Kurdî  ■  كوردی  ■  عربي
MON, 25 SEP 2023 17:19 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serok Barzanî: Biryara Dadgeha Iraqê siyasî ye..Dengê gel jêdera rewatî, destûr û yasayê ye
| KDP.info


 

Hewlêr-KDP.info- Serok Barzanî li ser biryara Dadgeha Federal a Iraqê ya derbarê referanduma serxwebûna Herêma Kurdistanê de daxuyaniyek ji raya giştî re belav kir û tê de ragihand ku ew biryar siyasî ye û dengê gel bi xwe jêdera rewatî, destûr û yasayê ye.

Deqa daxuyaniya Serok Barzanî wiha ye:
“Di her dewleteke federalî de asayî ye dadgeha federalî hebe ji bo çareserkirina wan pirsgirêkên di navbera herêman û navendê de, lê komelek pirsên destûrî û yasayî yên cidî hene derbarê Dadgeha Federalî ya Iraqê de û biryar û helwesta û bêdengbûnên di dema bûrî de.

Derbarê biryara Dadgeha Federalî ya Iraqê ya nedestûrîbûna referandûma Herêma Kurdistanê, pêwîst e xelkê Herêma Kurdistanê û welatiyên Iraqê û hemû aliyek bizanin, Dadgeha Federalî ya Iraqê berî pesendkirina destûra Iraqê hatiye dirustkirin û divê ji piştî pesendkirina destûra Iraqê di sala 2005an de ew dadgeha niha bihata hilweşandin û dadgeheke li gor peyrewên destûrî ku di madeya (92) ya destûrê de hatiye, bihata damezrandin û yasayek jê der derketiba, heta niha yasay ji bo derneketiye, lê di sala 2005an de û heta niha ew dadgeh bê ku binemaya destûrî û yasayî jê re hebe di karên xwe de berdewam e. Her wê yekê jî kiriye ku bikeve jêr hejmûna rewşa siyasî û bûyeran û ji rêyên destûrî derkeve û bi dirêjahiya karkirinê dadgeheke siyasî bûye û biryareke wiha nede ku bêalî pê diyar be.

Ev dadgeh di dema karkirina xwe de li hember hemû binpêkirinên destûrî yên hikûmeta Iraqê kirine, bêdengî hilbijartiye. Di biryara nedestûrîbûna referandûmê de jî bi heza siyasetmedaran tev geriye û ti xwendinek ji bo wê deqê nebûye ku di dîbaceya destûra Iraqê de hatiye, ku “Pabendbûn bi vê destûrê, yekgirtina Iraqê ya gel, xak û serweriya wê gerentî dike.” Ew di rewşekê de ye, ku zêdetir ji 55 madeyên destûrî hatine binpêkirin û hikûmeta Iraqê pabendî destûrê nebûye.

Ji bo çi ew dadgeh di pêkneanîna Encûmena Federalî de bêdeng bûye, diviyabû li gor madeya 65 ya destûrê hatiba damezrandin û heger ew encûmenê hebûye, desthilata wê ya yasayî temam dibû û rê li ber takrewiyê û binpêkirina mafên herêmê digirt. Jixwe hemû aliyek dizane, cibicînekirina wê madeyê, jêdera piraniya pirsgirêkan û nemana baweriyê di navebera herêm û Bexdayê bû.

Dadgeha Federalî di dema karkirinê de derbarê wan bûyerên li dijî xelkê Kurdistanê hatine kirin bêdeng bû, divê ew dadgeh wê jî zelal bike ku li gor kîjan madeya destûrê ji Sibata 2014an ve û heta niha kesekî bi yek îmzeyê beşa budceyê gelê Kurdistanê birî? Li gor madeya 121 bergeya 3, ji mafê gelê Kurdistanê ye budceya wê ya gincaw û dadperwerane hebe.

Ew dadgeh ji bo çi rê li wê negirt, ku hêza çekdar li dijî xelkê Kurdistanê û ji bo yekalîkirina pirsgirêkn siyasî ji aliyê hikûmeta Iraqê bikar bê, ku xwe bixwe binpêkirina aşkere ji madeya 9 ya destûrê ye, ku nabe hêza çekdar ji bo serkotkirina gelê Iraqê bikar bê û dest di karûbarên siyasî de werbide. Ji bo çi Dadgeha Federalî ti biryarek û helwestek wê nebû li hember komkujî, azarkirin, tirsandin û koçkirina xelkê ji Kerkûk û Xurmatûyê û cihên din?

