Kurdî  ■  كوردی  ■  عربي
MON, 30 NOV 2020 18:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

74 sal, ronahiya rêka Kurdistaniyan
| KDP.info


Ezîz Weysî

Roja 16ê Tebaxê rojeke pîroz e û nemir e di wijdanê Kurdistaniyan de, şoreşeka seranser e li ser barukawdanên herî xirab. Ronahî da rêka netewekê di nav tarî û paşvemayînê de xendeqê may, gaziyeke yekgirtinê bû ji netewekê belav û jihev veqetyayî.

Li seranserê Kurdistanê kolonyalîstan bi hevkariya zilhêz û împiryalîstan şaxên xwe li Kurdistanê belav dikirin û rehên xwe berdidan erdê, tovên bêhêviyê diçandin û mijûlî şikandina îradeya Kurdistaniyan bûn.

Di nava van rewşan de bi rêbertiya rêber û serokê netewî û ruhî Mela Mistefa Barzanî Partiya Demokrat a Kurdistanê hat damezrandin. Xwedî bernameya azadî û rizgariya netewî û niştimanî, helgira bîrûbawrên demokratîk û bihevrejiyanê, li hember zilm û zordariyê serhildan û berxwedan. Tyor û bernameyê şoreşgêrî yêherî pêşkeftî danî.

Li seranserî Başûrê Kurdistanê, perên şoreşê û partî belavbûn. Mezî û wijdanê Kurd û Kurdistaniyan tevaya cîhanê bi pirensîb û bernameya PDK, hat dagîrkirin.

Ev 74 sal in hêzên dagîrker bi hevkariya zilhêzên xweperist û dijî mirovatiyê, bi riyên pîlangêrî, fêlbazê, bi xapandinê xiyanetkeran, bi mezintirîn dezgehên propagendeyê û şerên derûnî û hêzên zebelah ên leşkerî amadekarî, bi baştirîn çek û perwerde û teknelojiyaya leşkerî, hewlên jinavbirina PDKê didan û didin.”

Lê em dibînin, ew biser neketin û şikestin para wan bûye. Lê PDK her maye û dê her bimîne, ji ber ku PDK qeder û garentî ye ji bo mafên rewa ên Kurdistaniyan. Îro baştir jî dibe di bin rêbertiya Serok Barzanî û qehremanê çerxê 21ê, çevengê kolnedan û berxwedanê rêzdar Mesûd Barzanî, ku em baştir û bilindtir in.

Pîroz e salvegera damezrandina partiya me Partiya Demokrat a Kurdistanê. Pîroz be roja jidayikbûna Serok û rêberê me yê netewî rêzdar Mesûd Barzanî.

Em naşkin û namirin, dê her bimîne miletê me û neteweya me. Bilind be ala Kurdistanê.




Nûçeyên din

Polîsê Iraqê li Şingalê hemû alên PKK û Heşda Şeibî daxistin

SATURDAY, 28 NOVEMBER 2020 19:11:25

Şingal-KDP.info- Bi biryara Hikûmeta Iraqê tevahiya alên PKK û Heşda Şeibî û hemû hêzên din ên li Şingalê ji aliyê polîsê federal ve hatin daxistin.

 
Keç û jinên Êzdî yên ku rizgar bûne dê di hêza nû ya Şingalê de beşdar bibin

THURSDAY, 26 NOVEMBER 2020 19:11:24

Duhok-KDP.info- Parlemantera Kurdistanê Hediya Murad dibêje, Wezareta Navxwe ya Hikûmeta Herêma Kurdistanê biryar daye ku keç û jinên Êzdî yên ku rizgar bûne, di hêza nû ya Şingalê de beşdar bibin.

 
Nêçîrvan Barzanî: Emê kar bikin ji bo nehiştina tundiya li hember jinan

WEDNESDAY, 25 NOVEMBER 2020 22:11:52

Hewlêr-KDP.info- Serokê Herêma Kurdistanê di roja cîhanî ya nehiştina tundiya li dijî jinan de peyamek belav kir û tekezî li ser berdewamiya piştgiriya li mafên wan û hewl û karê berdewam a ji bo nehiştina tundiya dijî jinan kir. Nêçîrvan Barzanî ragihand, “tundî, pirsa mafê mirov û tevahiya civakê ye, pêwîst e mêr roleke aktîvtir bibînin, beşeke mezin çareser bikin û rola wan di nehiştina tundiyê de hebe.”

Nêçîrvan Barzanî spasiya piştgîriyên Fransa bo Kurdistanê kir

TUESDAY, 24 NOVEMBER 2020 23:11:23

Hewlêr-KDP.info- Serok Nêçîrvan Barzanî spasiya Fransa kir li ser piştgîriyên wê yên siyasî û leşkerî û mirovî bo Herêma Kurdistanê, herwiha destxweşî kir li destpêşxerî û projeya avakirina nexweşxaneyekê li Şingalê ji aliyê hinek rêxistinên nehikûmî yên Fransa û ragihand, Serokatiya Herêma Kurdistanê dê ligel Fransa û dostên din beşdar be di avakirina wê nexweşxaneyê de.

Li Rojava danustandinên Kurdî – Kurdî ji ber hilbijartinên Amerîka rawestiyane

TUESDAY, 24 NOVEMBER 2020 21:11:27

Rojavayê Kurdistanê-KDP.info- Serkirdeyê ENKSê Şelal Gedo dibêje, danustandinên aliyên siyasî yên Rojavayê Kurdistanê ji ber hilbijartinên serokê Amerîka rawestiyane.



 
© 2020 Kurdistan Democratic Party, KDP

Contact