Kurdî  ■  كوردی  ■  عربي
FRI, 1 JUL 2022 16:05 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Elî Ewnî: Heya pirsgirêka Kurd çareser nebe Iraq aram nabe
| KDP.info


Hewlêr-KDP.info– Endamekî Encûmena Serkirdayetiya Partiya Demokrata Kurdistanê (PDK) ragihand, ku Iraq ti gav ji bo çareserkirina pirsgirêkên destûrî yên Herêma Kurdistanê neavêtiye û heya pirsgirêka Kurd çareser nebe Iraq aram nabe.

Endamê Encumena Serkirdatiya Partiya Demokrata Kurdistanê (PDK) Elî Aûnî derbarê xetimandina proseya siyasî ya Iraqê ragihand: “Iraqê ti gav ji bo çareserkirina kêşeyên destûrî yên taybet bi Herêma Kurdistanê neavêtiye û heya pirsgirêka Kurd çareser nebe Iraq aram nabe. Piştî hilbijartinên Iraqê heya niha aliyên Iraqî negihiştine ti encamekê, sedema aloziyan jî ew e ku partiyên siyasî bi xwe ne xwedî îrade ne, lê di destê dewletên navçeyê de ne ku destêwerdana Iraqê dikin.”

Elî Ewnî wiha got: “Gelek aliyên siyasî bi taybetî jî yên di Çarçoveya Hevahengiyê de ne, Dadgeha Federalî ya Iraqê xistine bin kontrola xwe û pê dilîzin. Îro ew dadgeh bûye dadgeheke siyasî û em dikarin jê re bibêjin (Dadgeha Siyasî ya Federal), ku her roj ji Kurdan re astengiyan çêdikin.”

Her wiha got: “Partiya Demokrata Kurdistanê (PDK) piştî çend demjimêran ji hilbijartinan serdana hemû aliyên siyasî yên Kurdistanî û Iraqî kir, ji bo ku aramiyê li Iraqê pêk bînin, lê mixabin helwesta gelek aliyan ne wek pêwîst bû, heya di nav mala kurdan de jî wisa bû.”

Ewnî wiha domand: “Pirsgirêka Kurd ji bo şer e, ji bo bidestxistina madeyên destûrî, madeya 140 û hemû madeyên destûrî yên ku mafên Kurdan garantî dikin, lê hinek alî di nava çend saetan de bajarekî weke Kerkûkê radestî dijminên Kurdistanê kirin.”

Elî Ewnî wiha got: "Hikûmeta Iraqê ti gav bo çareserkirina pirsgirêkên destûrî neavêtiye, bi taybetî pirsên destûrî yên girêdayî Herêma Kurdistanê, ku Iraq ne aram bûye, ji ber ku heta pirsgirêka kurd çareser nebe Iraq aram nabe.”

Derbarê (PDK) û helwesta wê ya li ser rewşa siyasî ya Iraqê jî got: “PDK herdem ji bo çareserkirina pirsgirêkan û diyalogê vekirî ye.”

 




Nûçeyên din

Mesrûr Barzanî bo Wezareta Navxwe: Cihên firotina çekan bigirin û çekên bêmolet ji xelkê bistînin

THURSDAY, 30 JUNE 2022 16:06:16

Hewlêr-KDP.info- Serokwezîrê Herêma Kurdistanê Mesrûr Barzanî îro 30î Hezîrana 2022an, daxwaz ji Wezareta Navxwe ya Herêma Kurdistanê kir, her çi cihên firotina çekan hebin bigirin û her çi çekek bêmolet e dest bi ser de bigirin, ji bo careke din nebin gef li ser jiyana xelkê.

 
Mesrûr Barzanî pêşwazî li balyozê Brîtanya li Iraqê kir

THURSDAY, 30 JUNE 2022 16:06:31

Hewlêr-KDP.info- Serokwezîrê Herêma Kurdistanê Mesrûr Barzanî îro 30.6.2022an, pêşwazî li Balyozê Brîtanya li Iraqê Mark Bryson-Richardson kir.

 
Serokê Herêma Kurdistanê pêşwazî li balyozê Brîtanya li Iraqê kir

THURSDAY, 30 JUNE 2022 16:06:58

Hewlêr-KDP.info- Serokê Herêma Kurdistanê Nêçîrvan Barzanî îro Pêncşema 30.6.2022an, pêşwazî li Balyozê Brîtanya li Iraqê Mark Bryson-Richardson kir.

 
Mesrûr Barzanî pêşwazî li Konsulê Giştî yê Amerîkayê kir

WEDNESDAY, 29 JUNE 2022 17:06:35

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 29.6.2022 pêşwazî li Konsulê Giştî yê Amerîka yê li Hewlêrê Robert Palladino kir, ku ji ber bidawîbûna erkê xwe, serdan kiribû.

 
Mesrûr Barzanî: Hikûmeta Federal erkên ser milê xwe cibicî nekiriye

WEDNESDAY, 29 JUNE 2022 15:06:15

Hewlêr-KDP.info- Serokwezîrê Herêma Kurdistanê Mesrûr Barzanî ragihand, ew bi Hikûmeta Federal re kar li ser dagirtina wê valahiya ewlehiyê ya heye dikin û kar temam bûne, lê belê heta niha Wezareta Darayî ya Federalî fînansa wê projeyê terxan nekiriye.

 


 
© 2021 Kurdistan Democratic Party, KDP

Contact