Kurdî  ■  كوردی  ■  عربي
FRI, 19 JUL 2024 11:55 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Me civîneke gelek baş bi Serperiştê Wezareta Derve ya Îranê re hebû
| KDP.info


Hewlêr-KDP.info- Serokê Hikûmeta Herêma Kurdistanê civîna xwe ya bi Serperiştê Wezareta Derve ya Îranê wekî civîneke gelek baş diwesifîne dibêje, “Me danûstandin li ser pêşxistina peywendiyên dualî kir.”

Serokê Hikûmeta Herêma Kurdistanê îro (În, 14.06.2024) pêşwaziya Serperiştê Wezareta Derve ya Îranê û şanda pê re kir. Piştî temambûna civîna wan jî ku nêzî seetekê vekêşa, her du aliyan konferanseke rojnamevanî ya hevpar lidar xist.

Mesrûr Barzanî: Civîna me gelek baş bû

Serokwezîr Mesrûr Barzanî di wê konferansê de bi navê xwe û hikûmet û xelkê Herêma Kurdistanê bixêrhatineke gerim li Serperiştê Wezareta Derve ya Îranê Elî Baqirî Kenî ji bo Bexda û Hewlêrê kir.

Serokê Hikûmeta Herêma Kurdistanê di derheqa naveroka wê civînê de jî got, “Me civîneke gelek baş li ser pêşxistina peywendiyên dualî, çawaniya baştirkirina peywendiyên aborî yên navbera Îran û Îraqê û xasma Herêma Kurdistanê û herwesa baştirkirina seqamgiriya siyasî li deverê bi cenabê wezîrî re hebû.”

Mesrûr Barzanî amaje jî da, “Me behsa arêşe û aloziyên ewlehiyê yên devera me kir; em li ser wê yekê hevnerîn bûn ku seqamgiriya deverê di berjewendiya her du aliyan û tevaya deverê de ye.”

Tevaya gotinên Serokwezîr Mesrûr Barzanî yên di wê konferansê de:

Ez bi navê xwe û hikûmet û xelkê Herêma Kurdistanê bixêrhatineke gerim li rêzdar Serperiştê Wezareta Derve ya Komara Îslamî ya Îranê Elî Baqirî Kenî ji bo Bexda û Hewlêrê dikim. Tu gelek gelek bixêr hatî, cenabê wezîrî.

Me civîneke gelek baş li ser pêşxistina peywendiyên dualî, çawaniya baştirkirina peywendiyên aborî yên navbera Îran û Îraqê û xasma Herêma Kurdistanê û herwesa baştirkirina seqamgiriya siyasî li deverê bi cenabê wezîrî re hebû.

Me behsa arêşe û aloziyên ewlehiyê yên devera me kir; em li ser wê yekê hevnerîn bûn ku seqamgiriya deverê di berjewendiya her du aliyan û tevaya deverê de ye.

Careke din ez bixêrhatineke gerim li cenabê wezîrî dikim, gelek gelek bixêr hatin.




Nûçeyên din

Serok Barzanî telefona Berpirsê PDKê li Germyan kir û li rewşa wî pirsî

TUESDAY, 16 JULY 2024 23:07:19

Hewlêr-KDP.info- Serok Mesûd Barzanî tilefona Berpirsê Liqa 22ê ya Germyanê ya PDKê kir û li rewşa wî pirsî.

 
Encûmena Asayîşa Kurdistanê: PKK bi bername bizavê ji bo terorkirina xelkê Herêma Kurdistanê dike

TUESDAY, 16 JULY 2024 22:07:41

Hewlêr-KDP.info- Encûmena Asayîşa Herêma Kurdistanê radigehîne, “Koma têkder a PKKê ji ber bomba çandî otombîla berpirsekî pilebilind ê hizbî li bajarê Kelarê kir armanc.”

 
Polîtbîroya PDKê: Armanckirina heval û kadirên me nayê qebûlkirin

TUESDAY, 16 JULY 2024 18:07:52

Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.

 
Nêçîrvan Barzanî li rewşa Berpirsê PDK li Germiyan Ekrem Salih dipirse

TUESDAY, 16 JULY 2024 18:07:51

Hewlêr-KDP.info- Serokê Herêma Kurdistanê Nêçîrvan Barzanî di pêwendiyeke telefonî de bi Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih re, li rewşa wî pirsî.

 

Mesrûr Barzanî: Divê dezgehên pêwendîdar berpirsên hewla terorkirina Berpirsê PDK li Germiyan aşkere bikin

TUESDAY, 16 JULY 2024 18:07:02

Hewlêr-KDP.info- Serokwezîrê Herêma Kurdistanê Mesrûr Barzanî hewla terorkirina Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih şermezar dike û radigihîne, “Divê dezgehên pêwendîdar hewl bidin ku berpirsên vî karê terorîstî eşkere bikin.”

 


 
© 2023 Kurdistan Democratic Party, KDP

Contact