Kurdî  ■  كوردی  ■  عربي
FRI, 19 JUL 2024 11:20 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Dr. Salar Osman behsa konfransa Amedê dike: Başûr hêzê dide parçeyên din ên Kurdistanê
| KDP.info


Hewlêr-KDP.info- Endamê Komîteya Navendî û Berpirsê Dezgeha Rewşenbîrî û Ragihandinê ya Partiya Demokrata Kurdistanê (PDK) Dr. Salar Osman dibêje, di vê qonaxê de pêdiviya me bi têgihiştineke nû û yekitiyeke zêdetir heye. Derbarê hilbijartinan li Herêma Kurdistanê jî got, PDK hertim piştevaniya hilbijartinên pak û azad kiriye û li dijî her destwerdanê ye, ji ber ku Serok Barzanî di sala 1991ê de yekem nerîn bo hilbijartinan û demokrasiyê pêşkêş kir.

Dr. Salar Osman, di daxuyaniyeke taybet de derbarê Konfransa Amedê, ji malpera fermî ya Partiya Demokrata Kurdistanê (PDK) re ragihand: “Di konferansa Amedê de sê panêl û çend gotar hatin pêşkêşkirin. Di hersê panêl de gelek kesayetiyên siyasî û akademisyen û serokhizib beşdar bûn. Mijara me jî bi navê (Projeya Herêma Kurdistanê û dûrkirina metirsiyan) bû. Di wê panêlê de, behsa Herêma Kurdistanê hat kirin, ku xwedî proje ye di warên aştî, avadankirin, jiyana hevbeş û çareserkirina hemû pirsgirêkan çi li hundir û çi jî li derve û bi cîranan re.”

Dr. Salar wiha got: “Di vê qonaxê de pêwîstiya me bi têgihiştinek nû ji bûyerên ku li navçeyê hene û pêwîstiya me bi yekrêziya zêdetir di navbera me de heye û divê em xwe ji hemû guhertinên ku li navçeyê diqewimin, amade bikin.”
Herwiha Dr. Salar Osman di konfransa Amedê de tekez kir ku PDK û bi taybetî jî cenabê Serok Barzanî dixwest di pirsa Referandumê de çareseriyeke bingehîn ji vê pirsê re bibîne, lê mixabin cîhan û Iraqê nikarîn maf û azadiyan wek çareserî bibînin, ji ber ku hem maf û azadî bû, hem jî çareserî bû.”

Berpirsê Dezgeha Rewşenbîrî û Ragihandinê ya Partiya Demokrata Kurdistanê (PDK) Dr. Salar Osman wiha got: “Piştî referandumê hem Hikûmeta Herêma Kurdistanê û hem jî Serok Barzanî, dema ku Serokê Herêma Kurdistanê bû, karîn rewşê aram bikin û têkoşîn û rêveberiya xwe berdewam bikin, ku ev rewatiya han jî ji dengê xelkê Kurdistanê hatiye. Niha jî em di karwanê aştî û çareseriyê de ne û em rijd in li ser wê helwêsta niştimanî ya ku rêbazê Barzanî em hîn kirine.”
Dr. Salar Osman wiha got: “Di konferansê de behsa hilbijartinan jî hat kirin. Me got ku PDK hertim alîgirê hilbijartin, hilbijartinên paqij û azad e, ku gel biryarder be û li dijî hemû destwerdanan e.”

Dr. Salar Osman her wiha bi bîr xist ku di bihara sala 1991ê de Serok Barzanî yekem nerîna hilbijartinan û demokrasiyê pêşkêş kir ji bo ku welat bi awayekî yasayî ava bike û bi sazî bike û PDK ev dîroka xweş aniye û bi rihekî demokratîk û ne bi nerîna gelên din berdewam dike.”

Herwiha got: “Xelkê Bakurê Kurdistanê û endamên konferansê ku beşdarî gotûbêjan bûn, gelekî dixwestin nas bikin ku li Herêma Kurdistanê çi diqewime, ji ber ku Herêma Kurdistanê hêzê didin parçeyên din ên Kurdistanê.”




Nûçeyên din

Serok Barzanî telefona Berpirsê PDKê li Germyan kir û li rewşa wî pirsî

TUESDAY, 16 JULY 2024 23:07:19

Hewlêr-KDP.info- Serok Mesûd Barzanî tilefona Berpirsê Liqa 22ê ya Germyanê ya PDKê kir û li rewşa wî pirsî.

 
Encûmena Asayîşa Kurdistanê: PKK bi bername bizavê ji bo terorkirina xelkê Herêma Kurdistanê dike

TUESDAY, 16 JULY 2024 22:07:41

Hewlêr-KDP.info- Encûmena Asayîşa Herêma Kurdistanê radigehîne, “Koma têkder a PKKê ji ber bomba çandî otombîla berpirsekî pilebilind ê hizbî li bajarê Kelarê kir armanc.”

 
Polîtbîroya PDKê: Armanckirina heval û kadirên me nayê qebûlkirin

TUESDAY, 16 JULY 2024 18:07:52

Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.

 
Nêçîrvan Barzanî li rewşa Berpirsê PDK li Germiyan Ekrem Salih dipirse

TUESDAY, 16 JULY 2024 18:07:51

Hewlêr-KDP.info- Serokê Herêma Kurdistanê Nêçîrvan Barzanî di pêwendiyeke telefonî de bi Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih re, li rewşa wî pirsî.

 

Mesrûr Barzanî: Divê dezgehên pêwendîdar berpirsên hewla terorkirina Berpirsê PDK li Germiyan aşkere bikin

TUESDAY, 16 JULY 2024 18:07:02

Hewlêr-KDP.info- Serokwezîrê Herêma Kurdistanê Mesrûr Barzanî hewla terorkirina Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih şermezar dike û radigihîne, “Divê dezgehên pêwendîdar hewl bidin ku berpirsên vî karê terorîstî eşkere bikin.”

 


 
© 2023 Kurdistan Democratic Party, KDP

Contact