Kurdî  ■  كوردی  ■  عربي
FRI, 28 FEB 2020 15:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokatiya Kurdistanî û frakisyonên Kurdistanî li Bexdayê: Divê berjewendiyên gelê Kurdistanê parastî bin
| KDP.info


Hewlêr-KDP.info- Li baregeha Serokatia Herêma Kurdistanê li Hewlêr, bi serperiştiya Nêçîrvan Barzanî Serokê Herêma Kurdistanê û bi amadebûna herdû cêgirên serok, civîna aliyên sîyasî, cêgrê serokê Parlemantoya Iraqê û Frakisyonên Kurdistanî di Parlemantoya Iraqê de hat encamdan û di wê civînê de tekezî hat kirin ku divê maf û berjewendiyên Herêma Kurdistanê li Iraqê partastî bin.

Di civînê de, rewşa Iraqê û pêngavên yekxistina helwêsta aliyên sîyasî, Firakisyon û saziyên fermî yên Herêma Kurdistanê bo çawaya reftarkirinê li gel pêşhatên qada sîyasî ya Iraqê û Kurdistanê, herweha gotûbêj derbarê gavên piraktîkî bo pêkanîna hevpeyamaniya Kurdistanî li Bexdayê hatin gengeşekirin.

Piştî gotbêjan, danûstandinê û têbîniyên firkaisyonên Kurdistanî derbarê çawaniya reftarkirinê li gel saziyên fedralî li Bexdayê û behskirina nexşerêya reftarkirinê ligel pêşhatên Iraqê, tevaya aliyên Kurdistanî yeknerîn bûn li ser wê yekê ku pêwîst e bi yek helwêstî reftar li gel tevaya pirsan bihê kirin û gavên piraktîkî jî bo pêkanîna hevpaymaniya Kurdistanî û peyreweka giştgîr jî were amadekirin ku cihê pesindkirina tevaya firakisyonan be.

Civînê bi giringî ve, behsa rewş û pêşhatên Iraqê kir û tekezî hat kirin li ser pêwîstiya vegerandina aramiya ewlehî û sîyasî bo Iraqê û dûrketin ji tundiyê li dijî xwenîşanderên sivîl û bicîhanîna daxwazên rewa yên wan ji xizmeguzariyan û pêşerojeke baştir.

Mijareke dinî civînê, gavavêtin bû bo avakirina kabîneya bê ya Hikumeta Iraqê. Derbarê ev yekê jî aliyên amade yeknerîn bûn li ser wê yekê ku berjewendiyên bilind ên Herêma Kurdistanê parastî bin, parastina hebûna destûrî û sîyasî ya Herêma Kurdistanê û mafên destûrî yên gelê Kurdsitanê û deverên Kurdistanî yên dervey îdareya Herêma Kurdistanê, bingeha sereke û hevpişka aliyên sîyasî dibe. Her gavek jî bo avakirina kabîneya nû bi hevahengî di navbera aliyên sîyasî û saziyên fermî yên Herêma Kurdistanê dibe bi awayekê ku mafên Herêma Kurdistanê tê de parastî bin û tevaya aliyên pişikdar di duristkirina biryarê de beşdar bin.

Civîn gelê Kurdistanê piştrast kir ku her gotûbêj û rêkeftinekê de, mafên welatiyên Herêma Kurdistanê dê di ser hertiştî re be




Nûçeyên din

Serok Barzanî serxweşiyê li Îbrahîm Biro kir

FRIDAY, 28 FEBRUARY 2020 13:02:06

Bi navê xwedayê mezin û dilovan

Birêz Îbrahîm Biro Endamê Mekteba Siyasiya Partiya Yekîtiya Kurdistanê Sûriye

Serokê Herêma Kurdistanê pîrozbahî li hevserokên YNKê kir

THURSDAY, 27 FEBRUARY 2020 09:02:11

Hewlêr-KDP.info- Serokê Herêma Kurdistanê di peywendiyeke telefonî de pîrozbahî li hevserokên YNKê kir û hêviya wê xwest hilbijartina wan “xizmeta hêviyên Serok Mam Celal bike”.

 
Baydemîr: Herêma Kurdistanê mînakek e ji bo temamî navçeyê

THURSDAY, 27 FEBRUARY 2020 09:02:40

Duhok-KDP.info- Siyasetmedarê Kurd Osman Baydemîr ragihand ku Herêma Kurdistanê mînakeke ciwan e li tevahiya navçeyê û semboleke ciwan e bo temamî xelkê Kurdistanê.

 
Îsal rêwresmên cemaweriyên bîranînên koçkirin û jidayikbûna Barzaniyê Nemir neyên kirin

WEDNESDAY, 26 FEBRUARY 2020 16:02:26

Hewlêr-KDP.info- Baregeha Barzanî di çarçoveya tewdîrên li hember vîrusa korona de biryarek aşkera kir û ragihand îsal rêwresmên cemaweriyên bîranînên koçkirin û jidayikbûna cenabê Barzaniyê Nemir neyên encamdan.

 
“Boneyên îsal ên Newrozê li Hewlêrê nayên kirin..Korona negihaye Hewlêrê”

WEDNESDAY, 26 FEBRUARY 2020 16:02:32

Hewlêr-KDP.info- Îro 26.02.2020ê parêzgerê Hewlêrê Firset Sofî di kongreyeke rojnamevanî de ragehand, di çarçoveya tewdîrên li hember vîrusa korona de me biryar daye ku îsal bone û pîrozbahiyên Newroz û Adarê neyên kirin. Herwiha tekez kir ku hêj nexweşiya korona negihaye parêzgeha Hewlêrê.

 


 
© 2020 Kurdistan Democratic Party, KDP