Kurdî  ■  كوردی  ■  عربي
SUN, 31 MAY 2020 17:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Fazil Mîranî bo Dengê Amerîka: Xweska dewleta Kurdan jî heba
| KDP.info


Hewlêr-KDP.info- Sekreterê Polîtburoya PDKê Fazil Mîranî dibêje, xweska dewleta Kurdan heba û bila her 6 mehan carekê jî me mûçeyên xwe nestendiba, lê dewleta me heba me dikarî bi petrola Kurdistanê mûçeyê fermanberên xwe daba.

Mîranî ji Dengê Amerîka re behsa pêwendiyên PDK û YNK dike û dibêje: “Pêwendiyên PDK û YNK sitratejîk in. Ti rêyeke din li pêşiya me herdû aliyan tune ye, jibilî ku em têkelî û pêwendiyên xwe baş bikin. Beriya kongreya YNKê ku beriya çend mehan birêve çû, hinekî pêwendiyên me sar bibûn û ne wan vexwendinek fermî ji me re şand ku em wek mêvan biçin kongreyê YNKê û piştî kongre jî bidawî bû, me jî wek PDK peyameke pîrozbahiyê ji wan re neşand. Wan digot me mêvan dawet nekirine ji bo kongre, lê me piştre dît ku mêvan li kongreyê wan hene. Gerek em li pêşiya mêvanan bana. Lê gerek me peyamek ji wan re şandiba. Niha jî nabe em ji hev dûr bikevin. Bi rastî hem cenabê Serok Barzanî û hem hevalên Polîtburoya PDKê mamele ligel serkirdatiya nû ya YNKê dikin. Em destê xwe naxin nava karûbarê YNKê û em dibînin ku serkirdayetiya niha ya YNKê rêbertiya YNKê dike û em pîrozbahiyê li serkirdatiya nû ya YNKê û li hevserokên wê dikin.”

Fazil Mîranî wiha domand: “Xwedê alîkar be, piştî cejnê dê herdû polîtburoyên PDK û YNK bicivin. Piştî wê civînê emê hewl bidin civîneke bilindtir jî bikin. Em û YNK bê hev nikarin û em temamkerê hev in. Pêwîstiya Kurdistanê bi lihevkirina siyasî ye û yekrêzî hêviya milete jî.”

Sekreterê Polîtburoya PDKê wiha domand: “Hikûmeta niha ya Kurdistanê nefaşil e, wek ku hinek alî hêvî dikin. Hikûmeteke yekgirtî û bihêz e û 3 partiyên mezin ê Kurdistanê ku PDK û YNK û Goran, ava kirine û herwiha pêkhateyên Kurdistanê jî tê de beşdar in. Lê dema ev hikûmet hat, pirsgirêk destpê kirin û Bexda mûçeyên fermanberên Kurdistanê qut kir û nexweşiya Korona hat û buhayê petrolê daket. Xweska dewleta Kurdan heba û bila her 6 mehan carekê jî me mûçeyên xwe nestendiba, lê dewleta me heba me dikarî bi petrola Kurdistanê mûçeyê fermanberên xwe daba.”

 




Nûçeyên din

Polîtburoya PDKê peyamek pîrozbahiyê ji YNKê re şand

SUNDAY, 31 MAY 2020 14:05:25

Hewlêr-KDP.info- Polîtburoya PDKê bi boneya 45 salemîn salvegera damezrandina YNKê, peyamekî pîrozbahiyê ji rêveberî û encûmena bilinda siyasî û hemû endam û alîgirên YNKê re şand.

 
Serok Barzanî sersaxiyê li Sasan Ewnî kir

WEDNESDAY, 27 MAY 2020 22:05:40

Hewlêr-KDP.info-Îro çarşem 27.05.2020 Serok Mesûd Barzanî li rêya telefonê ve peywendiyê bi Sasan Ewnî Wezîrê Bajarvaniya Hikûmeta Herêma Kurdistanê kir û serxweşî û hevxemiya xwe ji bo malbata wan û Ferhad Ewnî ragihand ku ji bo koça dawî ya xwedê jêrazî Nejad Ewnî yê birayê wan ku li rûdaneke diltezîn da koça dawî kir.

 
Hevpeymanan çek û teqemenî ji 2 lîwayên Pêşmerge re şandine

WEDNESDAY, 27 MAY 2020 16:05:43

Hewlêr-KDP.info- Cîgirê Serfirmandar bo Operasyonan di Wezareta Pêşmerge de Lîwa Qareman Kemal dibêje, 2 lîwayên Hêzên Pêşmerge ku Hevpeymaniya Navdewletî wan amade dike, hatine amadekirin û Hevpeymaniya Navdewletî dê piraniya çek û teqemenî û kelûpel û pêwîstiyan ji wan re bişîne.

 

Mesrûr Barzanî: Şoreşa Gulanê ew rastiye çespand ku îradeya miletê me ji hemû planan bihêztir e

MONDAY, 25 MAY 2020 23:05:45

Hewlêr-KDP.info- Êvara îro Duşema 25.05.2020an Serokwezîr Mesrûr Barzanî bi boneya yadkirina Şoreşa Gulanê peyamek belav kir. Di wê peyama xwe de Serokwezîr Barzanî di wê daxuyaniyê de aşkere kir biyekrêzî û yekhelwêstiya xelkê Kurdistanê ew dikarin ji hemû rewşên xirab debas bibin.

Serokê Herêma Kurdistanê: Erkê sereke yê hemû aliyan bihêzkirina yekrêziyê ye

MONDAY, 25 MAY 2020 23:05:59

Hewlêr-KDP.info- Serokê Herêma Kurdistanê Nêçîrvan Barzanî bi boneya 44emîn salvegera Şoreşa Gulanê peyameke bekav kir û ragihand ku divê kare sereke yê hemû aliyan berdewam ji bo bihêzkirina yekrêziyê karkirin be.



 
© 2020 Kurdistan Democratic Party, KDP