Kurdî  ■  كوردی  ■  عربي
WED, 15 JUL 2020 06:00 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Newroz û serê sala nû ya Kurdî pîroz be
| KDP.info


Hewlêr-KDP.info- Serok Mesûd Barzanî bi boneya Newrozê û serê sala nû ya Kurdî peyamek belav kir û pîrozbahî li hemû xelkê Kurdistanê kir.

Ev jî tekesta wê peyamê ye:

Bi navê xwedayê mezin û dilovan

Bi boneya hatina cejna Newrozê û serê sala 2720 a Kurdî pîrozbahiyê li malbatên serbilindên şehîdan û Pêşmergeyên qehreman û hemû Kurdistaniyên xweşdiviyên li hûndir û derveyê welat dikim û hêviya aştî û aramiyê ji bo hemû aliyekî dixwazim.

Mixabin niha navçeya me û hemû cîhan rastî gefa şewb û petayeke cîhanî hatiye û bi vê sedemê jî gelek welatên cîhanê di rewşeke xerab a tendirustî û abûrî de derbas dibin. Ji bo gelê Kurdistanê jî ev şewb bûye gefeke mezin û derbasbûna wê îradeyekî hevbeş û pêbendbûn û xweparêziya giştî pêwîst e. Bi pêwîst dizanim ku daxwazê ji hemû aliyan bikim ku wekî erkekî niştimanî bi hûrî pêbendî rênimayiyên tendirustî û rêkarên Hikûmeta Herêma Kurdistanê û aliyên peywendîdar bibin. Çiqasî em hemû pêbendî rênimayiyan bibin û xwe biparêzîn ewqasî jî dê gefa wê şewba metirsîdar li ser welatiyên Kurdistanê kêmtir dibe.

Cihê xwe ye destxweşiyê li destpêşxerî û biryar û hengavên Hikûmeta Herêma Kurdistanê bikim ku her li serê destpêka vê şewbê heya niha, bûne sedema wê yekê ku rêjeya belavbûna şewbê di astekî gelek kêm de bimîne, ew jî li gorî welatên derdorê, û Herêma Kurdistanê parastîtir bimîne.

Spasî ked û xebata şev û roj ya pîmên pizîşkî, Asayîş, Polîs, Pêşmerge û hemû aliyên peywendîdar dikim ku di vê roja dijwar de berpirsiyariya dîrokî û hestiyar li ser milê wan e û erkekî mînakî û nimûneyî bi cîh anîne.

Ji wê yekê piştrast im ku pişt bi xwedê û bi hevkariya di navbera xelk û Hikûmeta Kurdistanê û pêbendbûna hemû aliyekî emê vê astengiyê jî bi selametî derbas dikin.

Newroza we pîroz û hêviya xweşî û şadî û tendirustiyê ji bo xelkê xweşdiviyê Kurdistanê dixwazim.

 

Mesûd Barzanî

20.03.2020

 




Nûçeyên din

Mesrûr Barzanî: Tevî rewşa dijwar emê di xizmetkirina xelkê Kurdistanê de berdewam bin

TUESDAY, 14 JULY 2020 21:07:19

Hewlêr-KDP.info- Serokê Hikûmeta Herêma Kurdistanê Mesrûr Barzanî ragihand, tevî vê rewşa dijwar a abûrî li Herêma Kurdistanê lê ewê li ser bicîhanîna sozên ku dane welatiyan, berdewam bin û xizmeta wan bikin.

Serokê Herêma Kurdistanê peyameke sersaxiyê pêşkêşî Serok Komarê Misirê kir

SUNDAY, 12 JULY 2020 23:07:06

Hewlêr-KDP.info- Îro yekşem 12.07.2020 birêz Nêçîrvan Barzanî Serokê Herêma Kurdistanê peyameke sersaxiyê pêşkêşî birêz Abdulfetah El Sîsî Serok Komarê Misirê kir û têda ji bo koça dawî ya xwedê jêrazî Ehmed Haris Konsolê Komarê Misira Erebî li Hewlêrê, serxweşiyê li birêz kir û hevxemiya xwe ji bo ji destdana xwedê jêrazî derbirî ku doh li Misir koça dawî kir.

Serokê Herêma Kurdistanê sersaxiyê li Kinyazê Mîrzoyêv dike

SUNDAY, 12 JULY 2020 12:07:51

Hewlêr-KDP.info- Di peyamekê de, Serokê Herêma Kurdistanê Nêçîrvan Barzanî sersaxî ji akademîsyen û kesayetiya navdarê Kurd li Kazaxistanê Pro. Kinyazê Mîrzoyêv kir, ji ber koça dawî ya birayê wî Ehmedê Mîrzoyêv.

 
Serok Barzanî sersaxî ji Dr. Kinyazê Îbrahîm Mîrzoyêv re xwest

SUNDAY, 12 JULY 2020 12:07:45

Hewlêr-KDP.info- Serok Mesûd Barzanî peyameke sersaxiyê ji Dr. Kinyaz Îbrahîm Mîrzayêv Serokê Federasyona Kurdên welatên Sovyeta berê re şand, ji bo koça dawî ya birayê wî Ehmed Îbrahîm Mîrzayêv.

 
Mesrûr Barzanî kevirê bingehê yê riya (100 metrî) ya Silêmaniyê danî: Xelkê Silêmaniyê hêjayî projeyên mezintir in

SATURDAY, 11 JULY 2020 20:07:54

Silêmanî-KDP.info- Serokê Hikûmeta Herêma Kurdistanê Mesrûr Barzanî gihîşt bajarê Silêmaniyê û kevirê bingehê yê projeya riya 100 metrî ya Silêmaniyê danî.



 
© 2020 Kurdistan Democratic Party, KDP

Contact