Kurdî  ■  كوردی  ■  عربي
SAT, 9 DEC 2023 01:18 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Şanda PWK a Bakurê Kurdistanê serdana Polîtbîroya PDKê kir
| KDP.info


Pîrmam-KDP.info- Berpirsê Desteya Kargêrî ya Polîtbîroya Partiya Demokrata Kurdistanê (PDK) Fazil Mîranî pêşwazî li şanda Partiya Welatparêzên Kurdistanê (PWK) bi serokatiya Mistefa Ozçelîk serokê wê partiyê kir.

Di civînê de ku Azad Berwarî, Hoşyar Zêbarî, Sîdad Barzanî û Mehmûd Mihemed endamên Polîtbîroya PDKê amade bûn, Fazel Mîranî bi navê Polîtbîroya PDKê pîrozbahî li şanda mêhvan kir, ji ber lidarxistin û serkeftina kongereya wan.

Mîranî ji şanda mêhvan re behsa rewşa Herêma Kurdistanê bi taybet û Iraq û navçeyê bi giştî kir û tekezî li ser wê yekê kir ku, dever di rewşeke nebaş re derbas dibe û divê bi aqilî kar bi van bûyeran re bê kirin.

Mîranî herwiha tekez kir ku, peywendiyên di navbera Partiya Demokrata Kurdistanê (PDK) û Partiya Welatparêzên Kurdistanê (PWK) di asta herî bilind de ne û destên PDKê ji hemû aliyên Kurdistanî re vekirî ne.

Ji aliyê xwe ve Mistefa Ozçelîk Serokê Partiya Welatparêzên Kurdistanê (PWK) spasiya Polîtbîroya PDKê kir ji bo vê civînê û bi kurtî behsa avakirina partiya xwe kir ku bi yekxistina 2 partiyan, ew jî Partiya Azadiya Kurdistanê û Tevgera Demokratîk hatiye avakirin û niha jî deriyê wan vekirî ye ji bo partiyên din ku tevlî wan bibin.

Ozçelîk herwiha tekez kir, ku armanca partiya wan çareserkirina pirsa Kurd e bi rêya aştî û demokrasiyê û hêvî kir ku Herêma Kurdistanê li ser pêşkeftina xwe berdewam be.
 




Nûçeyên din

Berpirsekî PDK li Kerkûkê: Ji xelkê re eşkere bûye ku tenê PDK xwediyê Kerkûkê ye

WEDNESDAY, 06 DECEMBER 2023 18:12:24

Kerkûk-KDP.info- Kargêrê Liqa Sêyem a Partiya Demokrata Kurdistanê (PDK) ragihand: “Ev şeş sal in hemû partiyên siyasî li Kerkûkê ne, nikarîbûn ala Kurdistanê bilind bikin. PDK berê ku vegere Kerkûkê ala Kurdisanê li bajar bilind kir, lewma xelkê Kerkûkê PDK wek xwediyê Kerkûkê dibînin û berdewam berê xwe didin PDKê.

 
Nêçîrvan Barzanî ji bo Lûtkeya COP28ê çû Îmaratê

THURSDAY, 30 NOVEMBER 2023 18:11:11

Hewlêr-KDP.info- Nêçîrvan Barzanî Serokê Herêma Kurdistanê, îro pêncşema 30.11.2023ê, li ser vexwendina fermî ya Şêx Mihemed Bin Zayid Al Nehyan Serokê Îmaratê digihe Dubayî.

 
Serok Barzanî û Konsulê Fransayê tekezî li ser bihêzkirina pêwediyan kirin

THURSDAY, 30 NOVEMBER 2023 14:11:23

Hewlêr-KDP.info- Serok Barzanî pêşwaziya Konsulê Giştî yê nû yê Fransayê li Hewlêrê kir û tekez li ser berdewamî û bihêzkirina pêwendiyên dualî kir.

 
Konsulê Fransayê: Herêma Kurdistanê li cem me xwedî pêgeheke girîng û taybet e

THURSDAY, 30 NOVEMBER 2023 14:11:23

Hewlêr-KDP.info- Îro Çarşema 29ê Mijdara 2023ê, Serokê Hikûmeta Herêma Kurdistanê Mesrûr Barzanî pêşwaziya Konsulê Giştî yê nû yê Fransayê li Herêma Kurdistanê Yan Brêm kir.

 
Mesrûr Barzanî mezintirîn kargeha hesin li ser astê Kurdistan û Iraqê vekir

TUESDAY, 28 NOVEMBER 2023 19:11:38

Hewlêr-KDP.info- Serokê Hikûmeta Herêma Kurdistanê Mesrûr Barzanî Kargeha Van Steel a Hesin li Hewlêrê vekir ku li ser astê Herêma Kurdistanê û Îraqê mezintirîn kargeha asin û şîşikan e.

 


 
© 2023 Kurdistan Democratic Party, KDP

Contact