Kurdî  ■  كوردی  ■  عربي
THU, 25 APR 2024 01:11 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serok Barzanî pêşwaziya Balyoza Amerîka li Iraqê kir
| KDP.info


Hewlêr-KDP.info- Îro Çarşema 20ê Adara 2024 li Selaheddîn Serok Mesûd Barzanî pêşwaziya xanima Alina Romanowski Balyoza Amerîka li Iraqê kir.

Di hevdîtinê de Balyoza Amerîkayê pîrozbahiya newrozê li Serok Barzanî û gelê Kurdistanê kir. Her wiha ji bilî balkişandina li ser rewṣa siyasiya Iraq û Herêma Kurdistanê û pêşhatên dawî, dilgiraniya xwe û welatê xwe ya li ser pêşhatên sîyasî derbirî û daxwaz jî kir ku Partiya Demokrata Kurdistanê rola xwe bibîne û li gel aliyên din pêkve kêşe û dilgiranî û têbîniyên pêwîst bi hilbijartinên herêmê çareser bikin.

Di hevdîtinê de Serok Barzanî balkişand li ser sedemên derçûna beyannameya Partiya Demokrata Kurdistanê û ewê ji bo şanda mîhvan rûnkir ku her li destpêka salên nohtî yên sedsala derbasbûyî PDK destpêşxerê birêveçûna hilbijartinê buye û xwe li sala 1991 daxwaz kir ku pêwîste şer'iyeta şoreşgerî cihê xwe bide şer'iyeta destûrî û hilbijartin bêne kirin. Partî herdem li gel encamdana hilbijartinê buye tirs li hilbijartinê nîne belku têbînî li ser awayê hilbijartin û metirsiya têkdana bingehên pêkvejiyanê û nehiştina beşdariya pêkhatan li jiyana siyasî da heye.

Serok Barzanî ewe jî xisterû ku bi hêcetên cûr bi cûr dû sal hilbijartinê paṣxist, destê namo û derekî xistine nav vê babetê û biha û pêgeha herêmê kêm kirine. Her wiha bi aweyekî ne desturî û ne yasayî biryar û yasayên Herêma Kurdistanê gûherî û sitemêkî mezin li pêkhatan û hemû xelkê Kurdistanê kir.

Serok Barzanî ewe jî dûpat kir ku PDK boykota hilbijartinan nekiriye belku li gel hilbijartinêkî pak û bê asteng û şefaf û cihê piṣtrastiyê û dûrî destêwerdana derekî û bernameya pêşwext ku têda dengder ji mafê dengdanê neyên bêbeş kirin û proseya demokrasiyê neyê bê biha kirin û yasayên herêmê neyên binpêkirin. Li dirêjehiya axaftina xwe de Serok Barzanî balkişand li ser peywendiyên di navbera Hewlêr û Bexdayê da û wê yekê xisterû ku rêkeftinêkî rûn û hemû aliyane li gel çarçêweya hemahengiyê li jêr navê hevpeymaniya dewletê heye ku mixabin hîç yek ji xalên girîngên wan rêkeftinameyê nehatine bi cîh kirin. Rêkeftin bi navê ewe bû ku aramî pêkbê û xelk bigihe xweṣguzeranî û bingehên şeraketê û tewazun û tewafuq bêne bi cîh kirin, lê belê hîç yek ji van nehatine kirin.

Serok Barzanî tekez kir ku li ṣêwîrîn û hemahengiya berdewam da dibin ji bo çareserkirina kêşeyan û nehiştina dilgiraniyan.




Nûçeyên din

Mîrê Êzîdiyan: Serok Barzanî tekez kir li ser piştevaniya xwe ya temam bo Êzîdiyan

TUESDAY, 23 APRIL 2024 23:04:36

Şêxan-KDP.info- Mîrê Êzîdiyan li cîhanê Mîr Hazim Tehsîn Beg ragihand ku, wî hevdîtineke gelek berhemdar ligel Serok Barzanî kir û Serok Barzanî tekez kir li ser piştevaniya xwe ya temam bo Êzîdiyan.

Mustafa Ozçelîk: Tirkiye dixwaze têkiliyên xwe bi Herêma Kurdistanê re xurt bike

TUESDAY, 23 APRIL 2024 22:04:26

Tirkiye-KDP.info_ Siyasetmedar û pisporê siyasî li Bakurê Kurdistanê Mustafa Ozçelîk ragihand ku Tirkiye dixwaze di gelek waran de pêwendiyên xwe bi Iraq û Herêma Kurdistanê re baştir bike.

 
Serkirdeyekî AKPê: Serdana Erdogan bo Herêma Kurdistanê giring bû

TUESDAY, 23 APRIL 2024 22:04:30

Tirkiye-KDP.info – Serkirdeyekî AKPê ragihand, ev demeke Serokomar Recep Tayyip Erdogan dixwest serdana Iraqê bike û vê serdana Erdogan ya bo Herêma Kurdistanê girîng dibîne.

 
Serok Barzanî: Me ji bo berjewendiya xelkê Kurdistan û Tirkiyê danûstandin kirin

TUESDAY, 23 APRIL 2024 00:04:23

Hewlêr-KDP.info- Serok Barzanî li ser civîna xwe ya bi Serokkomarê Tirkiyeyê re radigehîne, “Ez bi pêşwazîkirina Serokomarê Tirkiyê îro li Kurdistanê dilxweş bûm”.

 
Erdogan û cîhan Serok Barzanî wek lêveger bo Kurdan dibînin û serdana wî dikin

MONDAY, 22 APRIL 2024 23:04:28

Hewlêr-KDP.info- Cîgirê Berpirsê Berê yê Peywendiyên Giştî yê Yekîtiya Niştimaniya Kurdistanê (YNK) û Berpirsê berê yê YNKê li Tehranê Mihemed Refeat behsa giringiya serdana serokomarê Tirkiyê bo Hewlêrê dike û dibêje: “Birêz Mesûd Barzanî xwedî roleke giring e li navçeyê lewma Erdogan tê wî dibîne.”



 
© 2023 Kurdistan Democratic Party, KDP

Contact