Kurdî  ■  كوردی  ■  عربي
THU, 1 OCT 2020 06:36 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Li ser alîkariya penaberên Rojavayê Kurdistanê Yekîtiya Ewropa spasiya Herêma Kurdistanê kir
| KDP.info


Hewlêr-KDP.info- Serokê Herêma Kurdistanê Nêçîrvan Barzanî û Berpirsê Ofîsa Yekîtiya Ewropa li Herêma Kurdistanê Vênst Giyom li ser rewşa Iraqê û penaberên li Herêma Kurdistanê axivîn û di wê hevdîtinê de şanda mêvan spasiya hêsankarî û hevkariyên Herêma Kurdistanê bo karên wî kir û herwiha ji ber alîkariyên Herêma Kurdistanê bo koçber û penaberan nexasim ew penaberên ku ji ber şerê vê dawiyê yê Sûriyê berê xwe dane Herêma Kurdistanê û ew karê Hikûmeta Kurdistanê bilind nirxand.

Îro Yekşema 15.12.2019 Nêçîrvan Barzanî pêşwazî li Vênst Giyom kir û di wê hevdîtinê de Nêçîrvan Barzanî derbarê rewşa Iraqê tekez kir ku pêwîst e tundî li hemberî xwepêşanderan neyê kirin û yasa parastî be û bi şêweyeke medenî kar bi wan xwepêşanderan re were kirin. Herwiha got jî ku Herêma Kurdistanê ji bo aramî û seqamgîriya Iraqê û ji bo çareserkirina pirsgirêkan amade ye ku alîkar be.

Herwiha di wê hevdîtinê de, Serok Nêçîrvan Barzanî behsa rewşa Herêma Kurdistanê û gotûbêjên partiyên siyasî yên Herêma Kurdistanê ji bo avakirina hevpeymaniyeke Kurdistanî li Bexdayê, kir û herwiha behsa danustaninên di navbera Hewlêr û Bexdayê de kir.

Ji aliyê xwe ve Berpirsê Ofîsa Yekîtiya Ewropa spasiya hêsankarî û hevkariyên Herêma Kurdistanê bo karên wî kir û herwiha ji ber alîkariyên Herêma Kurdistanê bo koçber û penaberan nexasim ew penaberên ku ji ber şerê vê dawiyê yê Sûriyê berê xwe dane Herêma Kurdistanê û ew karê Hikûmeta Kurdistanê bilind nirxand. Herwiha got ku ji bo alîkariya penaberan ew amade ne alîkar bin û hevahengiyê bikin ligel Herêma Kurdistanê.

Di civînê de, rewşa navçeyê bi giştî û rewşa navçeyên Kurdistanî yên madeya 140 û rewşa Deşta Neynewa (Mûsilê), hatin gotûbêjirin. 




Nûçeyên din

Hikûmeta Kurdistanê daxwazê ji Bexda dike di zûtirîn dem de pereyên Kurdistanê bişîne

WEDNESDAY, 30 SEPTEMBER 2020 16:09:12

Hewlêr-KDP.info- Encûmena Wezîran a Herêma Kurdistanê bi serperiştiya Serokê Encûmena Wezîran Mesrûr Barzanî û amadebûna Cîgirê Serokwezîr Qubat Talebanî civiya.

 

Peyama sersaxiya Serok Barzanî ya ji bo koça dawî ya Mîrê Kuweytê

TUESDAY, 29 SEPTEMBER 2020 22:09:53

Bi navê xwedayê mezin û dilovan

Hefteya were Mesrûr Barzanî dê biçe Parlamentoya Kurdistanê

TUESDAY, 29 SEPTEMBER 2020 19:09:02

Hewlêr-KDP.info- Sekretera Parlamentoya Kurdistanê Muna Qehweçî ragihand, biryar e hefteya bê rojek di hefteyê de were diyarkirin ku tê de civîna parlamentoyê bi amadebûna Serokwezîrê Kurdistanê Mesrûr Barzanî birêve biçe û behsa çaksazî û pêwendiyên Hewlêr û Bexdayê û nexweşiya Koronayê werin kirin.

 
Serok Barzanî û Serokê Dadweriya Iraqê: Divê Destûrê Iraqê were bicîhanîn

TUESDAY, 29 SEPTEMBER 2020 19:09:41

Hewlêr-KDP.info- Serok Mesûd Barzanî pêşwazî li şanda Encûmena Dadweriyê ya Iraqê kir û di wê hevdîtinê de herdu aliyan tekezî li ser cîbicîkirina Destûrê Iraqê kirin.

 
Mesrûr Barzanî: Pêwîst e Iraq wek qewareyeke federalî û destûrî kar ligel Kurdistanê bike

TUESDAY, 29 SEPTEMBER 2020 18:09:10

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li Serokê Encûmena Bilind a Dadweriya Iraqê Fayeq Zêdan kir.

 


 
© 2020 Kurdistan Democratic Party, KDP

Contact