Kurdî  ■  كوردی  ■  عربي
FRI, 18 SEP 2020 16:09 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berpirsê Pêwendiyên Derve yên Kurdistanê: Em pêşwaziyê li daxwaza Amerîka dikin
| KDP.info


Hewlêr-KDP.info- Rêveberiya Amerîka û Hikûmeta Iraqê gotûbêjên xwe zêde kirine ji bo ku bighên lihevkirineke sitratejîk, ku şanda Hikûmeta Kurdistanê jî di wan gotûbêjan de beşdar dibe. Berpirsê Pêwendiyên Derve yên Serokatiya Herêma Kurdistanê Felah Mistefa behsa giringiya beşdariya Kurdan û mercên lihevkirina Hewlêr û Bexdayê eşkere dike.

Di çarçoveya beşdariya şanda Iraqê bo gotûbêjên di navbera Waşinton û Bexdayê de, hefteya derbasbûyî Wezîrê Derve yê Amerîka Maik Pompîo ragihandibû: “Emê berdewam bin li ser alîkariyên mirovî ji bo Iraqê ji bo vegerandina koçberan bo ser malên wan û avakirina navçeyên wan. Em dixwazin Bexda pirsgirêkên xwe ligel Herêma Kurdistanê çareser bike. Me ji Bexda re gotiye, pirsa budceyê ligel Hikûmeta Kurdistanê çareser bike.”

Derbarê wan gotinên wezîrê derve yê Amerîka, Felah Mistefa ji malpera KDP.info re ragihand: “Ji bo çareseriyê, em pêşwaziyê li her hewlekî ji Amerîka be yan Ewropa ya civaka navdewletî be, dikin. Amerîka dixwaze pêwendiyên Kurdistanê û Bexda bi hev re baş bin, ji ber ku Amerîka li aramiya navçeyê digere.”

Mistefa wiha got: “Hebûna diyaloga sitratejîk di navbera Hewlêr û Bexdayê de pir girîng e. Kurdistan jî wek beşek ji Iraqê, kêfxweş e ku vê carê di gotûbêjên Iraq û Amerîkayê de beşdar e. Herwiha Kurdistan dikare bibe alîkar ji bo serxistina wan gotûbêjan. Herêma Kurdistanê dikare jibilî aliyê leşkerî ve, dikare ji aliyê abûrî û tendirustî û veberhênanê û sektora taybet û xwendina bilind, sûdê ji vê diyaloga di navbera Iraq û Amerîka de bibîne.”

Felah Mistefa wiha domand: “Em dibêjin, pêwendiyên rast û dirust û li ser bingeha destûr û jihevfêmkirina hevbeş di navbera Hewlêr û Bexdayê de, di berjewendiya aramiya navçeyê de ye û dihêle piroseya siyasî pêşve biçe. Herêma Kurdfistanê li Bexdayê xwedî giraniyeke mezin e û dikare hevsengiyê li Iraqê çêbike.”

 

 




Nûçeyên din

Serok Barzanî şehîdkirina malbata Kurd li Bexdayê şermezar kir

THURSDAY, 17 SEPTEMBER 2020 11:09:47

Hewlêr-KDP.info- Serok Mesûd Barzanî di peyamek de karesata şehîdkirina malbata Dara Reuf şermezar dike. Ev jî tekesta wê peyamê ye:

 
Peyamek ji Serokwezîrê Herêma Kurdistanê

THURSDAY, 17 SEPTEMBER 2020 11:09:26

Hewlêr-KDP.info- Serokwezîrê Herêma Kurdistanê Mesrûr Barzanî li ser kuştina 3 endamên malbateke Kurd a li Bexdayê peyamek belav kir.

 
Encûmena Wezîran danûstandinên ligel Iraqê gotûbêj kir

WEDNESDAY, 16 SEPTEMBER 2020 19:09:23

Hewlêr-KDP.info- Encûmena Wezîran a Herêma Kurdistanê îro Çarşema 16.9.2020 bi serperiştiya Serokê Encûmena Wezîran Mesrûr Barzanî û beşdariya Cîgirê Serokwezîr Qubad Talebanî civiya.

 
Nêçîrvan Barzanî: Herêma Kurdistanê dê hertim faktereke aramiyê be li navçeyê

WEDNESDAY, 16 SEPTEMBER 2020 19:09:16

Hewlêr-KDP.info- Berî nîvroya îro çarşemê 16ê Îlona 2020an li Serokatiya Herêma Kurdistanê li Hewlêrê, Nêçîrvan Barzanî, Serokê Herêma Kurdistanê, bi amadebûna Cîgirên Serok û Berpirsê Fermangeha Peywendiyên Derveyê Herêma Kurdistanê li gel Konsol û Nûnerên welatên Yekîtiya Ewropayê li Herêma Kurdistanê civiya.

 
Balyozê Amerîka: Em amade ne peywendiyên xwe yên abûrî ligel Kurdistanê bihêztir bikin

MONDAY, 14 SEPTEMBER 2020 23:09:53

Hewlêr-KDP.info- Serokwezîrê Herêma Kurdistanê Mesrûr Barzanî îro Duşema 14ê Îlona 2020an pêşwaziya Balyozê Amerîkayê yê li Iraqê Matthew Tueller kir.



 
© 2020 Kurdistan Democratic Party, KDP

Contact