Kurdî  ■  كوردی  ■  عربي
WED, 7 DEC 2022 00:12 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Em hêvî dikin şerê sînorê Zaxo bidawî were û hurmetê ji ax û serweriya me re bigrin
| KDP.info


Zaxo-KDP.info- Îro Sêşemê bi amadebûna Serokê Hikûmeta Herêma Kurdistanê Mesrûr Barzanî ve merasîma danîna xîm û berê bingehîn ê çend projeyên xizmetguzariyê li sînorê îdareya Serbixwe ya Zaxo bi qasî 26 milyar û nîv dînaran birêve çû û Serokê Hikûmetê jî gotarek pêşkeş kir û di gotara xwe de got: “Mixabin ew şer û pevçûnên ku li navçeyên sînorî yên Zaxo hene, bûne sebeba wê yekê ku em nikaribin gelek gundên xwe avedan bikin. Lewma em hêvî dikin ew şer bidawî were û hurmetê ji serwerî û axa me re bigrin.”

Di gotara xwe de Serokê Hikûmeta Herêma Kurdistanê Mesrûr Barzanî ragihand, ji ber careke din serdana deverê kiriye bextewer e ku dê li Zaxoka Delal berê bingehîn ê hin projeyên nû were danîn û salvegera yekem a bûna Îdareya Serbixwe ya Zaxoyê li hemû aliyekî pîroz kir û got, hêvîdar im berpirsên îdareyê di xizmetkirinê de berdewam bin.

Mesrûr Barzanî wiha got: “Di dema borî de gelek proje di warên rê û sektora perwerde, tenduristî û sektora geştyariyê de hatine encamdan. Lê mixabin ew xizmetên layîqî xelkê Zaxo bûn heta niha nehatibûn kirin. Pêwîst e xizmeta xelkê me bê kirin û tişta ku em bikarin bikin ji bo başkirina jiyana xelkê Zaxo û awayê bajarvaniyê li Zaxo em bêxemiyê nakin û înşala emê berdewam bin.”

Serokê Hikûmetê ragihand, dê hin proje bikevin warê cîhbicîh kirinê û hin proje jî hene dê paşerojê de bên encamdan, ku ew jî bicîhanîna cadeya 60 metrî ya Zaxo, nexwaşxaneya qeza Batîfa û navçeya pîşesaziya Zaxo ku hemû dê bibin derfet. Hem derfeta kar ji bo xelkê Zaxoyê dê ava bike, hem jî dê alîkarbin ji bo pêşxistina warê aborî. Ji ber wê jî tenê ne li Zaxo, dê li hemû Kurdistanê jî ew xizmet berdewam bin.

Mesrûr Barzanî wiha domand: “Zaxo ji bo me bajarekî giring e, devera Zaxo bi awayekî giştî deverekî giring e. Zaxo gelek qurbanî ji bo parastina Herêma Kurdistanê daye. Ew tevgerên şoreşî yên li Kurdistanê li dû hev hatine kirin li vê deverê û ji ber wê jî vê deverê gelek qurban dane. Ez naha li vê derê bav û kesûkarên gelek şehîdan dibînim. Naha vê derê rawestane û amade ne. Ez bi rêzdarî serê xwe li ber wan diçemînim. Hêvîdarim xwedê temenekî dirêj bide wan û piştevanbin bo îdareya xwe ku îdareya serbixwe ya Zaxo jî di xizmeta we de be.”

Serokê Hikûmetê diyar kir, xelkekî zêde heye li Zaxo xwedî şehîd e û zehmetiyên mezin kêşane. Wekî piraniya navçeyên din ên Kurdistanê û wan jî bêxemî nekirine di pêşxistina destkeftên Kurdistanê de. Her xizmetekî ji bo vê deverê bê kirin mafê wan e û layîq in û pêwîst e roj bi roj qasî ku em bikarin divê devera Zaxo pêş bixin.

Mesrûr Barzanî wiha jî got: “Zaxo jibilî ku di riya kurdayetî û berxwedan û berevaniyê de gelek zehmetî dîtiye, devereke ji aliyê bazirganî ve jî pir girîng e. Deverek e ku Herêma Kurdistanê bi Ewropa ve girê dide. Gelek bazirganî bi riya Zaxo tê kirin û em dixwazin xelkê Zaxo jî mifayê ji wê bazirganiyê bibînin.”

Serokê Hikûmeta Kurdistanê wiha domand: “Zaxo ji aliyê geştûguzariyê ve bajarekî pir xweş e, lê mixabin ew şer û pevçûnên ku li navçeyên sînorî yên Zaxo hene, bûne sebeba wê yekê ku em nikaribin gelek gundên xwe avedan bikin. Lewma em hêvî dikin ew şer bidawî were û hurmetê ji serwerî û axa me re bigrin. Da ku em karibin xizmeta xelkê wan gundan bikin û êdî xelkê wan gundan vegerin ser malên xwe û li wir projeyên geştiyariyê destpê bikin.”




Nûçeyên din

Nêçîrvan Barzanî û Balyoza Swêdê pêşxistina pêwendiyan gotûbêj kirin

TUESDAY, 06 DECEMBER 2022 19:12:39

Hewlêr-KDP.info- Serokê Herêma Kurdistanê û Balyoza nû ya Swêdê ya li Iraqê, pêwendiyên Swêdê yên ligel Iraq û Herêma Kurdistanê gotûbêj kirin û tekezî li alîkariya hevbeş kirin.

 
Mesrûr Barzanî: Pêşxistina sektora çandiniyê dahat zêde dike û dibe alîkar bo sektorên din jî

TUESDAY, 06 DECEMBER 2022 19:12:35

Hewlêr-KDP.info- Serokê Hikûmeta Herêma Kurdistanê Mesrûr Barzanî bi gotarekî vidyoyî ve hin zanyariyên giring derbarê sektora çandinî û piralî kirina dahata Herêma Kurdistanê kir.

 
Wezîra Berevaniya Holandayê: Emê li ser piştevaniya Pêşmerge berdewam bin

TUESDAY, 29 NOVEMBER 2022 14:11:13

Hewlêr-KDP.info- Serokwezîrê Herêma Kurdistanê Mesrûr Barzanî îro 29.11.2022an pêşwazî li Wezîra Berevaniyê ya Hollandayê Kajsa Ollongren kir.

 
Şanda Kongrêsa Amerîka: Herêma Kurdistanê ezmûneke serkeftî ya demokrasiyê ye

SUNDAY, 27 NOVEMBER 2022 16:11:48

Hewlêr-KDP.info- Serokwezîrê Herêma Kurdistanê Mesrûr Barzanî îro Yekşemê pêşwazî li şandeke Kongrêsa Amerîkayê bi serokatiya endamê Kongrêsê Mark Takano kir ku di nav de endamên Kongrêsê Elissa Slotkin, Colin Allred û Kathy Porter hebûn.

 
Nêçîrvan Barzanî li Bexdayê ye û ligel Serokê Hevpeymaniya Ezim civiya

SUNDAY, 27 NOVEMBER 2022 15:11:24

Bexda-KDP.info- Îro Yekşema 27.11.2022yê Serokê Hikûmeta Herêma Kurdistanê Nêçîrvan Barzanî li Bexdayê li gel Serokê Hevpeymaniya Ezim Musenna Elsamarayî civiya.

 


 
© 2022 Kurdistan Democratic Party, KDP

Contact