Kurdî  ■  كوردی  ■  عربي
TUE, 15 JUL 2025 23:10 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Bê Kurdan danîna serokwezîrê Iraqê biser nakeve..Rola Kurdan dê di hikûmeta nû de mezin be
| KDP.info


Hewlêr-KDP.info- Li gorî zanyariyan, diyarkirina kesekî ji wek serokwezîrê Iraqê nêzîk bûye. Çavdêrekî siyasî jî dibêje, bê Kurdan danîna serokwezîrê nû yê Iraqê biser nakeve û ev aloziya ku niha li Iraqê heye dê gelekî dirêj bike.

Serokwezîrê Iraqê Adil Ebdulmehdî piştî xwepêşandanên Iraqê dest ji karê xwe berda û niha Hikûmeta Iraqê karbirêker e û tê çaverêkirin ku hikûmeteke nû were avakirin.

Derbarê rewşa Iraqê, çavdêrê siyasî û wezîrê berê di Hikûmeta Iraqê de Dîndar Doskî ji malpera KDP.info re ragihand: “Danîna kesekî wek serokwezîrê Iraqê nekarekî hêsan e, ji ber ku kesê ku xwepêşander daxwaza wî dikin pir zehmet e were dîtin, ku dixwazin kesekî bêalî û serbixwe be û destê wî di gendeliyê de tune be. Êdî dê Iraq bikeve nava valahiyeke yasayî de û dê ev rewşa aloz dirêj bike.”

Her ji destpêka xwepêşandanên Iraqê û heya niha helwêsta Kurdan xuya ye, ku ligel xwepêşandanên bi hêmin û cîbicîkirina mafên wan in, lê Kurd berdewam dibêjin metirsî heye ji ber vê rewşê û gelek caran Herêma Kurdistanê hişyarî daye ji alozbûna rewşê.

Doskî derbarê rola Kurdan di danîna serokwezîrê Iraqê de ragihand: “Kurd xwedî pêgeheke bihêz in li Iraqê û li deverê, ji ber wê jî bê rola Kurdan danîna serokwezîrê Iraqê biser nakeve, ji ber ku di pirseke wisa girîng de nikarin nerîna Kurdan liberçav negrin. Bi nerîna min Kurd herdem beşeke girîng dibin ji Hikûmeta Iraqê û dûrxistina wan ziyanê dighîne proseya siyasî ya Iraqê.”

 




Nûçeyên din

Daxuyaniyek ji Serokayetiya Herêma Kurdistanê

TUESDAY, 15 JULY 2025 14:07:26

Hewlêr-KDP.info: Serokatiya Herêma Kurdistanê li ser êrişên bi dronan daxuyanî da.

 
PDK û YNK tekezî li ser yekhelwestiya aliyên siyasî kir

MONDAY, 14 JULY 2025 19:07:43

Hewlêr-KDP.info: Îro 14.07.2025, Serok Mesûd Barzanî, pêşwaziya Bafil Talebanî Serokê Yekitiya Niştimanî ya Kurdistanê û şanda pêre kir

Nêçîrvan Barzanî pesnê hevpeymaniya navdewletî dide

MONDAY, 14 JULY 2025 17:07:23

Hewlêr-KDP.info: îro dûşem 14.07.2025, Nêçîrvan Barzanî Serokê Herêma Kurdistanê, bi General Kevin Leahy Fermandeyê Hêzên Hevpeymaniya Navdewletiya li Iraq û Sûriyê û şandeke pê re civiya.

 
Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.



 
© 2023 Kurdistan Democratic Party, KDP

Contact