Hewlêr-KDP.info- ŞêwirmendêSerokê Herêma Kurdistanê Dilşad Şehab piştî civîna Nêçîrvan Barzanî Serokê Herêma Kurdistanê û Partiya Demokrata Kurdistanê, armanc û naveroka civînê aşkera kir.
Dilşad Şehab di konfiranseke rojanamevanî de ragihand, derbarê danûstandinên Herêm û Bexdayê gotûbêj hatin kirin.
Ragehand jî: “Behsa mijara destûrê Iraqê hate kirin, ku di Civata Nûnerên Iraqê de pêngav bo guhertina wê dihên havêjtin û bo vê mebestê jî hewla yekxistin û yekgirtina nûnerên Kurd didin li Iraqê.”
Şehab amaje bi wê yekê jî da, ku pêngavên Serokatiya Herêma Kurdistanê bo yekxistina Hêzên Pêşmerge bi hevkariya Wezareta Pêşmerge û saziyên hikumetê dest pê kirine û cihê dilxweşiyê ye ku hemû partiyên siyasî piştevanê Serokê Herêmê ne ji bo vê mebestê.
Aşkera kir jî , di civînê de behsa berdewamîya peywendîyên navbera Serokatiya Herêma Kurdistanî û aliyên siyasî hat kirin ji bo ku peywendî baştir û bihêztir bin di nav Herêma Kurdistanê de.