Kurdî  ■  كوردی  ■  عربي
FRI, 19 JUL 2024 11:00 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

PDK çawa hizir dike?
| KDP.info


Xwendinek bo daxuyaniya Komîteya Navendî ya Partiya Demokrata Kurdistanê (PDK)

Salar Osman

Beşa Yekemîn

Di daxuyaniya dawî ya civîna berfireh a Komîteya Navendî ya Partiya Demokrat a Kurdistanê (PDK) de, mijarek heye - mijara pêncemîn - ji bo ragihandinê hatibû veqetandin, di vê mijarê de komek babet û pirs û mijarên giring û xalên geş hatine behskirin, ku rewangeha zelal a medyaya PDK nîşan dide, ku hemû dikarin, di serî de jî rojnamevanên PDKê, wan xal û mijaran bikin beşek ji rêbaz û nexşerêya karkirin û têgiheştinê.
Rewangehên sereke ev in:
1. Agahdariya welatiyan ji bûyeran.
2- Erkên niştimanî û netewî yên ragihandinê.
3- Hevpejirandin.
4- Mirovdostî.
5- Bihevrejiyan.
6. Pêşwaziya medyayê û kêşeyên derûnî yên wergir, wek mînak (kuştina xemgîniyê).
7. Meşandin ligel pêşkeftinên bilez
8. Xwemezinkirin û guhnedana bi mijarên biçûk.
9. Medya û dîrok û erkên çandî yên di navbera wan de
10. Zelalkirina meznahiya rêbaza Barzanî û PDK û karên çandî û medyayî yên vê serdemê.

Ev deh xal, 10 xalên giringên biwate û tije şax in, ji bo hemû kesên ku dixwazin bizanibin PDK çawa hizir dike, armancên wê çi ne û dixwaze bigihêje kuderê.

Ka em bi xala yekem destpê bikin:

1.Agahdariya welatiyan ji bûyeran:

PDK di wê baweriyê de ye ku bûyer parçeyek ji jiyanê ne, mirov di nava bûyeran de dijîn, di bûyeran de kar dikin û bûyer bandorê li mirovan dikin. Lewra karê sereke yê ragihandinê pêwîst şopandina bûyeran be, pirsa bûyeran, leziya bûyerê, pêwîst e bûyer bi pisporî were veguhestin. Ragihandina PDK bi dirêjahiya dîrokê, bi rastgoya veguhestina bûyeran tê naskirin. Hertim ragihandina PDK rastiyê dixe pêşiya leziyê. Ev yek jî îsbat dike ku PDK rastgo ye. Rastgoye bi dîrok, doz, niha, pêşeroj, welatî û pirsan. PDK naxwaze lezê bike û ziyanê bighîne kesî. Nerastgoyî ziyaneke mezin e û wek şewbê ye, ku veyrosê dide civak û kesên derdora xwe û derd û belayê dide wan. Nabe ragihandina PDK dûr be ji çi bûyerekê, û rastgoyî nêzîk be, ku xelk mifayê jê bibînin.

2- Erkên niştimanî û netewî yê ragihandinê:

PDK û medyaya xwe,

PDK û perwerdehiya wê ya siyasî hertim bi hinek derdoran re, çi hundir û çi derve, xwedî pirsgirêk bûye, ku Kurdistan û doza wê erk in bo mirovan, çi rojnamevan be, çi siyasetmedar, çi desthilatdar be, çi opozîsyon, çi cotkar be yan karker be. Divê erkên xwe bibînin, divê welat, netewe û doza xwe ya mezin bibînin. Sedem her çi be jî, nabe çavên xwe li erkên welat û netewe û pêşeroj û doza mezin bigrin. Welat û netewe û doz û erk di ser hertiştî re ne, ji xwe pirsgirêka sereke ya PDK ligel neyar û dijberan jî ew e, ku ew welat û netewe û ax û dozê di ser hertiştî re nabînin. PDK jî dixwaze di karê ragihandina xwe de, ku van erkan bixe nava perwerdeya netewî û niştimanî û bikeve nava pêvajoya avakirina pêşerojê.




Nûçeyên din

Serok Barzanî telefona Berpirsê PDKê li Germyan kir û li rewşa wî pirsî

TUESDAY, 16 JULY 2024 23:07:19

Hewlêr-KDP.info- Serok Mesûd Barzanî tilefona Berpirsê Liqa 22ê ya Germyanê ya PDKê kir û li rewşa wî pirsî.

 
Encûmena Asayîşa Kurdistanê: PKK bi bername bizavê ji bo terorkirina xelkê Herêma Kurdistanê dike

TUESDAY, 16 JULY 2024 22:07:41

Hewlêr-KDP.info- Encûmena Asayîşa Herêma Kurdistanê radigehîne, “Koma têkder a PKKê ji ber bomba çandî otombîla berpirsekî pilebilind ê hizbî li bajarê Kelarê kir armanc.”

 
Polîtbîroya PDKê: Armanckirina heval û kadirên me nayê qebûlkirin

TUESDAY, 16 JULY 2024 18:07:52

Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.

 
Nêçîrvan Barzanî li rewşa Berpirsê PDK li Germiyan Ekrem Salih dipirse

TUESDAY, 16 JULY 2024 18:07:51

Hewlêr-KDP.info- Serokê Herêma Kurdistanê Nêçîrvan Barzanî di pêwendiyeke telefonî de bi Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih re, li rewşa wî pirsî.

 

Mesrûr Barzanî: Divê dezgehên pêwendîdar berpirsên hewla terorkirina Berpirsê PDK li Germiyan aşkere bikin

TUESDAY, 16 JULY 2024 18:07:02

Hewlêr-KDP.info- Serokwezîrê Herêma Kurdistanê Mesrûr Barzanî hewla terorkirina Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih şermezar dike û radigihîne, “Divê dezgehên pêwendîdar hewl bidin ku berpirsên vî karê terorîstî eşkere bikin.”

 


 
© 2023 Kurdistan Democratic Party, KDP

Contact