Kurdî  ■  كوردی  ■  عربي
WED, 12 AUG 2020 20:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Li devera Raperîn PKK destê xwe daniye ser 20 gundan
| KDP.info


Devera Raperîn-KDP.info- Berpirsê Liqa 11 ya PDK li Devera Raperîn a parêzgeha Silêmaniyê ragihand, PKK destê xwe daniye ser gundên nêzîkî Qendîlê, ku çekdarên wan tên nava gundên Başûrê Kurdistanê û gumrik û bacê ji xelkê distînin, lewma jî xelkê ji wan ditirsin û daxwaz dikin ku PKK ji navçeya wan derkeve.

Hîwa Geylanî ji malpera KDP.info re ragihand: “Devera Raperîn, ku navçeyên Pişder û Bitwên li xwe digre digre, xwedî dîrokeke dûr û dirêj e ji Kurdayetiyê, lê niha xelkê wê di rewşeke pir xerab de dijîn, hem ji aliyê xizmetan û hem ji aliyê nebûna derfetên kar ji bo ciwanan. Pirsgirêka herî sereke li sînorê vê deverê ew e ku PKK jî hatiye û navend û cihê xwe lê daniye.”

Berpirsê Liqa 11 ya PDKê dibêje: “Xelkê vê deverê di nava tirsê de ne, ew jî ji ber hebûna cih û navendên PKKê li navçeyê, ku zêdetirî 20 gundan di bin destê wan de ne. Herwiha li gelek cihên din jî bicîh bûne. Gumrik û bacê ji xelkê me distînin. Çekdarên wan tên nava gundan û ev yek pirsgirêkê ji xelkê me re derdixe û xelk di nava tirsê de ne ku balafirên Tirkiyê ji ber wan çekdaran li gundên wan bidin û sivîl jî bibin qurbanî.”

 




Nûçeyên din

Encûmena Wezîran bi tundî nîgeranî û nerazîbûna xwe li hember helwesta nerênî ya Bexda nîşan dide

WEDNESDAY, 12 AUGUST 2020 19:08:36

Hewlêr-KDP.info- Îro Çarşema 12ê Tebaxa 2020an, Encûmena Wezîran a Herêma Kurdistanê bi serperiştiya Mesrûr Barzanî Serokwezîrê Herêma Kurdistanê û beşdariya Qubad Talebanî, Cîgirê Serokwezîr, bi rêya vîdeo-konferansê civiya.

 
Du fermandarên hêza Zêrevanên Sînor şehîd bûn

TUESDAY, 11 AUGUST 2020 22:08:26

Sîdekan-KDP.info- Qaymeqamê Soran Kirmanc Îzet ragihand, îro Sêşema 11.8.2020 li sînorê nahyeya Sîdekanê balafirên şer ên Tirkiyê li otomobîleke fermandarên hêza Zêrevanên Sînor a Iraqê dan û di encamê de 2 fermandar şehîd bûn û 2 serbaz jî birîndar bûn.

PDK û YNK: Em piştevaniyê li Hikûmeta Kurdistanê dikin ku hikumraniyê li seranserê Kurdistanê bike

TUESDAY, 11 AUGUST 2020 22:08:29

Hewlêr-KDP.info- Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) civiyan û piştî civîna xwe daxuyaniyeke hevbeş ragihandin û gotin, “em piştevaniyê li Hikûmeta Kurdistanê dikin ku hikumraniyê li seranserê Herêma Kurdistanê bike.”

Rêxistinên navdewletî êdî alîkariya koçberan nakin û ew erk ketiye ser milê Hikûmeta Kurdistanê

MONDAY, 10 AUGUST 2020 17:08:59

Hewlêr-KDP.info- Rêveberê Kampan li Hewlêrê Rizgar Ubêd ragihand ku, 31 kamp li Hewlêr û Duhokê hene û rêxistinên navdewletî alîkariyên xwe ji bo wan kampan sekinandine, lewma erkê alîkariya wan ketiye ser milê Hikûmeta Herêma Kurdistanê, herwiha Hikûmeta Iraqê dibêje emê koçberan vegerînin ser mal û warên wan lê heya niha ew venegerandine, lewma divê çareseriyek ji vê pirsê re were dîtin.

 
Sibe PDK û YNK li Dukan dicivin

MONDAY, 10 AUGUST 2020 17:08:40

Hewlêr-KDP.info- Çavkaniyekê ji Polîtbûroya PDKê ragihand ku biryar e sibe herdû polîtbûroyên PDK û YNK li Dukan bicivin.

 


 
© 2020 Kurdistan Democratic Party, KDP

Contact