Kurdî  ■  كوردی  ■  عربي
FRI, 19 JUL 2024 12:48 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Nêçîrvan Barzanî: Pêwîstiya Kerkûkê bi cîbicîkirina yasa û destûrê heye
| KDP.info


Hewlêr-KDP.info- Serokê Herêma Kurdistanê derbarê rewşa ewlekariya Kerkûkê de daxuyaniyek belav kir û tê de ragihand, pêwîstiya bajêr bi cîbicîkirina yasa û destûrê heye û bi ti awayî pêwîstî bi karên neyasayî yên zêdetir nîne.

Serokê Herêma Kurdistanê di daxuyaniya xwe de ragihand, “Girtina rêya Hewlêr-Kerkûkê di 6 rojên borî de neyasayî bû, mixabin heta niha jî ev kiryara neyasayî ji aliyê rêveberiya Kerkûkê ve nehatiye rakirin! Kerkûk pêwîstiya wê bi cîbicîkirina yasa û destûrê heye û bi ti awayî pêwîstî bi karên neyasayî yên zêdetir nîne.”

Nêçîrvan Barzanî dibêje: “Piştî ku îdareya Kerkûkê bi ti awayî dawî bi karî neanî ku bandor li ser jiyana rûniştvanên bajarê bi giştî dikir, lê mixabin bi tundî bersiva wan hate dayîn û gencek şehîd bû û çend kes jî birîndar bûn.”

Serokê Herêma Kurdistanê tekez dike, “Di dema ku em bi nîgeraniyeke mezin li van aloziyên ewlehiyê dinêrin û rewşê ji nêz ve dişopînin, em bi tundî gulebarankirin û destdirêjahiya bi çekan li dijî xwepêşanderên sivîl şermezar dikin. Çêkirina aloziyan û têkdana ewlehiyê li Kerkûkê, metirsiyeke cidî li ser pêkvejiyan, ewlehî û aramiyê çêdike.”

Herwiha got: “Pêwîst e aliyên peywendîdar ên hikûmeta Iraqa Federal demildest tedbîrên pêwîst werbigirin û erkê hêzên ewlehiyê ye ku bê cudahî ewlehiya hemû pêkhateyên Kerkûkê biparêzin û kesên teqe kirine rûbirûyê yasayê bikin.”

Serokê Herêma Kurdistanê got jî: “Berpirsiyariya hemû aliyane ku aramî û ewlehiyê biparêzin û bi ti egerekê rê nedin rewşa ewlekariya Kerkûk û parêzgehê aloz bibe. Divê her kes xwe bigire, rê bên vekirin û aramî û jiyana asayî ji bo welatiyên Kerkûkê vegere.”

 




Nûçeyên din

Serok Barzanî telefona Berpirsê PDKê li Germyan kir û li rewşa wî pirsî

TUESDAY, 16 JULY 2024 23:07:19

Hewlêr-KDP.info- Serok Mesûd Barzanî tilefona Berpirsê Liqa 22ê ya Germyanê ya PDKê kir û li rewşa wî pirsî.

 
Encûmena Asayîşa Kurdistanê: PKK bi bername bizavê ji bo terorkirina xelkê Herêma Kurdistanê dike

TUESDAY, 16 JULY 2024 22:07:41

Hewlêr-KDP.info- Encûmena Asayîşa Herêma Kurdistanê radigehîne, “Koma têkder a PKKê ji ber bomba çandî otombîla berpirsekî pilebilind ê hizbî li bajarê Kelarê kir armanc.”

 
Polîtbîroya PDKê: Armanckirina heval û kadirên me nayê qebûlkirin

TUESDAY, 16 JULY 2024 18:07:52

Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.

 
Nêçîrvan Barzanî li rewşa Berpirsê PDK li Germiyan Ekrem Salih dipirse

TUESDAY, 16 JULY 2024 18:07:51

Hewlêr-KDP.info- Serokê Herêma Kurdistanê Nêçîrvan Barzanî di pêwendiyeke telefonî de bi Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih re, li rewşa wî pirsî.

 

Mesrûr Barzanî: Divê dezgehên pêwendîdar berpirsên hewla terorkirina Berpirsê PDK li Germiyan aşkere bikin

TUESDAY, 16 JULY 2024 18:07:02

Hewlêr-KDP.info- Serokwezîrê Herêma Kurdistanê Mesrûr Barzanî hewla terorkirina Berpirsê Liqê 22 ê Partiya Demokrat a Kurdistanê (PDK) li Germiyanê Ekrem Salih şermezar dike û radigihîne, “Divê dezgehên pêwendîdar hewl bidin ku berpirsên vî karê terorîstî eşkere bikin.”

 


 
© 2023 Kurdistan Democratic Party, KDP

Contact