Kurdî  ■  كوردی  ■  عربي
WED, 24 JUL 2024 17:56 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Kurdên Azeraycanê: Başûrê Kurdistanê mala kurdan e û divê em wek çavên xwe wê biparêzin
| KDP.info


Hewlêr-KDP.info- Kurdên Azerbaycanê dibêjin, Serok Barzanî û Partiya Demokrata Kurdistanê (PDK) karîne doza Kurd bigihînin hemû cîhanê û gerek her kurdek li her cihekî be pişta Herêma Kurdistanê bigre ji ber ku ev herêm mala hemû Kurdan e.

Kurdê bajarê Baku yê Azerbaycanê Tahir Silêman ji malpera KDP.info re ragihand: “Li Azerbaycanê em bi çand û kulturê xwe ve girêdayî ne û em dixwazin wek Serok Barzanî pêşmergeyê Kurdistanê bin. Xelkê me bi çavekî mezin li Herêma Kurdistanê dinerin.”

Tahir Silêman wiha got jî: “Divê her kurdek li cîhanê piştevaniya Herêma Kurdistanê bike, her kurdekî dilsoz gerek piştevanê doza Kurdistanê be, ji ber ku niha Serok Barzanî û PDK dixwazin ev herêm parastî be û her kurdek li her cihekî duyayê serfiraze. Serok Barzanî li ser rê û rêbaza pîroz a Barzanî jiyana xwe xist xizmeta gelê Kurd.”

Ji aliyê xwe ve, Serokê Navenda Çanda Kurdî “Ronahî” Zabit Mamadov got: “Serok Barzanî lêveger û rêberê gelê Kurd e ku li ser asta cîhanê ji bo mafên gelê Kurd kar dike û Serokê Herêma Kurdistanê Nêçîrvan Barzanî jî li ser heman rêbaz û bîr û baweriyê kar dike. Nêçîrvan Barzanî dema ku hat Azerbaycanê bi siyaseta xwe ya hekîm karî doza Kurdî bigihîne gelê Azerbaycanê.”

Mamadov ji malpera KDP.info re got: “Kurdên Azerbaycanê bi hêvî ne ku carekê Serok Barzanî bibînin. Li Azerbaycanê piştgiriyeke mezin ji Herêma Kurdistanê re heye, ji ber ku Herêma Kurdistanê mala kurdan e û divê em wek çavên xwe wê biparêzin.”

Herwiha got: “Tişta ku em pê serbilind in ew e ku Hewlêr bûye paytexta dîplomatîk a navçeyê, ku di dîrokê de tiştekî mezin e. Gelek kes hebûn ku demekê dixwestin kurdan tune bikin, niha jî dibînin ku Kurd siyasetê dikin û welatê xwe ava dikin.”

 




Nûçeyên din

Fazil Mîranî û Konsulê Brîtanya: Peywendiyên me dîrokî û serkeftî ne

TUESDAY, 23 JULY 2024 19:07:03

Hewlêr-KDP.info- Berpirsê Desteya Kargêrî ya Polîtbîroya Partiya Demokrata Kurdistanê (PDK) Fazil Mîranî pêşwaziya Konsulê Giştî yê Brîtanya li Hewlêrê kir û di wê hevdîtinê de peywendiyên di navbera Kurdistan û Brîtanya de wek dîrokî û serkeftî hatin binavkirin.

Mesrûr Barzanî ji bo Lûtkeya Cîhanî ya Keşûhewayê li Azerbaycanê hat vexwandin

TUESDAY, 23 JULY 2024 11:07:44

Hewlêr-KDP.info- Berpirsê Fermangeha Peywendiyên Derve ya Hikûmeta Herêma Kurdistanê Sefîn Dizeyî, li ser hejmara xwe ya tora civakî ya Xê parve kiriye, ku wî pêşwaziya Balyozê Azerbaycanê Nasir Mamadov li Iraqê kir.

 
Nêçîrvan Barzanî bo Azerbaycanê hat vexwendin

MONDAY, 22 JULY 2024 18:07:30

Hewlêr-KDP.info- Serokê Herêma Kurdistanê Nêçîrvan Barzanî ji bo beşdarbûna Konferansa Guherîna Keşhewayê ya Neteweyên Yekgirtî li Bakuyê, Paytexta Azerbaycanê, hat vexwendin.

"Serok Barzanî bi xwe serperiştiya eniyên şer li Xwakurkê dikir"

SUNDAY, 21 JULY 2024 12:07:07

Hewlêr-KDP.info- Berpirsê Eniya Başîkê ya Hêzên Pêşmerge û beşdarê şerê Xwakurkê sala 1988ê, Lîwa Mûsa Gerdî dibêje; Dastana Xwakurkê bi xwe serkeftinek mezin bû, Serok Barzanî ji aliyê siyasî û leşkerî ve serperiştiya wê dastanê dikir û her roj li meydana şer bû, ji ber ku hemû hêzên beşdar yên Partiya Demokrata Kurdistanê (PDK) bûn.

 
Serok Barzanî peyameke sersaxiyê belav kir

SATURDAY, 20 JULY 2024 14:07:58

Hewlêr-KDP.info- Bi boneya koça dawî ya parêzgarê berê yê Nînowayê Serok Barzanî peyamekî serxweşiyê belav kir.

 


 
© 2023 Kurdistan Democratic Party, KDP

Contact