Kurdî  ■  كوردی  ■  عربي
THU, 30 MAR 2023 05:37 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Pêşmerge bi hewara Kurdan ve çûn û nehiştin Kobanî rizgar kirin
| KDP.info


Hewlêr-KDP.info- Fermandarekî Hêzên Pêşmerge ku beşdar bibû di şerê rizgarkirina Kobanî de, dibêje, beriya 8 salan û di rojeke weke îro de Hêzên Pêşmerge karîn Kobanî ji destê DAIŞê rizgar bikin, ku beriya çûna Pêşmerge kêm mabû ew bajar bi temamî ketiba destê DAIŞê de, lê Pêşmerge bi fermana Serok Barzanî, sînorê 2 dewletan derbas kirin û bi hewara Kurdan ve çûn û nehiştin Kobanî bikeve û rizgar kirin.

Fermandarê Hêzên Pêşmerge û beşdarbûyê şerê rizgarkirina Kobanî Rizgar Behram ji malpera KDP.info re behsa wê demê kir û wiha got: “Îro 8 sal bi ser rizgarkirina bajarê Kobanî re derbas dibe, ku di rojeke weke îro de Kobanî bi temamî ji destê DAIŞê hat rizgarkirin. Hemû gundên Kobanî di destê DAIŞê de bûn û tenê çend taxê bajêr mabû ku ew jî bikevin destê DAIŞê. Tenê deriyek mabû ku xelkê Kobanî tê de birevin. Lewma şervanan ji bo ku nekevin destê DAIŞê de xwe diteqandin. Lê rêberê gelê Kurd Serok Barzanî hest bi tirsa ser wî perçeyê Kurdistanê kir, û daxwaz kir ku Hêzên Pêşmerge bi hewara Kobanî ve biçin, ji bo ku Kurd li wir neyên jenosîdkirin, lewma ferman da Hêza Piştevaniya 1 bi fermandariya Şêx Sîhad Barzanî ji bo ku xwe amade bikin û biçin Kobanî. Pêşmerge roja 27.10 bi çekên giran ber bi Kobanî ve birê ketin û heya rojeke weke îro şereke giran kirin. Di rojeke weke îro de bajarê Kobanî hat rizgarkirin. Rojeke dîrokî bû.”

Rizgar Behram wiha domand: “Ez vê rojê li Serok Barzanî pîroz dikim, ku bi riya wî Hêzên Pêşmerge sînorê 2 dewletan derbas kirin û xwe gihandin Kobanî, ku ev yek pir dîrokî ye û ev yek tenê ji destê rêberê gelê Kurd tê. Lewma îro rojeke dîrokî ye ji bo hemû gelê Kurd û cihê şanaziyê ye.”

Behram wiha got: “Dawî li Girê Miştenûr şerekî mezin çêbû, lê Hêzên Pêşmerge biser ketin û karîn Kobanî rizgar bikin. Piştre em ber bi gundên Kobanî ve çûn û me gund jî rizgar kirin.”




Nûçeyên din

Serokwezîr Mesrûr Barzanî nameyek ji Wezîra Derve ya Almanyayê wergirt

TUESDAY, 28 MARCH 2023 22:03:48

Hewlêr-KDP.info- Wezîra Derve ya Almanyayê Annalena Bearbock nameyek ji Serokwezîrê Herêma Kurdistanê re şand û amaje bi serdana xwe ya dawî ya Herêma Kurdistanê da.

 
Nêçîrvan Barzanî nameyek ji Wezîrê Berevaniyê yê Amerîkayê wergirt

THURSDAY, 23 MARCH 2023 13:03:28

Birêz Nêçîrvan Barzanî Serokê Herêma Kurdistanê nameyek ji birêz Lloyd Austin Wezîrê Berevaniyê yê Amerîkayê wergirt ku têda ji bo wê pêşwaziya germa di dema serdana wî ya 7 vê mehê ya bo Hewlêrê lê hatiye kirin, spasiya Serok Nêçîrvan Barzanî kir.

 
Baregeha Barzanî: Em bi tundî wê tawana hovane ya ku li Efrînê çêbûye şermezar dikin

TUESDAY, 21 MARCH 2023 23:03:01

Hewlêr-KDP.info- Baregeha Barzanî di daxuyaniyekê de bi tundî komkujiya 4 welatiyên Kurd li bajarokê Cindirêsê yê li herêma Efrînê şermezar kir.

 
Serokatiya Herêma Kurdistanê tawana li Efrînê şermezar kir

TUESDAY, 21 MARCH 2023 23:03:29

Hewlêr-KDP.info- Serokatiya Herêma Kurdistanê di daxuyaiyekê de tawana Cindirêsa Rojavayê Kurdistanê şermezar dike.

 
Mesrûr Barzanî: Em şehîdkirina Kurdên Efrînê bi awayekî herî tund şermezar dikin

TUESDAY, 21 MARCH 2023 23:03:56

Hewlêr-KDP.info- Serokwezîrê Herêma Kurdistanê Mesrûr Barzanî derbarê êrîşa ser Kurdan li Efrînê got, "Em şehîdkirina welatiyên li Cindrêsê bi awayekî herî tund şermezar dikin."

 


 
© 2023 Kurdistan Democratic Party, KDP

Contact