Kurdî  ■  كوردی  ■  عربي
WED, 12 AUG 2020 21:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Fermandarê Hêza Roj: ENKS hewl dide ji bo vegera me bo Navçeya Aram
| KDP.info


Rojavayê Kurdistanê-KDP.info- Fermandarê Hêza Roj a Pêşmergeyên Rojavayê Kurdistanê Mihemed Receb dibêje, ENKS hewl dide ji bo vegera wan bo Navçeya Aram lê hêj bexuya ye ku ewê vegerin yan na.

Mihemed Receb di daxuyaniyekê de ji malpera KDP.info re ragihand: “Hewlên dîplomatîk ên ENKS ji bo vegera Hêzên Pêşmerge bo Rojavayê Kurdistanê ligel welatên cîhanê berdewam in û ev yek bi xwe daxwaza xelkê Rojavayê Kurdistanê ye. Loma Armanca me ew e ku em canê xelkê xwe ji terorê biparêzin.”

Receb wiha got: “PYD hemû kesî qebûl dike û hemû hêzan qebûl dike, tenê nahêle Kurd vegerin û nexasim Pêşmergeyên Roj, ew dizanin ku em nakevin bin destê ti aliyekî û em piştevaniyê li gelê Kurd dikin. Ev yek daxwaz gelê Kurd e jî, ji ber ku bi vegera Pêşmerge dê ewlehiya wan jî parastî be.”

Wî fermandarê Hêza Roj wiha domand: “Em nizanin çima PYD ji xwe napirse ku evqas xelk çima ji bin destê wan baz dane. Em dibêjin heya Pêşmerge venegerin Navçeya Aram penaber jî venagerin.”




Nûçeyên din

Encûmena Wezîran bi tundî nîgeranî û nerazîbûna xwe li hember helwesta nerênî ya Bexda nîşan dide

WEDNESDAY, 12 AUGUST 2020 19:08:36

Hewlêr-KDP.info- Îro Çarşema 12ê Tebaxa 2020an, Encûmena Wezîran a Herêma Kurdistanê bi serperiştiya Mesrûr Barzanî Serokwezîrê Herêma Kurdistanê û beşdariya Qubad Talebanî, Cîgirê Serokwezîr, bi rêya vîdeo-konferansê civiya.

 
Du fermandarên hêza Zêrevanên Sînor şehîd bûn

TUESDAY, 11 AUGUST 2020 22:08:26

Sîdekan-KDP.info- Qaymeqamê Soran Kirmanc Îzet ragihand, îro Sêşema 11.8.2020 li sînorê nahyeya Sîdekanê balafirên şer ên Tirkiyê li otomobîleke fermandarên hêza Zêrevanên Sînor a Iraqê dan û di encamê de 2 fermandar şehîd bûn û 2 serbaz jî birîndar bûn.

PDK û YNK: Em piştevaniyê li Hikûmeta Kurdistanê dikin ku hikumraniyê li seranserê Kurdistanê bike

TUESDAY, 11 AUGUST 2020 22:08:29

Hewlêr-KDP.info- Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) civiyan û piştî civîna xwe daxuyaniyeke hevbeş ragihandin û gotin, “em piştevaniyê li Hikûmeta Kurdistanê dikin ku hikumraniyê li seranserê Herêma Kurdistanê bike.”

Rêxistinên navdewletî êdî alîkariya koçberan nakin û ew erk ketiye ser milê Hikûmeta Kurdistanê

MONDAY, 10 AUGUST 2020 17:08:59

Hewlêr-KDP.info- Rêveberê Kampan li Hewlêrê Rizgar Ubêd ragihand ku, 31 kamp li Hewlêr û Duhokê hene û rêxistinên navdewletî alîkariyên xwe ji bo wan kampan sekinandine, lewma erkê alîkariya wan ketiye ser milê Hikûmeta Herêma Kurdistanê, herwiha Hikûmeta Iraqê dibêje emê koçberan vegerînin ser mal û warên wan lê heya niha ew venegerandine, lewma divê çareseriyek ji vê pirsê re were dîtin.

 
Sibe PDK û YNK li Dukan dicivin

MONDAY, 10 AUGUST 2020 17:08:40

Hewlêr-KDP.info- Çavkaniyekê ji Polîtbûroya PDKê ragihand ku biryar e sibe herdû polîtbûroyên PDK û YNK li Dukan bicivin.

 


 
© 2020 Kurdistan Democratic Party, KDP

Contact