Hewlêr-KDP.info: îro 17ê Nîsanê , Mesrûr Barzanî Serokwezîrê Herêma Kurdistanê pêşwazî li Balyoza Almanyayê li Iraqê Christiane Homann kir.
Di daxuyaniya Hikûmeta Herêma Kurdistanê de hat, “Di hevdîtinê de li ser hewldanên ji bo avakirina kabîneya dehemîn a Hikûmeta Herêma Kurdistanê gotûbêj hat kirin û her du alî li hev kirin ku divê kabîneyek bihêz û yekgirtî berî hilbijartinên parlemanî di zûtirîn dem de were avakirin.”
Her du aliyan tekezî li ser girîngiya nehîştina hemû pirsgirêk, astengî û hincetên li pêş destpêkirina hinardekirina petrola Herêma Kurdistanê kirin.
Balyoza Almanyayê piştgiriya welatê xwe ji bo hêzên Pêşmerge û Herêma Kurdistanê û xwesteka xwe ya ji bo pêşxistina têkiliyên dualî dubare kir.
Di beşeke din a hevdîtinê de, li ser rewşa giştî ya Iraqê û guhertin û pêşketinên dawî yên li navçeyê, bîr û nerîn bi hev hatin guhertin