Hewlêr-KDP.info- Berpirsê Desteya Kargêrî ya Polîtbîroya PDKê Fazil Mîranî li baregeha Polîtbîroya PDKê ya li Pîrmamê pêşwazî li şandeke HUDA-PARê bi serokatiya Serokê Giştî yê HUDA-PARê Zekeriya Yapicioglu kir.
îro Sêşema 3.9.2024 li baregeha Polîtbîroya PDKê, Fazil Mîranî pêşwazî li şandeke Partiya Doza Azad (HUDA-PAR) bi serokatiya Serokê Giştî yê HUDA-PARê Zekeriya Yapicioglu kir.
Di civînekê de ku, endamê Desteya Kargêrî Sîdad Barzanî û Dr. Kemal Kerkûkî û Newzad Hadî Endamên Polîtbîroya PDKê û endamê Komîteya Navendî ya Partiya Demokrata Kurdistanê (PDK) Ciwan Yûnis Rojbayanî amade bûn. Fazil Mîranî Berpirsê Desteya Kargêrî ya Polîtbîroya PDKê bi germî bixêrhatina şanda mêhvan kir û bi minasebeta lidarxistina heftemîn kongreya HUDA-PARê û serkeftina kongreyê pîrozbayî li wan kir.
Mîranî herwiha bi kurtî rewşa navçeyê û bertekan bi hestiyar bi nav kir û diyar kir ku navçe di nava aloziyeke xirab de ye û bandor li ser hemû navçeyê kiriye.
Di heman demê de Fazil Mîranî tekez kir, ku hêzên siyasî yên Herêma Kurdistanê xwe ji bo hilbijartinên Parlamentoya Kurdistanê amade dikin, bi taybetî Partiya Demokrata Kurdistanê ji bo lidarxistina van hilbijartinan amade ye û em hêvîdar in ku hilbijartinên paqij bên lidarxistin û hikûmeteke ku xizmeta gelê Kurdistanê bike, pêk were.
Mîranî balkişand li ser wê yekê ku peywendiyên di navbera Partiya Demokrata Kurdistanê (PDK) û HUDA-PARê de peywendiyên herî baş û serkeftî ne û ew peywendiyên han di xizmeta herdu aliyan de ne û erkê herdu aliyan e ku pêş dixin.
Ji aliyê xwe ve, Serokê Giştî yê HUDA-PARê Zekeriya Yapicioglu spasiya Polîtbîroya PDKê kir ku ji bo vê hevdîtinê û behsa xebatên HUDA-PARê bi kurtî kir. Herwiha tekez kir, ku HUDA-PAR niha 4 parlamenterên meclisa Tirkiyê hene û HUDA-PAR di têkoşîna xwe ya sivîl ji bo xizmetkirina gelên Tirkiyê berdewam dibe.
Serokê Giştî yê HUDA-PARê Zekeriya Yapicioglu kêfxweşiya xwe ya ji bo serdanê anî ziman û kêfxweşiya xwe anî ziman ku Partiya Demokrata Kurdistanê (PDK) roj bi roj ber bi pêş ve diçe û hebûna Serok Barzanî wek lêveger hêzeke mezin e ji bo hemû aliyan. Herwiha hêvî kir ku Kurdistan her geş bibe.