Biryara Dadgeha Federal, biryareke tekalî û siyasî ye û deqên destûrê ji berjewendiyên hin aliyên siyasî re şîreve kiriye û binpêkirina 55 madeyên destûrê ji aliyê hikûmeta Iraqê li ber çav negirtiye ku her ew binpêkirin bûn han da gelê Kurdistanê bi piştbestin bi destûrê mafê xwe yê asayî û yasayî bi awayekî aştiyane û demokratîk bikar bîne. Ji bilî wê jî pêwîst e her aliyek bizane ti binemayeke yasayî û destûrî nîne ku bikaribe dengê sê milyon mirov bi nedestûrî bizane, ji ber ku dengê gel bixwe jêdera rewatî, destûr û yasayê ye.

Mesûd Barzanî

20-11-2017”




Nûçeyên din

Mahma Xelîl: Me pêşniyar kiriye ku Şengal bibe parêzgeh

SUNDAY, 24 SEPTEMBER 2023 22:09:44

Hewlêr-KDP.info- Bi hewl û xebata parlameterên Partiya Demokrata Kurdistanê (PDK) çend projeyê xizmetkirinê ji bo devera Şingalê bidest hatine û Parlamenterê PDKê Mehma Xelîl jî dibêje, me pêşniyar kiriye ku Şingal bibe parêzgeh û were girêdan bi Herêma Kurdistanê ve.

 
Serok Barzanî: Mamostayên ola Îslamê roleke mezin hebûn di bihêzkirina welatperweriyê de

THURSDAY, 21 SEPTEMBER 2023 18:09:56

Hewlêr-KDP.info- Bi helkefta derbasbûna pêncih û sê sal li ser damezrandina Yekîtiya Zanayên Ola Îslamiya Kurdistanê, peyameke pîrozbahiyê arastetî ofîsa cîbicîkar û Encûmena Navendî ya Yekîtiya Zanayan û hemû mamosteyên ola pîroz a Îslamê yên li Kurdistanê dike.

 
Nêçîrvan Barzanî pêşwazî li Fermandarê Giştî yê Hêzên Hevpeymanan kir

THURSDAY, 21 SEPTEMBER 2023 18:09:46

Hewlêr-KDP.info- Serokê Herêma Kurdistanê Nêçîrvan Barzanî ligel Fermandarê Giştî yê Hêzên Hevpeymanan li Iraq û Sûriyê civiya û beha rûbirûbûna teror û metirsiyên DAIŞê û proseya çaksaziyê ya li Wezareta Pêşmerge kir.

 
Mesrûr Barzanî bo Wezareta Darayî: Dema pere ji Bexdayê bigihên, dest bi dabeşkirina mûçeyan bikin

WEDNESDAY, 20 SEPTEMBER 2023 18:09:25

Hewlêr-KDP.info- Serokwezîr Mesrûr Barzanî, Wezareta Darayî û Aborî raspart ku ligel gihiştina 700 milyar dînar ji aliyê hikûmeta federal ve, rasterast bêyî paşketin dest bi dabeşkirina mûçeyên meha Tîrmehê were kirin. Herwiha daxwaz dike ku rêz li serweriya asayîş û seqamgîriya Herêma Kurdistanê û Iraqê were girtin.

 
Serokê Partiya Sosyalîst Bayram Bozyel: Serok Barzanî daxwaza yektiya Kurdên Bakur kir

MONDAY, 18 SEPTEMBER 2023 21:09:16

Hewlêr-KDP.info- Serokê Partiya Sosyalîst a Kurdistanê (PSK) Bayram Bozyel dibêje, dema em ligel Serok Mesûd Barzanî civiyan, Serok Barzanî got ku ew piştevaniya yekîtiya gelê Kurd li Bakurê Kurdistanê dike.

 


 
© 2023 Kurdistan Democratic Party, KDP

Contact