Kurdî  ■  كوردی  ■  عربي
WED, 21 FEB 2024 15:26 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Grûpên Iraqê berdewam bin li ser êrîşên li ser Amerîka, dê Iraq rastî şerekî mezin bibe
| KDP.info


Hewlêr-KDP.info- Cîgirê berê yê serokê parlamentoya Iraqê Dr. Beşîr Hedad behsa êrîşên bi dironan li dijî Amerîka li Iraqê dike û di wê baweriyê de ye ku nabe xaka Iraqê ji bo yekalîkirina şerê li navçeyê were bikaranîn, ku ev yek dê bibe sedema şerê navxweyî li Iraqê.


Dr. Beşîr Hedad ji malpera fermî ya Partiya Demokrata Kurdistanê re got: "Tişta ku li Iraqê diqewime şerê dewletan e li nav xaka Iraqê. Nabe Iraq bibe ajanê vî şerî. Ew dewlet demeke dirêj e ku şerê hev dikin û niha xaka Iraqê bikar tînin. Ji ber vê yekê jî, piştî şerê Xezzayê curek ji nearamiyê heye. Li navçeyê bi taybet li Iraqê şerên dironan heye û ev şer ti pêwendiya wê bi Iraqê re nîne û nabe qada Iraqê ji bo çareserkirina vî şerî were bikaranîn. Tiştê metirsîdar ew e ku grûpên curbicur dixwazin armanca vî şerî biguherînin ji bo Herêma Kurdistanê û ew kom ketine nav şerekî bi wekalet û Iraq ber bi xirabiyê ve diçe. Ev kom dixwazin Amerîka ji Iraqê derkeve, lê eşkere ye ku vekişîna Amerîka zehmet e, lewra eger ev yek bidome dê encam bibe, dê Iraq bikeve nav şerekî bixwîn de.”

Hedad wiha jî got: "Mijara vekişîna Amerîkayê ji Iraqê ti pêwendiya xwe bi parlamentoyê re tine, nexwe di sala 2019an de, Parlamentoyê biryar da ku hêzên biyanî ji Iraqê vekişin, lê ev yek pêk nehat, lewma niha ev îmzeyên wan kom dikin da ku Amerîka derkeve ji nava Iraqê, bêfeyde ye, ev mijar girêdayî hikûmetê ye ji ber ku hebûna hêzên biyanî li ser xaka Iraqê bi rêkeftina siyasî ya wan hêzan ve girêdayî ye ku berê bi Amerîkayê re hatibû kirin, eger hikûmet biryara vekişandina hêzên biyanî ji Iraqê da, dê rewşa Iraqê bi temamî têk biçe û ji kontrolê derkeve.”

 

 

 

 




Nûçeyên din

Serok Barzanî pîrozbahiyê li Yekîtiya Xwendekaran û Yekîtiya Lawên Demokrat dike

SUNDAY, 18 FEBRUARY 2024 13:02:16

Hewlêr-KDP.info- Serok Barzanî 71 saliya damezrandina Yekîtiya Xwendekarên Demokrat ên Kurdistanê û Yekîtiya Lawên Demokrat ên Kurdistanê pîroz kir û got: “Pêwîste her du rêxistin di vê qonaxê de di asta hêviyên civakê û doza rewa ya gelê xwe de bin.”

 
Mesrûr Barzanî pîrozbahiyê li Yekîtiya Xwendekar û Lawên Demokrat ên Kurdistanê kir

SUNDAY, 18 FEBRUARY 2024 13:02:17

Hewlêr-KDP.info- Cîgirê Serokê Partiya Demokrat a Kurdistanê (PDK) Mesrûr Barzanî bi boneya salvegera damezrandina Yekîtiya Xwendekaran û Yekîtiya Lawên Demokrat ên Kurdistanê, pîrozbahî li Sekreter, Buroya Sekreteriyetê û hemû endamên her du yekîtiyan kir.

 
Nêçîrvan Barzanî û Wezîrê Derve yê Tirkiyê pêwendiyên du alî gotûbêj kirin

FRIDAY, 16 FEBRUARY 2024 21:02:43

Muchen-KDP.info- Evariya roja înê 16.02.2024ê li Almanyayê di Konferansa Asayîşê ya Munchenê da, birêz Nêçîrvan Barzanî Serokê Herêma Kurdistanê, di civînekê da digel birêz Hakan Fîdan Wezîrê Derve yê Tirkiyê derfet û warên xurtkirina têkiliyên Tirkiyê bi Iraq û Herêma Kurdistanê ra gotûbêj kirin di derbarê pêşhatên dawî yên herêmî bi giştî da danûstandinên bîr û ramanan kirin.

 
Nêçîrvan Barzanî û şanda Senatoya Amerîkayê rewşa dawî ya Iraqê gotûbêj kirin

FRIDAY, 16 FEBRUARY 2024 21:02:01

Munchen-KDP.info- Nêçîrvan Barzanî Serokê Herêma Kurdistanê, îro Îna 16.02.2024ê li Almanyayê di çarçoveya Konferansa Asayîşê ya Munchenê da digel şandeke Senatoya Amerîkayê ya bi Serokatiya Senator Dan Sullivan, peywendiyên Iraq û Herêma Kurdistanê bi Amerikayê ra û pirsa parastina aramî û ewlehiya navçeyê gotûbêj kirin.

 
Nêçîrvan Barzanî û Wezîrê Berevaniyê yê Brîtanya civiyan

FRIDAY, 16 FEBRUARY 2024 21:02:45

Munchen-KDP.info- Nêçîrvan Barzanî Serokê Herêma Kurdistanê, îro Îna 16.02.2024ê li Almanyayê di çarçoveya Konferansa Asayîşê ya Munchenê da ligel Grant Schaps Wezîrê Bervaniyê yê Brîtanyayê civiya.

 


 
© 2023 Kurdistan Democratic Party, KDP

Contact