Hewlêr-KDP.info: Îro înî, 4'ê Nîsana 2025'an, Mesrûr Barzanî, Serokê Hikûmeta Herêma Kurdistanê, peyamek belav kir û tê de hatiye ku em salvegera sûcekî hovane yê li dijî beşeke girîng a gelê me hatî kirin bibîr tînin.

Deqê peyama Serokê Hikûmeta Herêma Kurdistanê:

Em salvegera sûcekî hovane yê li dijî beşeke girîng a gelê xwe bibîr tînin, ku êrîşên jenosîda Kurdên Feylî ne û rejîmên pey hev ên Iraqê, di çendîn qonaxan de pêk anîn û di sala 1980'î de gihîşt lutkaya hovîtiyê, dema ku rejîma berê ya Iraqê, di paktaweke nijadî de û ji ber Kurdbûna wan, bi sedan hezar Kurdên Feylî ji Iraqê derxistin û hezaran jî bêserûşûn kirin û dest danîn ser milk û mal û samana wan û nasnameya wan jê standin.

Di 45'emîn salvegera jenosîda Kurdên Feylî de, em dubare dikin ku divê Hikûmeta Iraqê, erk û berpirsiyariyên xwe yên yasayî û destûrî bicih bîne û malbat û kesûkarên qurbaniyên jenosîda Kurdên Feylî û jenosîd û komkujiyên din, bi awayekî şayeste, qerebû bike û milk û malên dagirkirî li wan vegerîne.

Silav li giyanê paqij ê şehîdên Kurdên Feylî û hemû şehîdên Kurdistanê.

Mesrûr Barzanî
Serokê Hikûmeta Herêma Kurdistanê
4/4/2025