Kurdî  ■  كوردی  ■  عربي
WED, 7 DEC 2022 00:57 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî sersaxî ji malbatên qurbaniyên teqîna Duhokê re xwest
| KDP.info


Hewlêr-KDP.info- Serokê Herêma Kurdistanê derbarê teqîna şeva bihorî ya li Duhokê peyamek belav kir û ragihand, “Dubarebûna teqîna gazê cihê nîgeranî û metirsiyeke cidî ye, divê dezgehên pêwendîdar di zûtirîn dem de bi cidî li ser vê mijarê bisekinin û baştir çavdêriya sîstema gazê û çawaniya bikaranîna wê bikin.”

Şevê din ji ber teqîna di sîstema gazê ya avahiyekê de li bajarê Duhokê, 4 kesan canê xwe ji dest dan û 34 kes jî birîndar bûn.

Daxuyaniya Serokê Herêma Kurdistanê wiha ye:

“Behîdarî û sersaxiyê li malbat û kesûkarên qurbanî yên bûyera xemgîn ya teqîna şevê dî ya bajarê Duhokê dikim ku cihê xemeka mezin e, dil û hestên min digel wan û şirîkê êş û kovana wan im, ji Xwedayê mezin hêvîxwazim canê qurbaniyan bi rehm û dilovaniya xwe şad bike û hedar û aramiyê bi malbat û kesûkarên wan bide, herwiha hêviya cansaxî û şîfaya bilez ji bo birîndaran dixwazim, em ji bo her alîkariyeka pêwîst ya çareseriya wan amadene.

Dubarebûna bûyerên peqîna gazê, cihê dilgiranî û metirsiyeka ciddiye û divê aliyên peywendîdar bi zûtirîn dem bi ciddî li ser vê mijarê rawestin û çavdêriyeka baştir li ser sîstemê gazî û çawaniya bikarînana wê bikin û rêkarên baştir yên selametiyê hebin da ku rê li bûyerên bi vî awayî yên xemgîn bê girtin.

Xwedayê mezin alîkarê malbat û kesukarên qurbaniyan û xelkê parêzgeha Duhokê be û dilê me hemûyan bi wan re ye.

Nêçîrvan Barzanî
Serokê Herêma Kurdistanê
22.11.2022”




Nûçeyên din

Nêçîrvan Barzanî û Balyoza Swêdê pêşxistina pêwendiyan gotûbêj kirin

TUESDAY, 06 DECEMBER 2022 19:12:39

Hewlêr-KDP.info- Serokê Herêma Kurdistanê û Balyoza nû ya Swêdê ya li Iraqê, pêwendiyên Swêdê yên ligel Iraq û Herêma Kurdistanê gotûbêj kirin û tekezî li alîkariya hevbeş kirin.

 
Mesrûr Barzanî: Pêşxistina sektora çandiniyê dahat zêde dike û dibe alîkar bo sektorên din jî

TUESDAY, 06 DECEMBER 2022 19:12:35

Hewlêr-KDP.info- Serokê Hikûmeta Herêma Kurdistanê Mesrûr Barzanî bi gotarekî vidyoyî ve hin zanyariyên giring derbarê sektora çandinî û piralî kirina dahata Herêma Kurdistanê kir.

 
Wezîra Berevaniya Holandayê: Emê li ser piştevaniya Pêşmerge berdewam bin

TUESDAY, 29 NOVEMBER 2022 14:11:13

Hewlêr-KDP.info- Serokwezîrê Herêma Kurdistanê Mesrûr Barzanî îro 29.11.2022an pêşwazî li Wezîra Berevaniyê ya Hollandayê Kajsa Ollongren kir.

 
Şanda Kongrêsa Amerîka: Herêma Kurdistanê ezmûneke serkeftî ya demokrasiyê ye

SUNDAY, 27 NOVEMBER 2022 16:11:48

Hewlêr-KDP.info- Serokwezîrê Herêma Kurdistanê Mesrûr Barzanî îro Yekşemê pêşwazî li şandeke Kongrêsa Amerîkayê bi serokatiya endamê Kongrêsê Mark Takano kir ku di nav de endamên Kongrêsê Elissa Slotkin, Colin Allred û Kathy Porter hebûn.

 
Nêçîrvan Barzanî li Bexdayê ye û ligel Serokê Hevpeymaniya Ezim civiya

SUNDAY, 27 NOVEMBER 2022 15:11:24

Bexda-KDP.info- Îro Yekşema 27.11.2022yê Serokê Hikûmeta Herêma Kurdistanê Nêçîrvan Barzanî li Bexdayê li gel Serokê Hevpeymaniya Ezim Musenna Elsamarayî civiya.

 


 
© 2022 Kurdistan Democratic Party, KDP

Contact