demokrat û birêz Meral Daniş Beştaş Parlementerê DEM Partî û birêz Berdan Ozturk Berpirsê Peywendiyên Derveyê DEM Partiyê pêkhatibûn.



 
© 2023 Kurdistan Democratic Party, KDP

Contact