Kurdî  ■  كوردی  ■  عربي
WED, 21 FEB 2024 14:19 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Kurdistan dikare sûdê ji ezmûna dewlemend a Japonyayê bigre
| KDP.info


Hewlêr-KDP.info- Îro Sêşema 28.11.2023yê bi amadebûna Serokê Hikûmeta Herêma Kurdistanê Mesrûr Barzanî ve merasîmekî taybet ji bo proje û çalakiyên ajansa JICA ya Japonî li Hewlêrê birêve çû û di wê merasîmê de Serokê Hikûmeta Herêma Kurdistanê gotarek pêşkeş kir.

Serokê Hikûmeta Herêma Kurdistanê Mesrûr Barzanî ragihand: “Ez gelek keyfxweş im ji ber li gel we beşdar im û pir keyfxweş im ku balyozê Japonya li gel me beşdar e, herwaha berpirsê JICA li Iraq û nûnerên din ê JICA li vê derê li gel me amade ne û pir keyfxweşim ku we ev derfete ji bo min ava kir û ez jî beşdarî vê merasîmê bûm.”

Herwaha got: “Ez gelek keyfxweşim ku beşdarim li gel we ji bo vê merasîma giring a gotûbêj kirina derbarê çalakî û kar û projeyên ajansa JICA ya Japonî û hewkarî û hemahengiyên wê li gel Hikûmeta Herêma Kurdistanê, ku di salên borî de gelek projeyên giring û cuda cuda de hewkariya hikûmeta Herêma Kurdistanê kirine.”

Mesrûr Barzanî got: “Eşkere ye dewleta Japonya ezmûneke gelek dewlemend heye ku li cîhanê cîhê rêz û pêzanîn û ecêbmanê ye û ezmûneke ku em jî dikarin li Kurdistanê sûd jê wergirin. Xelkê Japonya di sedsala borî de ji qonaxên gelek zehmet û giran re derbas bûn û wek xelkê Kurdistanê şer û kawilkarî û malwêranî pir dîtin. Lê li gel wan hemû nexwaşiyan û karesatan jî Japonan karî bibin nimûneyekî serkeftî ya piştî şerê cîhanê. Piştî ew hemû kawilkarî li serê wan hat, dest bi proseyekî berfireh û hemûalî ya avadaniyê û bi bingeh kirina welatê xwe kirin. Ev jî tenê bi hêz û sermayeya mirov karîn pêkbînin.

Mesrûr Barzanî got: “Îro Japonya yek ji welatên cîhanê yê herî mezin û pêşketî di warê pîşesazî û teknolojiyê de ye. Ji bo wê jî em dikarin bibêjin ezmûna serkeftî ya Japonya ji bo me li Herêma Kurdistanê cîhê sûd wergirtinê yê pir giring e. Bi taybet di warê veberhênana dewlemendiya mirov û pêgehandina nifşê nû li ser dahênan û karkirina bi dilsozî û rêzgirtin li dem û heskirina welat û parastina nasname û taybetmendiya xwe.’’

Herwaha got: “Rêz û pêzanînên me gelek ji bo xelk û hikûmeta Japonya û bi taybet ji ajansa JICA heye ku di çend salên borî de gelek waran de hewkariya Herêma Kurdistanê kirine, bi taybet di piştevanî kirina gelek projeyên xizmetguzariya di warên av û kanala ava pîs û elektrîk û çandinî û herwaha pêşxistina şiyana mirovî û rahênan kirina berpirs û karmendên Hikûmeta Herêma Kurdistanê de.’’

Mesrûr Barzanî got; “Hêvîdar im ew birêzên dewreya rahênan û perwerdê dîtine li Japonya yan li Herêma Kurdistanê û ji aliyê pisporên Japonya ve hatine perwerde kirin, sûd ji ezmûnên dewlemend ên Japonya dîtine û bi şarazayî û pisporî bidest xistine, di warên xwe de nav saziyên hikûmeta Herêma Kurdistanê de jî bikarbînin û rola xwe li proseya geşepêdan û pêşxistina jêrxana aborî û birêvebirina Herêma Kurdistanê de rol bibînin.”

