Kurdî  ■  كوردی  ■  عربي
SUN, 23 FEB 2020 00:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: PDK ji roja damezrandinê ve di çepera pêşî ya birgîriya li mafê gel de ye
| KDP.info


Hewlêr-KDP.info- Serok Mesûd Barzanî di peyamekê de bi helkefta 73yemîn salvegera damezrandina Partiya Demokrat a Kurdistanê (PDK) ragihand, PDK her ji roja damezrandinê ve heta îro li ser rêbaza Barzaniyê Nemir weke rêya rast û dirist a kurdîtiyê berdewam bûye û ji bo mafê gelê Kurdistanê, him di dirûşm de û him di pratîkê de hertim pêşeng bûye.

Serok Barzanî di destpêka peyama xwe de pîrozbahiyên xwe pêşkêş dike û dibêje: “Bi boneya 16ê Tebaxê, 73emîn salvegera damezrandina Partiya Demokrat a Kurdistanê germtirîn pîrozbahiya xwe arasteyî hemû kadro, endam û alîgirên PDK dikim. Herwiha pîrozbahiyê li malbatên serbilind ên şehîd, Pêşmergeyên qehreman û xelkê Kurdistanê dikim.”

Serok Barzanî dibêje: “Partiya Demokrat a Kurdistanê ji roja damezrandinê ve di sengera herî pêşî ya berevanîkirina li mafên rewa yên gelê me de ye û ji bo serfirazî û azadiya gelê me, tevî hêzên têkoşer û niştimanperwer ên din ên Kurdistanê, gelek qurbanî daye.”

Di beşeke din a peyama xwe de amaje bi siyaset û stratejiya PDKê dike û dide xuyakirin: “Partiya Demokrat a Kurdistanê bi siyaseteke rast û dirist û bi aşkere xebat kiriye û armanca xwe ya stratejî destnîşan kiriye û heta îro jî bi peyrewkirin rêbaza Barzanî wek riya rast a kurdîtiyê di dirûşm û pratîkê de jî pêşeng e.”

Serok Mesûd Barzanî destnîşan dike: “Di vê boneyê de bi pêwîstî dizanim ku careke din spasiya xweragirî û kolnedana cemawerê PDKê û hemû xelkê Kurdistanê bikim. Piştevanî û xweragiriya we, sermayeya bêdawî ya PDKê ye û hêza zêdetir dide me û hewl û têkoşîna me ji bo dabînkirina dahatûyeke geştir ji gelê me re bihêztir dike.”




Nûçeyên din

Partiyên Kurdistanî li Bexdayê: Me bi yekîtiya xwe nameyeke bihêz da hindur û dervey Iraqê

THURSDAY, 20 FEBRUARY 2020 19:02:54

Bexda-KDP.info- Frakisyonên Kurdistanê di Parlemantoya Iraqê de dibêjin, di vê qonaxa niha de em rijd in li ser parastina yekrêzî û yekdengiya xwe ji bo berjewendiyên bilind ên Kurdistanê û ev yekhelwêstiya partiyên Kurdistanî nameyeke bihêz daye hindur û dervey Iraqê.

 
Wezîrê Îtalya: Girîng e em berdewam bin li ser rahênana Pêşmerge

WEDNESDAY, 19 FEBRUARY 2020 18:02:43

Hewlêr-KDP.info- Di çarçova serdana xwe bo Îtalyayê, Serokwezîrê Herêma Kurdistanê Mesrûr Barzanî bi Wezîrê Berevaniyê yê Îtalyayê Lorenzo Guerini re civiya.

 
Kurdistan û Îtaliya pêwendiyên xwe bihêztir dikin

WEDNESDAY, 19 FEBRUARY 2020 18:02:07

Hewlêr-KDP.info- Serokwezîrê Herêma Kurdistanê Mesrûr Barzanî bi Wezîrê Derve yê Îtaliya Luigi Di Mario re hevdîtin kir.

 
Serok Barzanî û Osman Baydemîr behsa rewşa gelê Kurd kirin

WEDNESDAY, 19 FEBRUARY 2020 15:02:39

Hewlêr-KDP.info- Serok Mesûd Barzanî û siyasetmedarê Bakurê Kurdistanê Osman Baydemîr hevdîtinek pek anîn û di wê hevdîtinê de herdu aliya dawî pêşhateyên siyasî yên herêmê gotûbêj kirin.

 
Papayê Vatîkanê pesnê Hikûmeta Kurdistanê da..Mesrûr Barzanî daxwaz jê kir serdana Kurdistanê bike

WEDNESDAY, 19 FEBRUARY 2020 15:02:44

Vatîkan-KDP.info- Serokwezîrê Herêma Kurdistanê Mesrûr Barzanî bi Papayê Vatîkanê Papa Francis re civiya û di wê hevdîtinê de Papa pesnê Herêma Kurdistanê û Hikûmeta Kurdistanê da.

 


 
© 2020 Kurdistan Democratic Party, KDP