Kurdî  ■  كوردی  ■  عربي
SAT, 15 JUN 2024 13:10 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Nêçîrvan Barzanî: Em destê biratiyê dirêjî Iraq, dewletên cîran û hemû cîhanê dikin
| KDP.info


Hewlêr-KDP.info- Serokê Herêma Kurdistanê Nêçîrvan Barzanî di peyama xwe ya bi helkefta Cejna Newrozê de ragihand: “Em wek Herêma Kurdistanê destê biratî, pêkve jiyan, hevdû qebûl kirin û xweşbîniyê dirêjî Iraq, dewletên cîran, hemû gel, netewe û civakên navçeyê û cîhanê dikin.”

Îro Duşema 20.3.2023 Serokê Herêma Kurdistanê Nêçîrvan Barzanî bi boneya Cejna Newrozê peyamek vîdyoyî belav kir.

Nêçîrvan Barzanî Cejna Newrozê li gelê Kurd ê li Kurdistan û hemû cîhanê, li malbatên şehîdan û hêzên asayîşê pîroz kir. Herwiha pîrozbahî û silav li her kesê ku di avadankirin, geşepêdan û geşbûna Kurdistanê de para xwe hebûye kir.

Nêçîrvan Barzanî anî ziman “Newroz cejna netewî ya Kurdan e. Cejna serketin, xwebawerî, serbilindî û rûmetê ye.”

Serokê Herêma Kurdistanê Nêçîrvan Barzanî di peyama xwe ya pîrozbahiya Newrozê de wiha got: “Sembola vejîna ruhê kurdewarî, evîna jiyan û mirovatiyê ya kurdan û hemû gelê Kurdistanê ye. Bi Newrozê re azadî, hesreta jiyaneke bi rûmet û hêviya paşerojeke baştir di can, xwîn, dil û mejiyê her Kurdekî de nû dibe.

Weke her car agirê Newrozê bawerî û hêza me ji nû ve geş dike. Ji bo vê jî kurd têk neçûn û dê nebin jî. Ji ber ku her biharê bi roniyên ewil ên Newrozê re ruhê berxwedan, azadî û serfiraziyê li her Kurdekî zindî dibe.

Azadî û destkeftî berhema ruhê ku netewe û gelê Kurd bi Newrozê afirandiye ye. Bi can, xwîn, hêsir û têkoşîn û berxwedana bi dehan salan a şoreşgerên Kurd û Kurdistanî pêk hat.

Em hemû dilgirtin û zilma duh bi bîr tînin. Em hemû girtin, komkujî, sirgûn, şewitandin, êrîşên wêrankirinê, kîmyabaran, Enfal û qirkirinê bi bîr tînin û tu carî ji bîr nakin.

Lê ev hemû nekarîn vîna jiyan, azadî û bextewariyê ya Kurd û gelê Kurdistanê bişkînin! Ji ber ku bi pêxistina agirê yekem a her Newrozê re Kurd wê dîsa rabin ser piyan û bi hêztir dest pê bikin.

Di Newrozê de evîna azadî, ax û welat, evîna netewî di nav Kurd û gelê Kurdistanê de ji nû ve çêdibe. Ev raza hebûn û vejîna vî miletê zindî ye, ku çekên herî zalim û bi hêz ên serdemê jî nekarîn û nikarin têk bibin.

Nêçîrvan Barzanî xwest ku di Newrozê de her kes bi malbat, xizm û hevalên xwe re têkiliya hezkirinê xurt bike û dibêje “Di asta siyasî de em Newrozê bikin firsendeke nû ji bo hevkarî, hevpejirandin û bi hev re karkirinê daku em bi yek dengî û yek helwest, li ser bingehê destûrê bi rêya diyalogê, pirsgirêk û nakokiyên Herêma Kurdistanê derbas bikin û pirsgirêkan çareser bikin.”

Nêçîrvan Barzanî got jî “ Bi vê minasebetê ez bang li aliyên Iraqî dikim ku bi hev re ji bo Iraqeke ku welatê me hemûyan be, bi ruhê Iraqeke netewî ku ji partî, netew, ol û mezheban derbastir be, kar bikin. Iraqeke ku aştî, aramî, serwerî, jiyan, rûmet, niha û paşeroj ji bo nifşên paşerojê were parastin. Em bi hev re dikarin Iraqê ji bo hemûyan bikin welatekî baştir.”

