Hewlêr-KDP.info- Polîtburoya PDKê bi daxuyaniyekî ji ber dengdan û pejirandina ‘’Yasaya hilweşandina biryarên rejîma berê ya Beis’’ destxweşî li fraksiyoan PDKê li Bexdayê û fraksiyonên Kurdistanî yên din kir.
Îro Çarşema 22.01.2025ê polîtburoya PDKê daxuyaniyek belav kir û balkêşa ser wê yekê ku; Dengdan û pejirandina ‘’Yasaya hilweşandina biryarên Beis’’ ji aliyê Parlamentoya Iraq a Federal ve û vegerandina erd û zeviyên hatibûn zewtkirin ji bo xwediyên wan ên resen pêngavekî gelek giring û pêwîst bû.
Di beşekî din a daxuyaniyê de hatiye: “Ji bo vê boneyê destxweşiyê li nûnerên partiya me yên li Parlamentoya Iraqê û herwaha fraksiyonên Kurdistanî dikin, ku rolekî Kurdistaniyane û niştimanî dîtin. Herwaha destxweşî û pêzanînên xwe ji hêz û wan aliyan dikin ku rola wan hebû di derbaskirina wê projeyasayê û bi armanca wegerandina maf ji bo xwedî mafan û çareserkirina xedrekî bi dehan salan a li hember kurd û tirkmenên bajarê Kerkûkê hatibû kirin.”
Polîtburoya PDKê hêvî xwest ku ew pêngav palderekî zêdetirbin ji kûrkirina ruhê hevqebûlkirin û pêkvejiyana aştiyane û bihêzkirina bingehên Iraqa nû û bendewariya me heye ku hikûmeta federal û saziyên peywendîdar rêkarên cîhbicîhkirina vê yasayê sarnebin û rola xwe bibînin.