Salar Osman

Beşa Duyem

Her di nava mijara ragihadinê de behsa çend têgehan hatiye kirin, eger bi lez be jî, em nikarin awirekê lê nekin, wek: (Hevqebûlkirin, Mirovdostî, Bihevrejiyan), ku her yek ji wan çemkan ji bo PDK û ragihandina wê, bingeh in, bawerî ne, rewangeh in û çûne nava dîrokê û hê jî bi heman kûrahiya dîrokî li ser têne xebitandin.

Ger em li qonaxan binerin, ew yek bi zelalî ji me re piştrast dibe ku rêbaza Barzanî rêya herî ronak a hevpejirandin, mirovdostî û bihevrejiyanê ye li navçeyê. Cewhera PDK, pêkhateya wê, qebûlkirina hemûyan, nerîn û dîtinên wê, hertim parêzvaniya wê li cudahiyan, ruhê wê yê beşdarbûn û hevbeşiya kesên din; heya bi şerê ku niha dike di pirsa kursiyên pêkhateyan de, ev pêngav hemû belge ne li ser wê rastiya zelal, ku baweriya PDK bi wan prensîpan heye û ji sloganan zêdetir berxwedanê dike, eger bibe şer jî. Bêguman şerê medenî di vê demê de. Her PDK li meydanê tê dîtin û qet vê meydanê bernade.

PDK van têgehan hemûyan di medyayê de diparêze, ger mirov li atlasa medyaya PDKê binere ji hemûyan rengên fireh li xwe digre û ev rengên cuda û pirbûna peyvan îspat dike ku PDK di medyayê de xwedî doz e û dizane çi bike û ber bi ku ve biçe.
Carnan em dibhîzin ku qaşo PDK hişk e, carinan jî bêtir pê de diçin û dibêjin ku PDK serhişk e!.. Bawer nakim ku heya niha ji bo rastiya van wesfan baş gotûbêj û şirove û danûstandin hatine kirin. Bi kurtî PDK ne hişk e û ne jî serhişk e, rastî ew e ku PDK rastbêj e baweriyên xwe, pêdagir e û naxwaze meydana bingeh û prensîpên xwe vala bike, PDK naxwaze dîroka xwe ya tije xebat û têkoşan û qurbanîdan bavêje pişt xwe, ku armana wê: (Hevqebûlkirin, mirovdostî û bihevrejiyan e). Îro ji hemû rojan zêdetir Serok Barzanî tekeziyê li ser wan armancan dike û me hemûyan dixe ser riya rast. Riya rast a ku ji bo her kesî ronahî ye û beşek e ji proseya avakirina pêşeroja Kurdistanê.