Kurdî  ■  كوردی  ■  عربي
MON, 10 FEB 2025 02:38 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Peyama gel gihîşt
| KDP.info


Zikrî Mûsa

Girîngiya hilbijartinên 20ê Cotmeha 2024an ji bo PDKê eger ji giringiya hilbijartinên 1992an ên Herêma Kurdistanê ne zêdetir be, ne kêmtir bû. PDK di vê hilbijartinê de ji hemû partiyan deng û baweriya gelê Kurdistanê bi dest xist. Ev jî tevî hebûna bi dehan pilanên curbicur ên ewlekarî û aborî yên navxweyî, Iraqî û derve ji bo lawazkirin û jinavbirina pêgeha PDKê û şerê medyayî û derûnî yê berfireh li dijî PDKê û herwiha guhertina sîstema hilbijartinan û hewla jinavbirina kursiyên pêkhateyan. Hilbijartina vê carê ji aliyê Komîsyona Hilbijartinan a Iraqê ve hat kirin û dawiya wan hemû îdiayan hat ku digotin PDK bi rêya komîsyonê dikare destê xwe bixe encamên hilbijartinê û proseya dengdanê bike.

Bêguman eger di vê hilbijartinê de sîstema yek bazneyî bihata kirin, dê hejmara kursiyên PDKê ji ya niha gelek zêdetir bûya. Lê belê em ji bîr nekin ku dengên zêde yên PDKê di sîstema çar bazneyan de belgeyeke bihêz e û nayê înkarkirin li ser pêgeha mezin a PDKê di nava xelkê Kurdistanê de û baweriya gelê Kurd bi kiryar û dirûşmên PDKê dubare dike. Ji ber vê yekê gel bawerî da PDKê ji ber ku yekane partî bû ku ji bo pêşeroja welat xwedî bernameyeke zelal bû.

Hilbijartinên şeşemîn xula Parlamentoya Kurdistanê di 20ê Cotmehê de ji bo partiyan derseke girîng û dîrokî bû, ku endam û kadirên PDKê di hemû astan de kedeke mezin kirin. Ew jî ji bo serxistina partiya wan di vê rewşa aloz ya siyasî de û di nava van hemû astengiyan de bi ser ketin.

Hilbijartinên 20ê Cotmehê ku ji aliyê civaka navneteweyî û Neteweyên Yekbûyî ve hate pêşwazîkirin, hem ji aliyê beşdarbûnê, hem ji aliyê teknîkî, hem ji aliyê amadekarî û hem jî ji aliyê ewlehiyê ve mînak bû. Hemû partiyan gelek wext hebûn û amadekariyên rêxistinî û medyayî yên baş kiribûn ku alîgirên xwe ji bo beşdarbûnê teşwîq bikin. Prose tevî aloziyên devkî di rewşeke aram û aştiyane de birêve çû, ku ev jî destkefteke mezin e ji bo Herêma Kurdistanê ku di rewşa aloz û ne aram a navçe û cîhanê de karibe proseyeke demokratîk û aştiyane birêve bibe.

Girîngiyeke din a vê hilbijartinê jî nûkirina rewatiya Herêma Kurdistanê ye, ku gelek aliyên navxweyî û derve hewl didan vê rewatiyê ji holê rakin. Êdî ti kes nikare hêviya vê yekê bike û metirsiyekê li ser hebûna Herêma Kurdistanê çêbike. Ji raya giştî ya navneteweyî re piştrast bû ku gelê Kurd sax e, hişyar e û amade ye û bi başî dikare riya xwe bibîne. Divê em hemû girîngiya vê destkeftiyê fêhm bikin û rêz li biryar û vîna gelê Kurd bigirin. Bila tu kes dilê xwe bi nefret, û bi gotinên bêmentiq û facebookê xweş neke, biryar û peyama gelê Kurd pir zelal e û ew peyamm gihîşt hemû cîhanê jî.




Nûçeyên din

Mesrûr Barzanî pêkanîna hikûmeta nû ya Libnanê pîroz dike

SUNDAY, 09 FEBRUARY 2025 10:02:44

Hewlêr-KDP.info: îro 9ê Sibatê, Mesrûr Barzanî Serokê Hikûmeta Herêma Kurdistanê li hejmara xwe ya tora civakî “X” belav kir “Ji bo pêkanîna hikûmeta nû ya bi serokatiya Serokwezîr Newaf Selam pîrozbahiyê li Libnanê dikim.”

 
Mesrûr Barzanî û Xemîs Xancar: Divê destûr bibe bingeha çareserkirina pirsgirêkan

SATURDAY, 08 FEBRUARY 2025 16:02:41

Hewlêr-KDP.info: îro 8ê Sibatê Mesrûr Barzanî Serokwezîrê Herêma Kurdistanê pêşwazî li  Xemîs Xancar Serokê Hevbendiya Siyada kir.

Mesrûr Barzanî ji bo Moskoyê hat vexwandin

THURSDAY, 06 FEBRUARY 2025 19:02:16

Hewlêr-KDP.info  : Mesrûr Barzanî  Serokê Hikûmeta Herêma Kurdistanê îro (pêncşem, 06.02.2025) pêşwaziya şandeke Rûsyayî bi serokatiya Nûnerê Taybet ê Serokê Rûsyayê ji bo Karûbarên Rojhilata Navîn û Afrîkayê û Cîgirê Wezîrê Derve yê Rûsyayê Mikhail Bogdanov kir.

Serok Barzanî pîrozbahiyê li Yekgirtûya Îslamî ya Kurdistanê dike

THURSDAY, 06 FEBRUARY 2025 14:02:25


Hewlêr-KDP.info: Îro 6.02.2025 Serok Mesûd Barzanî 31 saliya damezrandina Yekgirtûya Îslamî ya Kurdistanê pîroz kir û ragihand, “Bi helkefta sîh û yekemîn salvegera ragihandina Yekgirtiya Îslamiya Kurdistanê pîrozbahiyê li birayê birêz Mamosta Selaheddîn Behaedîn Emîndarê Giştî yê Yekgirtiya Îslamiya Kurdistanê û serkirdayetî û endam û alîgirên Yekgirtiya Îslamî dikim û hêviya serkeftin û berdewamiyê ji bo wan dixwazim ”

Mesrûr Barzanî pêşwaziya Nûnerê Taybet ê Sekreterê giştî yê Neteweyên Yekbûyî kir

TUESDAY, 04 FEBRUARY 2025 20:02:27

Hewlêr-KDP.info: Îro 4.02.2025, Mesrûr Barzanî Serokê Hikûmeta Herêma Kurdistanê, pêşwaziya Mihemed Elhessan Nûnerê Taybetê Sekreterê giştî yê Neteweyên Yekbûyî(UNAMI),li Iraqê kir.



 
© 2023 Kurdistan Democratic Party, KDP

Contact