Kurdî  ■  كوردی  ■  عربي
FRI, 19 JUL 2024 12:49 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Hikûmeta Kurdistanê gelekî baş xizmeta koçber û penaberan kiriye
| KDP.info


Hewlêr-KDP.info- Bi amadebûna Serokwezîrê Herêma Kurdistanê, merasîma ragihandina rênmaya rêkxistina karûbarên penaxwazan li Herêma Kurdistanê hat lidarxistin.

Serokwezîr Mesrûr Barzanî di merasîmê de gotarek pêşkêş kir û tê de ragihand, “Hikûmeta Herêma Kurdistanê bêyî cudahiya olî, nijadî û neteweyî, mvandariya bi sedhezaran penaxwaz û penaberên ji welatên cîran û her weha kesên koçberên ji Iraqê kiriye. Bi taybetî di destpêka êrişên terorîstên DAIŞê de, bi hezaran kes koçberî Herêma Kurdistanê bûn. Ev di demekê de bû ku em wê qonaxê, rûbirûyî rewşeke dijwar û kirîza darayî bûbûn. Lê tevî vê rewşa dijwar jî, Hikûmeta Herêma Kurdistanê berpirsyariya sereke ya mêvandariya bi dehan kampên penaberan girt ser milê xwe û piraniya barê giran li ser milê Hikûmeta Herêma Kurdistanê maye.”

Herwiha got: “Îro jî Herêma Kurdistanê berdewam e di parastin û hewandina bi sedhezaran koçber û penaberan de, ku ji ber tirs û nebûna ewlekarî û aramiya navçeyên xwe reviyane Herêma Kurdistanê. Mixabin rewşa welat û herêmên wan hîna venegeriyaye rewşa asayî, ta ku ew vegerin.”

Serokwezîr Mesrûr Barzanî amaje bi wê wê kir, “Bêguman, ti kes hez nake ku di koçberiyê de bijî û Hikûmeta Herêma Kurdistanê hertim li gel wê yekê ye ku hemû penaber bi awayekî xwebexş vegerin, bi rêya asayîkirina rewşa navçeyên wan, da ku bi serbilindî vegerin malên xwe.”

Da zanîn jî, “Wezareta Navxwe ya Hikûmeta Herêma Kurdistanê bi hevkariya Komîseriya Bilind a Penaberan a Neteweyên Yekgirtî (UNHCR) mijûlî amadekirin û dariştina rênmayên îdarî bû, li ser rewşa penaxwazan li Herêma Kurdistanê.”

Diyar kir jî: “Ev rênma, beşek ji bernameyên îdarî û yasayî yên Hikûmeta Herêma Kurdistanê bo parastina mafên penaxwaz û penaberan û diyarkirina erkên wan e. Bi taybetî di warê rêkxistin û yekxistina rêkarên hatin û pêşwazîkirina penaxwazan û cîbicîkirina maf û erkên wan li Herêma Kurdistanê. ”

Serokwezîr Mesrûr Barzanî got: “Destxweşî li Wezareta Navxwe ya Hikûmeta Herêma Kurdistanê û tîma ku bi hevkariya Komîseriya Bilind a Penaberan a Neteweyên Yekbûyî ev rênima amade kirine, dikim.”

Amaje bi wê jî kir: “Em dubare dikin ku Herêma Kurdistanê dê her tim wek nimûneyeke geş a mêvanperweriyê û penageheke ewle bimîne, ji bo hemû kesên ku ji tirsa zilm, teror û çewisandinê serî li Herêma Kurdistanê didin.”

Serokwezîr Mesrûr Barzanî got: “Me hewl da ku li gorî karîna dawrî û li ber destê me penaber, penaber û penaxwaz ji xizmetên giştî yên bingehîn ên wekî perwerdehî, lênihêrîna tenduristî, ewlehî û aramiyê sûd werbigirin. Em hêvîdar in ku hikûmeta federal û civaka navdewletî alîkariya Herêma Kurdistanê bikin, ji bo pêşkêşkirina xizmetguzariyên zêdetir bo wan koçber û penaberan, heta dema ku rewşa navçeyên wan alîkar dibe ku bi daxwaza xwe û bi serbilindî vegere cihên xwe.”




Nûçeyên din

Serok Barzanî telefona Berpirsê PDKê li Germyan kir û li rewşa wî pirsî

TUESDAY, 16 JULY 2024 23:07:19

Hewlêr-KDP.info- Serok Mesûd Barzanî tilefona Berpirsê Liqa 22ê ya Germyanê ya PDKê kir û li rewşa wî pirsî.

 
Encûmena Asayîşa Kurdistanê: PKK bi bername bizavê ji bo terorkirina xelkê Herêma Kurdistanê dike

TUESDAY, 16 JULY 2024 22:07:41

Hewlêr-KDP.info- Encûmena Asayîşa Herêma Kurdistanê radigehîne, “Koma têkder a PKKê ji ber bomba çandî otombîla berpirsekî pilebilind ê hizbî li bajarê Kelarê kir armanc.”

 
Polîtbîroya PDKê: Armanckirina heval û kadirên me nayê qebûlkirin

TUESDAY, 16 JULY 2024 18:07:52

Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.

 
Nêçîrvan Barzanî li rewşa Berpirsê PDK li Germiyan Ekrem Salih dipirse

TUESDAY, 16 JULY 2024 18:07:51

Hewlêr-KDP.info- Serokê Herêma Kurdistanê Nêçîrvan Barzanî di pêwendiyeke telefonî de bi Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih re, li rewşa wî pirsî.

 

Mesrûr Barzanî: Divê dezgehên pêwendîdar berpirsên hewla terorkirina Berpirsê PDK li Germiyan aşkere bikin

TUESDAY, 16 JULY 2024 18:07:02

Hewlêr-KDP.info- Serokwezîrê Herêma Kurdistanê Mesrûr Barzanî hewla terorkirina Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih şermezar dike û radigihîne, “Divê dezgehên pêwendîdar hewl bidin ku berpirsên vî karê terorîstî eşkere bikin.”

 


 
© 2023 Kurdistan Democratic Party, KDP

Contact