Kurdî  ■  كوردی  ■  عربي
FRI, 18 SEP 2020 16:38 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Rewşa Kerkûkê pir xerab e û nabe rewş bi vî awayî berdewam be
| KDP.info


Kerkûk-KDP.info- Li gorî amareke asayişa Kerkûkê, di nava mehekê de li Kerkûkê 95 bûyerên ewlehiyê çêbûne, lewma rewşa Kerkûkê pir xerab e û Ereb û Tirkman jî daxwaza zêdekirina hêzê li Kerkûkê dikin. Endamekî Komîteya Normalkirina Rewşa Kerkûkê dibêje, ji ber xerabiya rewşa ewlehiyê ya Kerkûkê, Hikûmeta Iraqê hatiye agahdarkirin û rewş bi awayî nabe berdewam be.

Li gorî amareke ragihandina Asayişa Kerkûkê, ku taybet ji malpera KDP.info re hatiye şandin, di nava mehekê de li Kerkûkê ji ber xerabiya rewşa ewlehî 95 bûyerên ewlehiyê çêbûne, ew jî wek kuştin û revandin û dizî û teqandina malan û êrîşên DAIŞê û kuştina serbazan û çekdarên Heşda Şeibî û welatiyan. Wek mînak 2 kes hatine revandin û 5 teqîn hebûn. Madeyên hişbir hatine girtin û çend dizîn hebûn, ev hemû bûyer nîşan didin ku rewşa ewlehî ya Kerkûkê pir xerab e.

Herwiha li gorî wî amara asayişê, Ereb û Tirkman jî daxwaz dikin ku hêz li Kerkûkê were zêdekirin, ew jî ji ber zêdebûna bûyeran û xerabiya rewşa ewlehiyê, ji ber ku êdî teqîn ji dervey bajêr bo nava bajêr jî hatine veguhestin û hin ji wan teqînan xwekujî bûne.

Derbarê rewşa Kerkûkê, Endamê Komîteya Normalkirina Rewşa Kerkûkê Şaxewan Ebdulah ji malpera KDP.info re ragihand: “Rewşa Kerkûkê ji ber wan hemû bûyeran pir xerab e û ew hêzê ku li Kerkûkê ne, ne tenê nikarin navçeyê biparêzin, lêbelê zilmeke mezin li Kurd û Ereban dikin.”

Şaxewan Ebdulah wiha got: “Me rêveberiya xwe agahdar kiriye ji wan bûyeran û ew jî ligel Hikûmeta Iraqê kar dikin, ji bo ku vê rewşê çareser bikin, ji ber ku nabe rewş bi vî awayî berdewam be.”

 

 




Nûçeyên din

Serok Barzanî şehîdkirina malbata Kurd li Bexdayê şermezar kir

THURSDAY, 17 SEPTEMBER 2020 11:09:47

Hewlêr-KDP.info- Serok Mesûd Barzanî di peyamek de karesata şehîdkirina malbata Dara Reuf şermezar dike. Ev jî tekesta wê peyamê ye:

 
Peyamek ji Serokwezîrê Herêma Kurdistanê

THURSDAY, 17 SEPTEMBER 2020 11:09:26

Hewlêr-KDP.info- Serokwezîrê Herêma Kurdistanê Mesrûr Barzanî li ser kuştina 3 endamên malbateke Kurd a li Bexdayê peyamek belav kir.

 
Encûmena Wezîran danûstandinên ligel Iraqê gotûbêj kir

WEDNESDAY, 16 SEPTEMBER 2020 19:09:23

Hewlêr-KDP.info- Encûmena Wezîran a Herêma Kurdistanê îro Çarşema 16.9.2020 bi serperiştiya Serokê Encûmena Wezîran Mesrûr Barzanî û beşdariya Cîgirê Serokwezîr Qubad Talebanî civiya.

 
Nêçîrvan Barzanî: Herêma Kurdistanê dê hertim faktereke aramiyê be li navçeyê

WEDNESDAY, 16 SEPTEMBER 2020 19:09:16

Hewlêr-KDP.info- Berî nîvroya îro çarşemê 16ê Îlona 2020an li Serokatiya Herêma Kurdistanê li Hewlêrê, Nêçîrvan Barzanî, Serokê Herêma Kurdistanê, bi amadebûna Cîgirên Serok û Berpirsê Fermangeha Peywendiyên Derveyê Herêma Kurdistanê li gel Konsol û Nûnerên welatên Yekîtiya Ewropayê li Herêma Kurdistanê civiya.

 
Balyozê Amerîka: Em amade ne peywendiyên xwe yên abûrî ligel Kurdistanê bihêztir bikin

MONDAY, 14 SEPTEMBER 2020 23:09:53

Hewlêr-KDP.info- Serokwezîrê Herêma Kurdistanê Mesrûr Barzanî îro Duşema 14ê Îlona 2020an pêşwaziya Balyozê Amerîkayê yê li Iraqê Matthew Tueller kir.



 
© 2020 Kurdistan Democratic Party, KDP

Contact