Kurdî  ■  كوردی  ■  عربي
SAT, 11 JUL 2020 04:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokê Herêma Kurdistanê: Erkê sereke yê hemû aliyan bihêzkirina yekrêziyê ye
| KDP.info


Hewlêr-KDP.info- Serokê Herêma Kurdistanê Nêçîrvan Barzanî bi boneya 44emîn salvegera Şoreşa Gulanê peyameke bekav kir û ragihand ku divê kare sereke yê hemû aliyan berdewam ji bo bihêzkirina yekrêziyê karkirin be.

Serokê Herêma Kurdistanê Nêçîrvan Barzanî bi boneya 44emîn salvegera Şoraşe Gulanê ku di 26ê gulana 1976an de li dijî rejîma Baasê dest pê kiribû peyamek belavkir û got: “Bîranaîna Şoreşa Gulanê rêzgirtina li xebata gel, têkoşîna Pêşmergeyê qahreman e.”

Nêçîrvan Barzanî diyar kir ku baweriya Kurdistaniyan a ji bo şoreşê di heyameke kurt de bû derfetek ku îradeyeke bihêz derkeve holê û bû piştevniyeke mezin û wiha pê de çû: “44 sala berê weke îro Şoreşa Gulanê bi pêşengitiya Partiya Demokrata Kurdistganê (PDK) destpêkir ku berdewamiya Şoreşa Îlonê bû. Bîranaîna Şoreşa Gulanê rêzgirtina li xebata gel, têkoşîna Pêşmergeyê qahreman e û pesindayina keda xwîna şehîd û malbatên wan ên serbilind e.”

Nêçîrvan Barzanî tekez dike ku bîranîna Şoreşa Gulanê ku komkirina hêza niştîmanî û ezmûneke serkevtî ya kar û xebatên pêkva ya Kurdistaniyan û eniya Kurdistanî li wê heyama dirust bûye, dibe handerekî bihêz bo nûjenbûn û têkoşîna niştîmanî.

Di berdewamiya peyama xwe de Serokê Herêma Kurdistanê dibêje: “Baweriya Kurdistaniyan a bo peyam û armanca şoreşê, piştevaniyeke mezin bû bo bihêzbûna û pêşxistina îradeya polayî.”

Serokê Herêma Kurdistanê herwiha destnîşan kir ku bîranîna Şoreşa Gulanê di demekê de ye ku divê kar û berpirsiyariya sereke ya hemû alî û pêkhateyên Kurdistanê berdewam ji bo bihêzkirina yekrêziyê karkirin be û got: “Divê hemû alî ji bo hevqebûlkirinê, debaskirina hemû astengî û krîzên ku em rûbirû dibin û herwiha bo parastina deskevtî û paşerojeke xweş bi hev re bixebitin. Bila 44emîm salvegera Şoreşa Gulanê pîroz be. Slav li xebat û mandibûna Pêşmerge û têkoşerê qahremanê soreş û canê xwe feda kirine be. Slav li şehîdên soreş û tevahiya Kurdistanê be.”

 

 




Nûçeyên din

Parlamento: Ji ber şerê Tirkiye û PKKê 162 welatiyên Duhokê şehîd bûne

THURSDAY, 09 JULY 2020 19:07:32

Duhok-KDP.info- Roja 16ê meha derbasbûyî, artêşa Tirkiyê dest bi operasyoneke serbazî li dijî çekdarên PKKê li sînorê Herêma Kurdistanê destpê kir û di encamê de ziyanên canî û madî ji xelkê navçeyê re derket. Endama Komîteya Dîvdeçûna Pirsgirêkên Ser Sînor di Parlamentoya Kurdistanê de Jiyan Tahir dibêje, ji ber siyaseta PKK û êrîşên Tirkiyê, bi dehan gundên Herêma Kurdistanê vala bûne û nêzîkî 200 welatiyê Duhokê bûne qurbanî.

 
Nûnera UN: Em piştgîriyê li berdewamiya danûstandinên Hewlêr û Bexdayê dikin

WEDNESDAY, 08 JULY 2020 23:07:11

Hewlêr-KDP.info- Nêçîrvan Barzanî Serokê Herêma Kurdistanê pêşwaziya xanima Jeanine Plasschaert Nûnera Taybetî ya Sekreterê Giştî yê Neteweyên Yekgirtî li Iraqê kir.

Encûmena Wezîran rewşa kerta çandiniyê gotûbêj kir

WEDNESDAY, 08 JULY 2020 23:07:05

Hewlêr-KDP.info- Encûmena Wezîran bi serperiştiya Serokwezîrê Herêma Kurdistanê Mesrûr Barzanî, û bi beşdariya Cîgirê Serokwezîrê Herêma Kurdistanê Qubad Talebanî, bi rêya vîdyo konfiransê civiya.

Baregeha Serok Barzanî kuştina Hîşam Haşimî şermezar kir

TUESDAY, 07 JULY 2020 17:07:22

Hewlêr-KDP.info- Bi mixabîniyeke zêde ve, me nûçeya terorkirina pisporê emnî Hîşam Haşimî bihîst, ku girûpên dervey yasayê ew karê zalimkar kirine.

 
Mesrûr Barzanî kuştina Huşam Haşimî şermezar kir

TUESDAY, 07 JULY 2020 16:07:14

Hewlêr-KDP.info- Serokwezîrê Herêma Kurdistanê kuştina Huşam Haşimî bi tundî şermezar kir û hêvî kir ku di zûtirîn dem de “bikerên vê tawanê bên dîtin.”

 


 
© 2020 Kurdistan Democratic Party, KDP