Herwiha Nêçîrvan Barzanî amaje bi wê yekê jî kir, ku pêşketinên li gel hikûmeta Iraqê di rêyeke rast de çêdibin, ew gavên ku tên avêtin hêviyê dide û pêbaweriya di navbera alî û civakan de ji bo çareserkirina pirsgirêkan, dê Iraqê bike welatekî bihêz, ewle û rêzdar.

Nêçîrvan Barzanî got: “Herêma Kurdistanê ji bo serxistina rojeva hikûmetê, proseya siyasî û prensîbên demokrasiyê li Iraqê li ser bingeha destûrê amade ye her cure alîkariyê pêşkêş bike.”

Serokê Herêma Kurdistanê herwiha got “Coş û kelecana Newrozê nîşaneya ruhê jiyanparêz û aştîxwaz a Kurd û Kurdistanî ye.” Barzanî diyar kir ku kernevala ku li xwezaya xweş a Kurdistanê tê pîrozkirin, ji dil û can û aştî, bextewarî, pêkvejiyan û aştiyê tê.

Nêçîrvan Barzanî dibêje “Em wek Herêma Kurdistanê destê xwe yê biratî, pêkve jiyan, hevpejirandin û lêborînê dirêjî Iraq, dewletên cîran, herêmê û hemû gel, netewe û civakên cîhanê dikin. Weke her car em ji her kesî re piştrast dikin ku em ê bibin hêmana aştî û aramiyê, parêzvanê yekîtî û berjewendiyên hevpar.”

Nêçîrvan Barzanî pîrozbahiya Newrozê li gel û neteweyan Newrozê pîroz dikin jî kir û got “ Em spasiya welatên dost, civaka navdewletî, dîplomat û rêxistinên navdewletî yên li Herêma Kurdistanê dikin ku piştgirî kirine. Em Newroza her kesî pîroz dikin.”

Serokê Herêma Kurdistanê Nêçîrvan Barzanî di dawiya peyama xwe de bang kir û got “Ez ji we hemwelatiyên hêja daxwaz dikim ku hûn di rêwîtiyê de baldar bin. Paqijiya jîngehê û xwezaya xweş a Kurdistanê biparêzin. Rêgezên trafîkê bişopînin.”

 




Nûçeyên din

Serok Barzanî û şanda Wezareta Derve ya Îranê tekezî li ser pêşxistina peywendiyan kirin

FRIDAY, 14 JUNE 2024 22:06:32

Hewlêr-KDP.info- Serok Mesûd Barzanî pêşwaziya Serpereştyarê Wezareta Derve ya Îranê kir û di wê hevdîtinê de herdu aliyan tekezî li ser pêşxistina peywendiyan kirin.

 
Nêçîrvan Barzanî: Îran cîraneke giring a Herêma Kurdistanê ye

FRIDAY, 14 JUNE 2024 21:06:45

Hewlêr-KDP.info- Serokê Herêma Kurdistanê li Hewlêrê û Serperiştê Wezareta Derve ya Îranê civiyan û di wê hevdîtinê de Nêçîrvan Barzanî got, Îran cîraneke giring a Herêma Kurdistanê ye.

 
Mesrûr Barzanî: Me civîneke gelek baş bi Serperiştê Wezareta Derve ya Îranê re hebû

FRIDAY, 14 JUNE 2024 21:06:07

Hewlêr-KDP.info- Serokê Hikûmeta Herêma Kurdistanê civîna xwe ya bi Serperiştê Wezareta Derve ya Îranê wekî civîneke gelek baş diwesifîne dibêje, “Me danûstandin li ser pêşxistina peywendiyên dualî kir.”

 
Nêçîrvan Barzanî û Konsulê Tirkiyê li ser peywendiyan axivîn

THURSDAY, 13 JUNE 2024 22:06:15

Hewlêr-KDP.info- Serokê Herêma Kurdistanê pêşwaziya Konsulê Giştî yê Nû yê Tirkiyeyê li Herêma Kurdistanê dike, Konsulê Nû yê Tirkiyê jî ji aliyê xwe ve hêvî dike ku bikare peywendiyên her du aliyan zêdetir pêş bixe.

 

Nêçîrvan Barzanî û Fermandarê Hevpeymanan tekezî li ser hevgirtina hêzên Pêşmerge kirin

THURSDAY, 13 JUNE 2024 19:06:57

Hewlêr-KDP.info- Serok Nêçîrvan Barzanî digel Fermandarê Giştî yê Hêzên Hevpeymanan civiya û di wê hevdîtinê de herdu aliyan tekezî li ser hevgirtina hemû hêzên Pêşmerge kirin.



 
© 2023 Kurdistan Democratic Party, KDP

Contact