Kurdî  ■  كوردی  ■  عربي
THU, 3 JUL 2025 06:41 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Parlamento: Ji ber şerê Tirkiye û PKKê 162 welatiyên Duhokê şehîd bûne
| KDP.info


Duhok-KDP.info- Roja 16ê meha derbasbûyî, artêşa Tirkiyê dest bi operasyoneke serbazî li dijî çekdarên PKKê li sînorê Herêma Kurdistanê destpê kir û di encamê de ziyanên canî û madî ji xelkê navçeyê re derket. Endama Komîteya Dîvdeçûna Pirsgirêkên Ser Sînor di Parlamentoya Kurdistanê de Jiyan Tahir dibêje, ji ber siyaseta PKK û êrîşên Tirkiyê, bi dehan gundên Herêma Kurdistanê vala bûne û nêzîkî 200 welatiyê Duhokê bûne qurbanî.

Jiyan Tahir ji malpera KDP.info re ragihand: “Komîteya me ji bal Parlamentoya Kurdistanê ve serdana parêzgeha Duhokê kir û li gorî dîvdeçûnên me, tenê li sînorê nahiyeya Batofe ji ber şerê PKK û Tirkiyê, 27 gund bêavedanî mane û di çend rojên derbasbûyî de jî 3 gundên din li wê nahiyeyê ji ber êrîşên Tirkiyê vala bûne. Herwiha li sînorê nahiyeya Derkarî jî 26 gund rastî topbaran û bombebarana Tirkiyê hatine. Li Şingalê jî 6 pêgeh hatin bombebarankirin.”

Wê parlamenterê wiha got: “Li sînorê Amêdiyê jî ji ber hebûna cih û navendên PKKê,198 gund vala bûne û xelkê wan li Amêdiyê û komelgehan bicîh bûne. Mixabin ji ber hebûna PKK li sînorên Akrê û Zaxo û Amêdiyê berdewam Tirkiye wan navçeyan topbaran û bombebaran dike.”

Jiyan Tahir wiha domand: “Di encama şerê ser sînor û êrîşên Tirkiyê, di salên derbasbûyî de li Zaxo 32 welatî şehîd bûne û 10 kes jî birîndar bûne, li Amêdiyê 28 kes şehîd bûne û 4 jî birîndar bûne, li sînorê Akrê jî zêdetirî 100 kesî şehîd bûne.”

Jiyan Tahir ragihand: “Ji ber alozî û rewşa sînor û şerê PKK û Tirkiyê, rêjeya bêkariyê li sînorê Duhokê zêde bûye, ji ber ku ew navçeyên ku şer li wan heye, ji aliyê çandiniyê ve dewlemend in û xelkê wan nikarin sûdê ji erd û zeviyên xwe bibînin, û xelkê wan gundan li Duhok û Zaxo û Akrê û Amêdiyê bêkar in.”




Nûçeyên din

Nêçîrvan Barzanî pêşwaziya Raf' El Îsawî kir

MONDAY, 30 JUNE 2025 22:06:21

Hewlêr-KDP.info: îro dûşem 30.06.2025 ، Nêçîrvan Barzanî Serokê Herêma Kurdistanê li hevdîtineke digel Raf' El Îsawî, siyasetmedar û cîgirê berê yê Serok Wezîrê Iraqê, pêşhatên dawî yên rewşa siyasiya Iraqê û peywendiyên Hewlêr ـ Bexdayê gotûbêj kirin û di derbarê bandor û berketiyên rewşa Rojhilata Navîn li ser Iraqê de, danustandina bîr û ramanan kirin.

 
Serok Barzanî pêşwazî li Balyozê Fransayê li Iraqê kir

MONDAY, 30 JUNE 2025 15:06:16

Hewlêr-KDP.info: îro 30î Hezîranê , Serok Mesûd Barzanî pêşwazî li Balyozê Fransayê yê li Iraqê, Patrick Durel kir.

Nêçîrvan Barzanî pêşwaziya Konsulê Giştî yê nû yê Hîndîstanê kir

SUNDAY, 29 JUNE 2025 20:06:46

Hewlêr-KDP.info: îro yekşem 29.06.2025 Nêçîrvan Barzanî Serokê Herêma Kurdistanê li hevdîtinek de bi Brijesh Kumar, Konsulê Giştî yê nû yê Hîndîstanê li Herêma Kurdistanê re, ji bilî pîrozbahiya destbikarbûnê, hêviya serkeftinê ji bo wî xwest û hemû piştgîriyeke aliyên peywendîdarên Herêma Kurdistanê ya ji bo serxistina erkê wî dûpat kir.

Peyama Serok Barzanî ya bi helkefta serê sala koçî

THURSDAY, 26 JUNE 2025 17:06:38

Hewlêr-KDP.info: Bi minasibeta hatina serê sala nû ya Koçî, Serok Barzanî îro (Pêncşem, 26.06.2025) peyamek parve kir.

Nêçîrvan Barzanî sala nû ya koçî pîroz kir

THURSDAY, 26 JUNE 2025 11:06:57

Hewlêr-KDP.info: Serokê Herêma Kurdistanê Nêçîrvan Barzanî sala nû ya koçî li Misilmanan pîroz kir.



 
© 2023 Kurdistan Democratic Party, KDP

Contact