Kurdî  ■  كوردی  ■  عربي
WED, 7 DEC 2022 01:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî bo aliyên pêwendîdar: Lêkolîneke cidî di sedema teqîna gazê de bikin
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî îro 22 Mijdara 2022an, serperiştiya civîneke taybet bi bûyerên teqînên gaze li Duhok û Silêmaniyê kir û aliyên pêwendîdar raspardin lêkolîneke cidî û hûr derbarê vê cure gazê û aliyên cibicîkar û sedemên van bûyeran de bikin.

Di destpêka civînê de Serokwezîrê Herêma Kurdistanê hevxemiya xwe ji bo malbatên qurbaniyan nîşan da û hêviya başbûnê ji birîndaran re xwast.

Serokwezîr bi rêz û pêzanîneke mezin behsa candîdayî û qurbanîdana Cîgirê Rêveberê Polîsê Hawarhatina Duhokê Raîd Elî Berwarî û hevkarên wî kir ku Ji bo parastina giyanê welatiyan û bi taybet xwendekaran, xwe kirin qurbanî.

Serokwezîr aliyên peywendîdar ên hikûmetê raspardin ku li hemû cihên giştî û taybet ên ku vê sîstema gazê bi kar tînin vekolînin û lêkolîneke cidî û berfireh li ser vê curê gazê, aliyên cîbicîkar û sedemên bûyerên Silêmanî û Duhokê bikin. Heta derketina encamên lêkolînê jî, biryar hat dayîn ku bikaranîna vê sîstemê li wan cihên tên bikaranîn, bê rawestandin.

Ev civîna Serokwezîr Mesûr Barzanî ligel wezîr û berpirsên pêwendîdar piştî wê tê, roja 17ê Mijdarê sîstema gaze ya maleke Silêmaniyê teqiya û di encamê de 15 kesan canê xwe ji dest dan û 12 kes jî birîndar bûn. Her wiha şeva borî jî li bajarê Duhokê tanka gazê ya firinekê teqiya û di encamê de 4 kesan canê xwe ji dest dan û 26 kes jî birîndar bûn.




Nûçeyên din

Nêçîrvan Barzanî û Balyoza Swêdê pêşxistina pêwendiyan gotûbêj kirin

TUESDAY, 06 DECEMBER 2022 19:12:39

Hewlêr-KDP.info- Serokê Herêma Kurdistanê û Balyoza nû ya Swêdê ya li Iraqê, pêwendiyên Swêdê yên ligel Iraq û Herêma Kurdistanê gotûbêj kirin û tekezî li alîkariya hevbeş kirin.

 
Mesrûr Barzanî: Pêşxistina sektora çandiniyê dahat zêde dike û dibe alîkar bo sektorên din jî

TUESDAY, 06 DECEMBER 2022 19:12:35

Hewlêr-KDP.info- Serokê Hikûmeta Herêma Kurdistanê Mesrûr Barzanî bi gotarekî vidyoyî ve hin zanyariyên giring derbarê sektora çandinî û piralî kirina dahata Herêma Kurdistanê kir.

 
Wezîra Berevaniya Holandayê: Emê li ser piştevaniya Pêşmerge berdewam bin

TUESDAY, 29 NOVEMBER 2022 14:11:13

Hewlêr-KDP.info- Serokwezîrê Herêma Kurdistanê Mesrûr Barzanî îro 29.11.2022an pêşwazî li Wezîra Berevaniyê ya Hollandayê Kajsa Ollongren kir.

 
Şanda Kongrêsa Amerîka: Herêma Kurdistanê ezmûneke serkeftî ya demokrasiyê ye

SUNDAY, 27 NOVEMBER 2022 16:11:48

Hewlêr-KDP.info- Serokwezîrê Herêma Kurdistanê Mesrûr Barzanî îro Yekşemê pêşwazî li şandeke Kongrêsa Amerîkayê bi serokatiya endamê Kongrêsê Mark Takano kir ku di nav de endamên Kongrêsê Elissa Slotkin, Colin Allred û Kathy Porter hebûn.

 
Nêçîrvan Barzanî li Bexdayê ye û ligel Serokê Hevpeymaniya Ezim civiya

SUNDAY, 27 NOVEMBER 2022 15:11:24

Bexda-KDP.info- Îro Yekşema 27.11.2022yê Serokê Hikûmeta Herêma Kurdistanê Nêçîrvan Barzanî li Bexdayê li gel Serokê Hevpeymaniya Ezim Musenna Elsamarayî civiya.

 


 
© 2022 Kurdistan Democratic Party, KDP

Contact