Mesrûr Barzanî ragehand: “Ez dubare pêzanîn û spasiyê ji bo hewkariyên ajansa JICA dikim, hêvîdar im hewkariyên wan ji bo Herêma Kurdistanê ji ya heye berfirehtir bikin, em dixwazin hewkarî û hemahengiya li gel Hikûmet Herêma Kurdistanê heye, zêdetir bê pêşxistin, veberhênan û hatina şîrket û kompanyayên Japonya bo Herêma Kurdistanê berfirehtir be, ji bo ku hewkar û alîkarê me bin di proseya çaksaziya hemûaliyan de, ku me destpê kiriye û sûd ji ezmûnên serkeftî û dewlemendî ya Japonya ya di warên avadanî û geşepêdan û dahênanê de bibînin.”

Serokê Hikûmeta Herêma Kurdistanê di dawiyê de jî got: “Biburin ez Japonî nizanim ku her bi zimanê we spasiya we bikim. Lê careke din ez destxweşî li we dikim û spasiya we dikim û her şad û serkeftî bin.’’




Nûçeyên din

Serok Barzanî pîrozbahiyê li Yekîtiya Xwendekaran û Yekîtiya Lawên Demokrat dike

SUNDAY, 18 FEBRUARY 2024 13:02:16

Hewlêr-KDP.info- Serok Barzanî 71 saliya damezrandina Yekîtiya Xwendekarên Demokrat ên Kurdistanê û Yekîtiya Lawên Demokrat ên Kurdistanê pîroz kir û got: “Pêwîste her du rêxistin di vê qonaxê de di asta hêviyên civakê û doza rewa ya gelê xwe de bin.”

 
Mesrûr Barzanî pîrozbahiyê li Yekîtiya Xwendekar û Lawên Demokrat ên Kurdistanê kir

SUNDAY, 18 FEBRUARY 2024 13:02:17

Hewlêr-KDP.info- Cîgirê Serokê Partiya Demokrat a Kurdistanê (PDK) Mesrûr Barzanî bi boneya salvegera damezrandina Yekîtiya Xwendekaran û Yekîtiya Lawên Demokrat ên Kurdistanê, pîrozbahî li Sekreter, Buroya Sekreteriyetê û hemû endamên her du yekîtiyan kir.

 
Nêçîrvan Barzanî û Wezîrê Derve yê Tirkiyê pêwendiyên du alî gotûbêj kirin

FRIDAY, 16 FEBRUARY 2024 21:02:43

Muchen-KDP.info- Evariya roja înê 16.02.2024ê li Almanyayê di Konferansa Asayîşê ya Munchenê da, birêz Nêçîrvan Barzanî Serokê Herêma Kurdistanê, di civînekê da digel birêz Hakan Fîdan Wezîrê Derve yê Tirkiyê derfet û warên xurtkirina têkiliyên Tirkiyê bi Iraq û Herêma Kurdistanê ra gotûbêj kirin di derbarê pêşhatên dawî yên herêmî bi giştî da danûstandinên bîr û ramanan kirin.

 
Nêçîrvan Barzanî û şanda Senatoya Amerîkayê rewşa dawî ya Iraqê gotûbêj kirin

FRIDAY, 16 FEBRUARY 2024 21:02:01

Munchen-KDP.info- Nêçîrvan Barzanî Serokê Herêma Kurdistanê, îro Îna 16.02.2024ê li Almanyayê di çarçoveya Konferansa Asayîşê ya Munchenê da digel şandeke Senatoya Amerîkayê ya bi Serokatiya Senator Dan Sullivan, peywendiyên Iraq û Herêma Kurdistanê bi Amerikayê ra û pirsa parastina aramî û ewlehiya navçeyê gotûbêj kirin.

 
Nêçîrvan Barzanî û Wezîrê Berevaniyê yê Brîtanya civiyan

FRIDAY, 16 FEBRUARY 2024 21:02:45

Munchen-KDP.info- Nêçîrvan Barzanî Serokê Herêma Kurdistanê, îro Îna 16.02.2024ê li Almanyayê di çarçoveya Konferansa Asayîşê ya Munchenê da ligel Grant Schaps Wezîrê Bervaniyê yê Brîtanyayê civiya.

 


 
© 2023 Kurdistan Democratic Party, KDP

Contact