Kurdî  ■  كوردی  ■  عربي
FRI, 28 FEB 2020 14:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Swêd: Alîkariyên me yên leşkerî û mirovî bo Kurdistanê dê berdewam bin
| KDP.info


Hewlêr-KDP.info- Balyozê Swêdê yê nû li Iraqê ligel Berpirsê Ofîsa Pêwendiyên Derve ya PDKê Hoşyar Sîweylî civiya û di wê hevdîtinê de got ku alîkariyên welatên wî yên leşkerî û mirovî ji bo Herêma Kurdistanê dê berdewam bin û dê berdewam be li ser alîkariya geşekirina abûriya Herêma Kurdistanê.

Di wê rûniştinê de Hoşyar Sîweylî got ku PDK amade ye ji bo bihêzkirina pêwendiyên Swêd û Kurdan, ew jî bi rêya projeyên cuda yên Swêd li Herêma Kurdistanê û xizmeta pêşkeftina Herêma Kurdistanê û pêşxistina dezgehên demokrat ên Kurdistanê.

Sîweylî wiha got: “Em spasiya alîkariyên berdewam ên Swêd û welatên endam ên di Hevpeymaniya Navdewletî de dikin. Hêvî dikin ku alîkariyên rêxistinên mirovî û nehikûmî yên ser bi Neteweyên Yekbûyî li Iraq û Herêma Kurdistanê ji bo koçberan û navçeyên ku ji ber şerê terorê ziyan dîtine, berdewam bin. Herwiha em tekez dikin li ser berdewamiya piştgîrî û rahênan û perwerdeya leşkerî ya Swêd û Hevpeyamanan ji bo Hêzên Pêşmerge. Em naxwazin hêzên Hevpeymanan ji Iraqê derkevin ji ber ku hîn jî metirsiya terorê maye û karên terorîstî yên DAIŞê li ser xelkê sivîl û li ser navçeyê maye.”

Wî berpirsê PDKê wiha domand: “PDK daxwaz dike ku mafên Herêma Kurdistanê yên destûrî werin dan.”

Di wê hevdîtinê de herwiha rewşa navçeyê û şer û aloziyên li Sûriyê û Rojavayê Kurdistanê hatin gotûbêjkirin.

Ji aliyê xwe ve, Balyozê Swêdê Larş Ronos ragihand ku Swêd giringiyê bi aramî û aştî û seqamgîriya Iraqê û pêwendiyên ligel Herêma Kurdistanê dide. Got jî ku alîkariyên welatên wî yên leşkerî û mirovî ji bo Herêma Kurdistanê dê berdewam bin û dê berdewam be li ser alîkariya geşekirina abûriya Herêma Kurdistanê.

Balyozê Swêd dilgiraniya xwe ji ber bombebaran û topbarana artêşa Tirkiyê li ser xelkê sivîl ên Başûrê Kurdistanê yên li ser sînorê Tirkiyê nîşan da, ew jî ji ber şer û nakokiyên bi salan di navbera Hikûmeta Tirkiyê û PKKê de li ser sînor û di encamê de gelek gundên navçeyê vala bûne û xelkê sivîl dibin qurbanî wî şerî.

 




Nûçeyên din

Serok Barzanî serxweşiyê li Îbrahîm Biro kir

FRIDAY, 28 FEBRUARY 2020 13:02:06

Bi navê xwedayê mezin û dilovan

Birêz Îbrahîm Biro Endamê Mekteba Siyasiya Partiya Yekîtiya Kurdistanê Sûriye

Serokê Herêma Kurdistanê pîrozbahî li hevserokên YNKê kir

THURSDAY, 27 FEBRUARY 2020 09:02:11

Hewlêr-KDP.info- Serokê Herêma Kurdistanê di peywendiyeke telefonî de pîrozbahî li hevserokên YNKê kir û hêviya wê xwest hilbijartina wan “xizmeta hêviyên Serok Mam Celal bike”.

 
Baydemîr: Herêma Kurdistanê mînakek e ji bo temamî navçeyê

THURSDAY, 27 FEBRUARY 2020 09:02:40

Duhok-KDP.info- Siyasetmedarê Kurd Osman Baydemîr ragihand ku Herêma Kurdistanê mînakeke ciwan e li tevahiya navçeyê û semboleke ciwan e bo temamî xelkê Kurdistanê.

 
Îsal rêwresmên cemaweriyên bîranînên koçkirin û jidayikbûna Barzaniyê Nemir neyên kirin

WEDNESDAY, 26 FEBRUARY 2020 16:02:26

Hewlêr-KDP.info- Baregeha Barzanî di çarçoveya tewdîrên li hember vîrusa korona de biryarek aşkera kir û ragihand îsal rêwresmên cemaweriyên bîranînên koçkirin û jidayikbûna cenabê Barzaniyê Nemir neyên encamdan.

 
“Boneyên îsal ên Newrozê li Hewlêrê nayên kirin..Korona negihaye Hewlêrê”

WEDNESDAY, 26 FEBRUARY 2020 16:02:32

Hewlêr-KDP.info- Îro 26.02.2020ê parêzgerê Hewlêrê Firset Sofî di kongreyeke rojnamevanî de ragehand, di çarçoveya tewdîrên li hember vîrusa korona de me biryar daye ku îsal bone û pîrozbahiyên Newroz û Adarê neyên kirin. Herwiha tekez kir ku hêj nexweşiya korona negihaye parêzgeha Hewlêrê.

 


 
© 2020 Kurdistan Democratic Party, KDP